ຄວາມພະຍາຍາມຊອກຫາຊາວປະມົງສອງຄົນທີ່ຕົກຢູ່ໃນທະເລແລະຫາຍສາບສູນຢູ່ບິ່ງດິ້ງ

ຕາມການລາຍງານດ່ວນຂອງຄະນະປະຈຳຄະນະຊີ້ນຳປ້ອງກັນ, ຄວບຄຸມ ແລະ ກູ້ໄພທຳມະຊາດແຂວງ ບິ່ງດິ້ງ, ວັນທີ 22 ກຸມພາ, ເຮືອຫາປາຫຼາຍລຳໄດ້ພະຍາຍາມຊອກຫາຊາວປະມົງ 2 ຄົນທີ່ຕົກໃນທະເລແລະຫາຍສາບສູນ.

ໃຫ້ຮູ້ວ່າ: ເຮືອຫາປາໝາຍເລກທະບຽນ BD 97731 TS, ມີ 5 ຄົນ ຢູ່ເທິງເຮືອ, ເປັນຂອງ ທ່ານ ເລວັນໄທ (ອາໄສຢູ່ເຂດ ຕາມກວາງບັກ, ເມືອງ ຮ່ວາຍເຍີນ, ແຂວງ ບິ່ງດິງ), ໄດ້ມອບໃຫ້ ທ່ານ ເລວັນເທມ ມາຈາກທ້ອງຖິ່ນດຽວກັນ ເປັນຫົວໜ້າ, ຫາປາປາທູນາມະຫາສະໝຸດ. ກຳປັ່ນໄດ້ອອກເດີນທາງໃນວັນທີ 18 ກຸມພາ 2025 ທີ່ສະຖານີກວດກາຊາຍແດນ Tam Quan.

ໃນເວລາ 11:55 ໂມງ ຂອງວັນທີ 20 ກຸມພາ 2025, ໃນຂະນະທີ່ກຳປັ່ນແລ່ນຢູ່ທະເລປະມານ 90 ໄມທາງທິດຕາເວັນຕົກສຽງເໜືອຂອງເກາະ Song Tu Tay, ລູກເຮືອ Vo Van Tin (ເກີດປີ 1974, ອາໃສຢູ່ຄຸ້ມ Hoai Thanh, ເມືອງ Hoai Nhon) ໄດ້ຕົກລົງໃນທະເລ ແລະຫາຍສາບສູນ.

ນອກນີ້, ເຮືອຫາປາໝາຍເລກທະບຽນ BD 94563 TS, ມີ 24 ຄົນ ຢູ່ເທິງເຮືອ, ເປັນຂອງ ທ່ານ ຫງວຽນ ນາມ (ຢູ່ຕາແສງ ໝີ້ແທ່ງ, ເມືອງ ຝູ໋ແມ້ງ, ແຂວງ ບິ່ງດິ້ງ), ມອບໃຫ້ ທ່ານ ຫງວຽນວັນຈວນ, ອາໃສຢູ່ທ້ອງຖິ່ນດຽວກັນ ເປັນນາຍເຮືອ, ຫາປາດ້ວຍຖົງເບົາ. ກຳປັ່ນດັ່ງກ່າວໄດ້ອອກເດີນທາງໃນວັນທີ 16 ກຸມພາ 2025 ທີ່ນະຄອນ ຫວຸງເຕົ່າ.

ເວລາ 3 ໂມງຂອງວັນທີ 21 ກຸມພາ 2025, ໃນຂະນະທີ່ກຳປັ່ນດຳເນີນການຢູ່ໃນທະເລປະມານ 172 ໄມທະເລທາງທິດຕາເວັນຕົກສຽງໃຕ້ຂອງເມືອງໂກນດ່າວ, ລູກເຮືອ Le Thanh Tien (ເກີດປີ 1989, ຢູ່ຕາແສງ My Thanh, ເມືອງ Phu My) ໄດ້ຕົກໃນທະເລແລະຫາຍສາບສູນ.

Các tàu cá thực hiện công tác cứu hộ cứu nạn trên biển.

ເຮືອຫາປາປະຕິບັດວຽກງານກູ້ໄພຢູ່ທະເລ. (ພາບປະກອບ: DANANG MRCC)

ຄະນະຊີ້ນຳປ້ອງກັນ, ຄວບຄຸມ ແລະ ກູ້ໄພທຳມະຊາດແຂວງ ບິ່ງດິ່ງ ໃຫ້ຮູ້ວ່າ: ພວມຮຽກຮ້ອງໃຫ້ໜູນຊ່ວຍໃນການຊອກຫາຊາວປະມົງ 2 ຄົນທີ່ຫາຍສາບສູນຢູ່ທະເລ. ປັດຈຸບັນ, ເຮືອຫາປາ 2 ລຳ ໝາຍເລກ BD 97731 TS, BD 94563 TS ພ້ອມດ້ວຍເຮືອຫາປາ BD 94017 TS ແລະ BD 97107 TS ທີ່ປະຕິບັດການຢູ່ໃກ້ໆບໍລິເວນດັ່ງກ່າວ ພວມຊ່ວຍກັນຄົ້ນຫາ ແຕ່ຍັງບໍ່ທັນພົບເຫັນຜູ້ສູນຫາຍ.

ທີ່ມາ: https://thoidai.com.vn/no-luc-tim-kiem-2-ngu-dan-bi-roi-xuong-bien-mat-tich-tai-binh-dinh-210381.html