ទំនាក់ទំនងប្រពៃណីល្អរវាងកម្ពុជា និងវៀតណាម គឺជាទ្រព្យសម្បត្តិដែលមិនអាចកាត់ថ្លៃបានរបស់ប្រទេសទាំងពីរ។

នាថ្ងៃទី ១៨ ខែមីនា ឯកអគ្គរដ្ឋទូតវៀតណាមប្រចាំនៅកម្ពុជា លោក Nguyen Minh Vu បានចូលជួបសម្តែងការគួរសមជាមួយសម្តេចអគ្គមហាពញាចក្រី ហេង សំរិន ប្រធានកិត្តិយសគណបក្សប្រជាជនកម្ពុជា និងជាប្រធានកិត្តិយសនៃឧត្តមក្រុមប្រឹក្សានៃព្រះមហាក្សត្រកម្ពុជា។

ក្នុងពិធីទទួលនោះ ប្រធានកិត្តិយសគណបក្សប្រជាជនកម្ពុជា សម្តេច ហេង សំរិន បានអបអរសាទរឯកអគ្គរដ្ឋទូត ង្វៀន មិញវូ ក្នុងការបំពេញភារកិច្ចនៅព្រះរាជាណាចក្រកម្ពុជា; វាយតំលៃខ្ពស់ចំពោះការអភិវឌ្ឍន៍ដ៏ខ្លាំងក្លាលើគ្រប់វិស័យរបស់វៀតណាម។ សង្ឃឹមថា លោកឯកអគ្គរដ្ឋទូត Nguyen Minh Vu នឹងបន្តរួមចំណែកជំរុញទំនាក់ទំនងទ្វេភាគីឡើងកំពស់ថ្មី។

ប្រធានកិត្តិយសគណបក្សប្រជាជនកម្ពុជា សម្តេច ហេង សំរិន បានវាយតម្លៃខ្ពស់ចំពោះទំនាក់ទំនងប្រពៃណីដ៏ល្អរវាងកម្ពុជា និងវៀតណាម ដោយចាត់ទុកវាជាទ្រព្យសម្បត្តិដែលមិនអាចកាត់ថ្លៃបានរបស់ប្រទេសទាំងពីរ។ ជឿជាក់ថា វៀតណាមក្រោមការដឹកនាំរបស់បក្សកុម្មុយនិស្តវៀតណាម ដឹកនាំដោយអគ្គលេខាធិកា To Lam នឹងអនុវត្តការកែទម្រង់ និងសម្រួលប្រព័ន្ធរដ្ឋបាលប្រកបដោយជោគជ័យ។

ក្នុងឱកាសនេះ ប្រធានកិត្តិយសគណបក្សប្រជាជនកម្ពុជា បានថ្លែងអំណរគុណចំពោះប្រទេសវៀតណាម ដែលតែងតែគាំទ្រ និងជួយដល់កម្ពុជានាពេលកន្លងមក និងបច្ចុប្បន្ន រួមទាំងជំនួយចំនួន ២៥លានដុល្លារអាមេរិក ដើម្បីសាងសង់អគាររដ្ឋបាលរដ្ឋសភាកម្ពុជា។ អបអរសាទរចំពោះជោគជ័យនៃកិច្ចប្រជុំជាន់ខ្ពស់រវាងថ្នាក់ដឹកនាំនៃគណបក្សទាំងពីរ ប្រទេសទាំងពីរ និងរវាងភាគីទាំងបីនៃប្រទេសវៀតណាម កម្ពុជា និងឡាវ។ ជាមួយគ្នានេះ សម្តេច ហេង សំរិន ប្រធានកិត្តិយសគណបក្សប្រជាជនកម្ពុជា ក៏បានផ្តាំផ្ញើសួរសុខទុក្ខថ្នាក់ដឹកនាំជាន់ខ្ពស់វៀតណាម និងជូនពរឆ្នាំថ្មីប្រពៃណីជាតិខ្មែរ ជូនចំពោះឯកអគ្គរដ្ឋទូត និងបុគ្គលិកនៃស្ថានទូតវៀតណាមប្រចាំនៅកម្ពុជា។

