មនុស្ស២នាក់ស្លាប់ដោយសារលង់ទឹក សង្ស័យពាក់ព័ន្ធនឹងការភ្នាល់ជល់មាន់

នៅវេលាម៉ោងប្រហែល 11:00 ព្រឹក ថ្ងៃទី 17 ឧសភា ប្រជាពលរដ្ឋនៅភូមិ Dien Hoa ឃុំ Nghia Dien ស្រុក Tu Nghia ខេត្ត Quang Ngai បានប្រទះឃើញសាកសពបុរសម្នាក់អណ្តែតលើទន្លេ Bau Co ។ ប្រជាពលរដ្ឋបានរាយការណ៍ទៅសមត្ថកិច្ចឱ្យមកដឹកសពជនរងគ្រោះទៅច្រាំង។

មនុស្ស២នាក់បានស្លាប់ដោយសារលង់ទឹក សង្ស័យជាប់ពាក់ព័ន្ធការភ្នាល់ជល់មាន់ - ១ — នគរបាលខេត្ត Quang Ngai បន្តចាប់ខ្លួនករណីល្បែងជល់មាន់។ រូបភាព៖ ប៉ូលីសខេត្ត Quang Ngai

លុះដល់វេលាម៉ោង៤រសៀលថ្ងៃដដែល ប្រជាពលរដ្ឋមូលដ្ឋានបានបន្តប្រទះ ឃើញសពបុរសរងគ្រោះម្នាក់ទៀត នៅមាត់ទន្លេនេះ។ តាមរយៈការធ្វើកោសល្យវិច័យជនរងគ្រោះទាំង២នាក់មានឈ្មោះ Le Xuan Thuc អាយុ៣៤ឆ្នាំ មានទីលំនៅឃុំ Nghia Dien និងឈ្មោះ Le Hoang Duc អាយុ៣៩ឆ្នាំ មានទីលំនៅសង្កាត់ Nghia Lo ក្រុង Quang Ngai ។ សាកសពជនរងគ្រោះ ត្រូវបានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី។

បើតាមប្រជាពលរដ្ឋ បានឲ្យដឹងថា នៅវេលាថ្ងៃត្រង់ ថ្ងៃទី១៧ ខែឧសភា នគរបាលឃុំងៀដៀន បានចុះពិនិត្យកន្លែងកើតហេតុ សង្ស័យបើកល្បែងជល់មាន់ នៅក្នុងសួនអាកាស្យា ក្នុងភូមិដៀនហ្វា។ ពេលរកឃើញប៉ូលិស មនុស្សប្រហែល១០នាក់បានរត់គេចខ្លួន ខ្លះរត់សំដៅទៅទន្លេ Bau Co ។

នៅកន្លែងកើតហេតុ សមត្ថកិច្ចបានដកហូតវត្ថុតាងជាច្រើនពាក់ព័ន្ធនឹងការរៀបចំជល់មាន់ទារប្រាក់ ។ ប្រជាពលរដ្ឋជាច្រើនជឿថា ជនរងគ្រោះទាំងពីរនាក់នេះ ប្រហែលជាមានទំនាក់ទំនងនឹងក្រុមអ្នករៀបចំជល់មាន់ ដែលបានរត់គេចខ្លួនលង់ទឹកស្លាប់ពេលហែលទឹកឆ្លងទន្លេ។

ហេតុការណ៍នេះកំពុងត្រូវបានសមត្ថកិច្ចស៊ើបអង្កេត និងបំភ្លឺ។

(ប្រភព៖ VOV)

មានប្រយោជន៍
អារម្មណ៍
ច្នៃប្រឌិត
ប្លែក
កំហឹង