BIDV ແລະ Transerco ຮ່ວມມືເພື່ອຊຸກຍູ້ການພັດທະນາ "ການຂົນສົ່ງສີຂຽວ"

BIDV ຈະສະໜອງໃຫ້ Transerco ດ້ວຍບັນດາວິທີແກ້ໄຂດ້ານການເງິນທີ່ທັນສະໄໝ, ບຸລິມະສິດແຫຼ່ງທຶນໃຫ້ແກ່ບັນດາໂຄງການພັດທະນາພາຫະນະພະລັງງານສີຂຽວ, ປະກອບສ່ວນເຂົ້າໃນການປະຕິບັດຄໍາໝັ້ນສັນຍາ Net Zero ຂອງຫວຽດນາມ.

VietnamPlus•26/02/2025

ທ່ານ Tran Long - ຮອງຜູ້ອຳນວຍການໃຫຍ່ BIDV - ແລະ ທ່ານ Nguyen Thuy - ຮອງຜູ້ອຳນວຍການໃຫຍ່ Transerco - ຕາງໜ້າໃຫ້ 2 ໜ່ວຍງານລົງນາມໃນບົດບັນທຶກຄວາມເຂົ້າໃຈ. (ພາບ: ຫວຽດນາມ+)

ກປ.ອອນໄລ - ຕອນເຊົ້າວັນທີ 24 ກຸມພາ, ທະນາຄານຮ່ວມທຸລະກິດລົງທຶນ ແລະພັດທະນາ ຫວຽດນາມ (BIDV) ແລະ ບໍລິສັດຂົນສົ່ງ ຮ່າໂນ້ຍ (Transerco) ໄດ້ລົງນາມໃນບົດບັນທຶກຄວາມເຂົ້າໃຈເພື່ອປະຕິບັດບັນດາໂຄງການຄົມມະນາຄົມສີຂຽວຢ່າງແຂງແຮງ.

ຕາມນັ້ນແລ້ວ, BIDV ຈະສະໜອງບັນດາມາດຕະການແກ້ໄຂດ້ານການເງິນທີ່ທັນສະໄໝຂອງ Transerco, ບຸລິມະສິດແຫຼ່ງທຶນໃຫ້ແກ່ບັນດາໂຄງການພັດທະນາພາຫະນະພະລັງງານສີຂຽວ, ປະກອບສ່ວນປະຕິບັດຄຳໝັ້ນສັນຍາ Net Zero ຂອງ ຫວຽດນາມ ໃຫ້ແທດຈິງ. ພິເສດ, BIDV ຈະພ້ອມກັບ Transerco ໃນການຜັນຂະຫຍາຍໂຄງການ “ປ່ຽນລົດໂດຍສານນຳໃຊ້ພະລັງງານໄຟຟ້າ ແລະ ພະລັງງານຂຽວຂອງບໍລິສັດຂົນສົ່ງຮ່າໂນ້ຍ ໄລຍະ 2024-2035” ດ້ວຍເປົ້າໝາຍຫັນລົດເມກາຊວນທັງໝົດເປັນລົດເມໄຟຟ້າ.

