ທ່ານນາຍົກລັດຖະມົນຕີມາເລເຊຍ Anwar Ibrahim ແລະ ພັນລະຍາພວມຢ້ຽມຢາມຫວຽດນາມ ຢ່າງເປັນທາງການ

ຖະແຫຼງຂ່າວຈາກກະຊວງການຕ່າງປະເທດ.

ນາຍົກລັດຖະມົນຕີມາເລເຊຍ Anwar Ibrahim ແລະພັນລະຍາ. (ພາບ: Malaysiakini)

ໂດຍຕອບສະໜອງຕາມຄຳເຊີນຂອງທ່ານນາຍົກລັດຖະມົນຕີ ຟ້າມບິງມິນ, ທ່ານນາຍົກລັດຖະມົນຕີ ມາເລເຊຍ Anwar Ibrahim ພ້ອມດ້ວຍພັນລະຍາ ຈະມາຢ້ຽມຢາມ ຫວຽດນາມ ຢ່າງເປັນທາງການແຕ່ວັນທີ 20-21 ກໍລະກົດ.

ຫວຽດນາມ ແລະ ມາເລເຊຍ ໄດ້ສ້າງຕັ້ງການພົວພັນທາງການທູດຢ່າງເປັນທາງການໃນວັນທີ 30/3/1973. ເຄິ່ງສັດຕະວັດຜ່ານໄປ, ການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານລະຫວ່າງ 2 ປະເທດໄດ້ພັດທະນາຢ່າງຕັ້ງໜ້າໃນທຸກຂົງເຂດ, ນຳມາເຊິ່ງຜົນປະໂຫຍດອັນໃຫຍ່ຫຼວງ ແລະ ແທດຈິງໃຫ້ແກ່ສອງປະເທດ, ພ້ອມທັງປະກອບສ່ວນກໍ່ສ້າງສະພາບແວດລ້ອມແຫ່ງສັນຕິພາບ, ສະຖຽນລະພາບ ແລະ ຄວາມວັດທະນາຖາວອນຢູ່ພາກພື້ນ.

ພາຍຫຼັງ 50 ປີແຫ່ງການສ້າງຕັ້ງ, ຮັດແໜ້ນ ແລະ ພັດທະນາ, ການພົວພັນດ້ານການເມືອງ ແລະ ການທູດລະຫວ່າງ ຫວຽດນາມ ແລະ ມາເລເຊຍ ໄດ້ຮັບການພັດທະນາຢ່າງບໍ່ຢຸດຢັ້ງ ຜ່ານບັນດາຊ່ອງທາງຂອງພັກ, ລັດ, ລັດຖະບານ ແລະ ສະພາແຫ່ງຊາດ. ໃນໄລຍະຢ້ຽມຢາມມາເລເຊຍຢ່າງເປັນທາງການໃນເດືອນ 8/2015, 2 ປະເທດໄດ້ເຫັນດີຍົກລະດັບການພົວພັນຄູ່ຮ່ວມມືຍຸດທະສາດ, ສ້າງພື້ນຖານອັນໜັກແໜ້ນໃຫ້ແກ່ການພັດທະນາແບບຍືນຍົງ ແລະ ຮອບດ້ານລະຫວ່າງສອງປະເທດ.

ມາເລເຊຍແມ່ນໜຶ່ງໃນ 10 ຄູ່ຮ່ວມມືການຄ້າໃຫຍ່ຂອງຫວຽດນາມ. ວົງເງິນການຄ້າສອງຝ່າຍເພີ່ມຂຶ້ນຢ່າງບໍ່ຢຸດຢັ້ງໃນຊຸມປີມໍ່ໆມານີ້, ບັນລຸເກືອບ 14,8 ຕື້ USD ໃນປີ 2022 (ຫວຽດນາມ ສົ່ງອອກໄປມາເລເຊຍ 5,57 ຕື້ USD ແລະ ນຳເຂົ້າ 9,1 ຕື້ USD). ຫວຽດນາມ ແລະ ມາເລເຊຍ ຖືເປັນສຳຄັນການເພີ່ມທະວີການຮ່ວມມືດ້ານການຄ້າໃຫ້ມີຄວາມດຸ່ນດ່ຽງ ແລະ ພັດທະນາແບບຍືນຍົງ, ສູ້ຊົນບັນລຸເປົ້າໝາຍນຳວົງເງິນການຄ້າສອງຝ່າຍໃຫ້ບັນລຸ 18 ຕື້ USD ໃນປີ 2025.

ທີ່ມາ