ພູມໃຈໃນຄວາມສະຫຼາດ, ຄວາມສາມາດ ແລະ ຄວາມກ້າຫານຂອງແມ່ຍິງຫວຽດນາມ

ຫວຽດນາມ ໃຫ້ຄຳໝັ້ນສັນຍາຈະສົມທົບກັບປະຊາຄົມໂລກສືບຕໍ່ຊຸກຍູ້ຄວາມສະເໝີພາບທາງເພດ ແລະ ສ້າງຄວາມເຂັ້ມແຂງໃຫ້ແກ່ແມ່ຍິງຮັບຮູ້ຄວາມສາມາດບົ່ມຊ້ອນຢ່າງຄົບຖ້ວນ ແລະ ຫັນບັນດາຄວາມມຸ່ງມາດປາດຖະໜາຂອງຕົນໃຫ້ປະກົດຜົນເປັນຈິງ.

Tự hào về trí tuệ, năng lực và bản lĩnh của người phụ nữ Việt Nam

ສະເຫຼີມສະຫຼອງ ຄົບຮອບ 10 ປີ ວັນແມ່ຍິງສາກົນ ດ້ານວິທະຍາສາດ ແລະ ເຕັກໂນໂລຊີ.

ວັນທີ 11 ກຸມພານີ້, ຢູ່ສຳນັກງານໃຫຍ່ອົງການສະຫະປະຊາຊາດໃນນະຄອນນິວຢອກ, ປະເທດອາເມລິກາ, ໄດ້ຈັດພິທີສະເຫຼີມສະຫຼອງ 10 ປີແຫ່ງວັນແມ່ຍິງສາກົນດ້ານວິທະຍາສາດເຕັກໂນໂລຊີເພື່ອເປັນກຽດແກ່ຄວາມພະຍາຍາມຂອງແມ່ຍິງໃນທົ່ວໂລກເພື່ອຜ່ານຜ່າຄວາມຫຍຸ້ງຍາກແລະສິ່ງທ້າທາຍເພື່ອບັນລຸຄວາມມຸ່ງມາດປາດຖະໜາຢາກໄປສູ່ອະວະກາດ.

ເຫດການດັ່ງກ່າວໄດ້ຮັບການສົມທົບກັນຈັດຕັ້ງໂດຍທ່ານເລຂາທິການໃຫຍ່ ສປຊ ກ່ຽວກັບຂໍ້ລິເລີ່ມຄວາມສະເໝີພາບລະຫວ່າງຍິງ - ຊາຍ ແລະ ຄະນະຜູ້ແທນໂປໂລຍ, ດ້ວຍການເຂົ້າຮ່ວມຂອງຜູ້ຕາງໜ້າຫຼາຍປະເທດສະມາຊິກ ສປຊ ແລະ ນັກບິນອາວະກາດຍິງສາກົນ, ໃນນັ້ນມີທ່ານນາງ Amanda Nguyen - ອາດຈະກາຍເປັນແມ່ຍິງຫວຽດນາມ ຄົນທຳອິດທີ່ບິນຂຶ້ນສູ່ອະວະກາດໃນໄວໆນີ້.

ທ່ານເອກອັກຄະລັດຖະທູດ ດັ້ງຮວ່າງຢາງ ກ່າວຄຳເຫັນໃນນາມບັນດາປະເທດໃນພາກພື້ນອາຊີ - ປາຊີຟິກ.

ກ່າວຄຳເຫັນໃນນາມພາກພື້ນອາຊີ - ປາຊີຟິກ, ທ່ານນາງເອກອັກຄະລັດຖະທູດ ດັ້ງຮ່ວາງຈູງ, ຫົວໜ້າຄະນະປະຈຳຫວຽດນາມ ປະຈຳສະຫະປະຊາຊາດ ເນັ້ນໜັກວ່າ ຄວາມກ້າວໜ້າຂອງແມ່ຍິງຕ້ອງເຄົາລົບຄວາມສະເໝີພາບ, ຄວາມຫຼາກຫຼາຍ ແລະ ການຮ່ວມມື, ເສີມຂະຫຍາຍກຳລັງແຮງເພື່ອໃຫ້ແມ່ຍິງບໍ່ພຽງແຕ່ເຂົ້າຮ່ວມເທົ່ານັ້ນ ຫາກຍັງມີບົດບາດນຳພາ, ຊຸກຍູ້ການປະດິດສ້າງ ແລະ ສ້າງກຳລັງແຮງໃຫ້ແກ່ການປ່ຽນແປງຢ່າງມີຄວາມໝາຍ.