ກ່າວຄຳເຫັນທີ່ພິທີລົງນາມ, ທ່ານ ເລງອກເລີມ, ຜູ້ອຳນວຍການໃຫຍ່ BIDV ໃຫ້ຮູ້ວ່າ: BIDV ຍາມໃດກໍ່ກຳນົດການພັດທະນາແບບຍືນຍົງແມ່ນຈຸດໝາຍທີ່ສອດຄ່ອງໃນການເຄື່ອນໄຫວຂອງຕົນ. ດ້ວຍວິໄສທັດ “ບຸກເບີກສ້າງຄຸນຄ່າແບບຍືນຍົງ”, BIDV ດຳເນີນຍຸດທະສາດວາງຕົວແທນຍີ່ຫໍ້ທະນາຄານຂຽວ. ຜ່ານການລົງນາມໃນບົດບັນທຶກຊ່ວຍຈຳ, BIDV ປາດຖະໜາຢາກຮ່ວມມືຢ່າງແໜ້ນແຟ້ນ ແລະ ມີປະສິດທິຜົນກັບ Transerco ເພື່ອປະກອບສ່ວນຊຸກຍູ້ຂະບວນການ “ສີຂຽວ” ລະບົບຂົນສົ່ງ, ນຳບັນດາຄຸນຄ່າແບບຍືນຍົງໃຫ້ແກ່ຊຸມຊົນ, ປະກອບສ່ວນຕັ້ງໜ້າເຂົ້າໃນຍຸດທະສາດແຫ່ງຊາດກ່ຽວກັບການເຕີບໂຕຂຽວໄລຍະຮອດປີ 2030 ດ້ວຍວິໄສທັດຮອດປີ 2005.

ນອກຈາກນັ້ນ, BIDV ຈະສະຫນອງຜະລິດຕະພັນແລະການບໍລິການທີ່ຫລາກຫລາຍໃຫ້ກັບ Transerco, ໂດຍສະເພາະແມ່ນການມາພ້ອມກັບການປະຕິບັດດິຈິຕອນແລະອັດຕະໂນມັດຂອງການບໍລິການຊໍາລະເງິນທີ່ບໍ່ມີເງິນສົດ.

ທ່ານ ຫງວຽນແທ່ງນາມ, ຜູ້ອຳນວຍການໃຫຍ່ບໍລິສັດ Transerco ກໍ່ໃຫ້ຮູ້ວ່າ, ດ້ວຍຖານະເປັນຫົວໜ່ວຍນຳໜ້າໃນຂົງເຂດຂົນສົ່ງຜູ້ໂດຍສານສາທາລະນະໃນນະຄອນຫຼວງ ຮ່າໂນ້ຍ, Transerco ພວມຄ່ອຍໆຫັນເປັນພາຫະນະທີ່ນຳໃຊ້ພະລັງງານໄຟຟ້າ ແລະ ພະລັງງານຂຽວ. ດ້ວຍການສະໜັບສະໜູນຂອງ BIDV, Transerco ເຊື່ອວ່າໃນໄວໆນີ້ຈະຮັບຮູ້ແຜນທີ່ເສັ້ນທາງການຫັນເປັນລົດເມໄຟຟ້າ, ປະກອບສ່ວນສ້າງລະບົບການຂົນສົ່ງສາທາລະນະທີ່ທັນສະໄໝ ແລະເປັນມິດກັບສິ່ງແວດລ້ອມ.

ພິທີລົງນາມໃນບົດບັນທຶກຄວາມເຂົ້າໃຈລະຫວ່າງ BIDV ແລະ Transerco ຢັ້ງຢືນຄວາມຕັດສິນໃຈຂອງ 2 ຫົວໜ່ວຍໃນການຍົກລະດັບການພົວພັນຮ່ວມມືໃນໄລຍະໃໝ່ ແລະ ສົມທົບກັນມານະພະຍາຍາມສ້າງພື້ນຖານເສດຖະກິດສີຂຽວ. ການຮ່ວມມືລະຫວ່າງສອງປະເທດຍັງຈະນຳມາເຊິ່ງບັນດາຄຸນຄ່າທາງບວກ, ປະກອບສ່ວນຫຼຸດຜ່ອນການປ່ອຍອາຍພິດເຮືອນແກ້ວ, ປັບປຸງຄຸນນະພາບອາກາດໃນຕົວເມືອງ ແລະ ມຸ່ງໄປເຖິງຈຸດໝາຍພັດທະນາແບບຍືນຍົງຂອງປະເທດ./.

ທີ່ມາ: https://www.vietnamplus.vn/bidv-va-transerco-hop-tac-thuc-day-phat-trien-giao-thong-xanh-post1014394.vnp