ក្នុងឱកាសនោះ លោកឯកអគ្គរដ្ឋទូត Nguyen Minh Vu បានពាំនាំនូវការសួរសុខទុក្ខ និងជូនពរពីថ្នាក់ដឹកនាំជាន់ខ្ពស់របស់វៀតណាមជូនចំពោះសម្តេច ហេង សំរិន ប្រធានកិត្តិយសគណបក្សប្រជាជនកម្ពុជា។ បានកោតសរសើរចំពោះការរួមចំណែករបស់សម្តេចក្នុងការកសាង និងពង្រឹងទំនាក់ទំនងកិច្ចសហប្រតិបត្តិការរវាងបក្សទាំងពីរ សភាជាតិ និងរណសិរ្សមាតុភូមិនៃប្រទេសទាំងពីរ។

អបអរសាទរចំពោះការអភិវឌ្ឍន៍ដ៏ខ្លាំងក្លារបស់កម្ពុជាលើគ្រប់វិស័យ ឯកអគ្គរដ្ឋទូតបានបញ្ជាក់ពីតួនាទីដឹកនាំរបស់គណបក្សប្រជាជនកម្ពុជា និងសម្តេច ហេង សំរិន ផ្ទាល់នៅក្នុងជោគជ័យទាំងនេះ។ ទន្ទឹមនឹងនោះ លោកបានសន្យានឹងខិតខំប្រឹងប្រែងជំរុញកិច្ចសហប្រតិបត្តិការរវាងវៀតណាម និងកម្ពុជាលើគ្រប់វិស័យ ជាពិសេសនយោបាយ ការពារជាតិ-សន្តិសុខ សេដ្ឋកិច្ច និងការផ្លាស់ប្តូរប្រជាជនទៅប្រជាជន។

សម្តេចពិជ័យសេនា ទៀ បាញ់ អនុប្រធានគណបក្សប្រជាជនកម្ពុជា។ (រូបភាព៖ Fresh News)

មុននោះ នាថ្ងៃទី១៧ ខែមីនា លោកឯកអគ្គរដ្ឋទូត Nguyen Minh Vu បានចូលជួបសម្តែងការគួរសមជាមួយសម្តេចពិជ័យសេនា ទៀ បាញ់ អនុប្រធានគណបក្សប្រជាជនកម្ពុជា និងជាទីប្រឹក្សាកំពូលរបស់ព្រះមហាក្សត្រ។

ក្នុងពិធីទទួលនោះ ភាគីទាំងពីរបានពិនិត្យឡើងវិញនូវសមិទ្ធិផលក្នុងទំនាក់ទំនង “អ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និរន្តរភាពយូរអង្វែង” រវាងប្រទេសទាំងពីរនាពេលថ្មីៗនេះ; អះអាងថានឹងបន្តខិតខំប្រឹងប្រែងដើម្បីមរតក និងលើកតម្កើងសមិទ្ធិផលនៃកិច្ចសហប្រតិបត្តិការ និងទំនាក់ទំនងអ្នកជិតខាងល្អ និងមិត្តភាពជាប្រពៃណីរវាងវៀតណាម និងកម្ពុជាដែលបានបង្កើតឡើង និងបន្តចិញ្ចឹមបីបាច់ក្នុងរយៈពេលជាច្រើនទសវត្សរ៍កន្លងមក។

ក្នុងឱកាសនេះ លោកឯកអគ្គរដ្ឋទូត ង្វៀន មិញវូ ក៏បានអបអរសាទរចំពោះ សម្តេច ទៀ បាញ់ អនុប្រធានគណបក្សប្រជាជនកម្ពុជា ដែលត្រូវបានព្រះមហាក្សត្រកម្ពុជា ត្រាស់បង្គាប់តែងតាំងជាឧត្តមសេនីយ៍ផ្កាយ៥ ដែលជាឋានន្តរស័ក្តិខ្ពស់បំផុតក្នុងជួរកងយោធពលខេមរភូមិន្ទ សម្រាប់ការចូលរួមចំណែកថែរក្សា ការពារ និងកសាងប្រទេសកម្ពុជាឱ្យកាន់តែរីកចម្រើន និងស្រស់ស្អាត។

ប្រភព៖ https://nhandan.vn/quan-he-truyen-thong-tot-dep-giua-campuchia-va-viet-nam-la-tai-san-vo-gia-cua-hai-nuoc-post865984.html