ຜູ້ຕາງໜ້າຫວຽດນາມ ໃຫ້ຮູ້ວ່າ: ໃນສະພາບການທີ່ແມ່ຍິງຢູ່ຫຼາຍປະເທດໃນໂລກຍັງຕົກເປັນເຫຍື່ອຂອງຂໍ້ຂັດແຍ່ງ, ຄວາມຮຸນແຮງ, ການຈຳແນກ, ເພື່ອປະກອບສ່ວນສ້າງອະນາຄົດທີ່ຍຸຕິທຳ ແລະ ວັດທະນາຖາວອນກວ່າສຳລັບທຸກຄົນ, ປະຊາຄົມສາກົນຕ້ອງມານະພະຍາຍາມຊຸກຍູ້ ແລະ ຕັ້ງໜ້າແກ້ໄຂບັນດາສິ່ງກີດຂວາງ, ສ້າງສະພາບແວດລ້ອມທີ່ເອື້ອອຳນວຍໃຫ້ແກ່ແມ່ຍິງ ແລະ ເດັກຍິງເຂົ້າຮ່ວມ ແລະ ປະກອບສ່ວນວິທະຍາສາດກວ່າອີກ.

ທ່ານເອກອັກຄະລັດຖະທູດ ດັ້ງຮ່ວາງຢາງ ແລະ ທ່ານນາງ Amanda Nguyen ເຊິ່ງຈະກາຍເປັນແມ່ຍິງ ຫວຽດນາມ ຄົນທຳອິດທີ່ບິນຂຶ້ນສູ່ອະວະກາດໃນໄວໆນີ້.

ເນື່ອງໃນໂອກາດນີ້, ທ່ານນາງເອກອັກຄະລັດຖະທູດ ດັ້ງຮ່ວາຍຈູງ ໄດ້ຕີລາຄາສູງບັນດາຄວາມມານະພະຍາຍາມ ແລະ ໝາກຜົນຂອງຫວຽດນາມ ໃນດ້ານສະເໝີພາບທາງເພດ, ສ້າງໂອກາດສະເໝີພາບໃຫ້ແມ່ຍິງເຂົ້າຮ່ວມ ແລະ ປະກອບສ່ວນເຂົ້າໃນທຸກຂົງເຂດຂອງຊີວິດສັງຄົມ, ພິເສດແມ່ນດ້ານວິທະຍາສາດ, ນະວັດຕະກຳ ແລະ ສ້າງສັນ.

ການຜ່ານຜ່າຄວາມທຸກຍາກລຳບາກຂອງນາງ Amanda Nguyen ເພື່ອບັນລຸຄວາມຝັນຢາກກາຍເປັນແມ່ຍິງຫວຽດນາມ ຄົນທຳອິດທີ່ບິນຂຶ້ນສູ່ອະວະກາດ ແມ່ນການຢັ້ງຢືນຄວາມສະຫຼາດ, ຄວາມສາມາດ ແລະ ຄວາມກ້າຫານຂອງແມ່ຍິງ ຫວຽດນາມ. ຫວຽດນາມ ໃຫ້ຄຳໝັ້ນສັນຍາຈະສົມທົບກັບປະຊາຄົມໂລກສືບຕໍ່ຊຸກຍູ້ຄວາມສະເໝີພາບລະຫວ່າງຍິງຊາຍ ແລະ ສ້າງຄວາມເຂັ້ມແຂງໃຫ້ແກ່ແມ່ຍິງຮັບຮູ້ຄວາມສາມາດບົ່ມຊ້ອນຢ່າງຄົບຖ້ວນ ແລະ ຫັນບັນດາຄວາມມຸ່ງມາດປາດຖະໜາຂອງຕົນໃຫ້ປະກົດຜົນເປັນຈິງ.

ທີ່ມາ: https://baoquocte.vn/tu-hao-ve-tri-tue-nang-luc-va-ban-linh-cua-nguoi-phu-nu-viet-nam-304116.html