ព្រះមហាក្សត្រកម្ពុជា តែងតាំងកូនប្រុសលោក ហ៊ុន សែន ជានាយករដ្ឋមន្ត្រីថ្មី។

ប៉ុន្មានថ្ងៃបន្ទាប់ពីការឈ្នះឆ្នោតរបស់លោកក្នុងខែកក្កដា លោក ហ៊ុន សែន បានប្រកាសថា លោកនឹងចុះចេញពីតំណែងជានាយករដ្ឋមន្ត្រី ហើយប្រគល់អំណាចទៅឲ្យកូនប្រុសច្បងរបស់លោក។ លោក ហ៊ុន ម៉ាណែត អាយុ ៤៥ឆ្នាំ បានកាន់តំណែងជាអគ្គមេបញ្ជាការនៃកងយោធពលខេមរភូមិន្ទតាំងពីឆ្នាំ ២០១៨។

ថ្ងៃនេះ តាមសំណើរបស់លោក ហ៊ុន សែន ព្រះមហាក្សត្រ នរោត្តម សីហមុនី នៃព្រះរាជាណាចក្រកម្ពុជា បានចេញព្រះរាជក្រឹត្យត្រាស់បង្គាប់តែងតាំងលោកបណ្ឌិត ហ៊ុន ម៉ាណែត ជានាយករដ្ឋមន្ត្រីនៃព្រះរាជាណាចក្រកម្ពុជា សម្រាប់នីតិកាលទី៧ នៃរដ្ឋសភា។

ទោះយ៉ាងណាក៏ដោយ ដើម្បីក្លាយជាមេដឹកនាំថ្មីរបស់ប្រទេសនេះជាផ្លូវការ លោក ហ៊ុន ម៉ាណែត និងគណៈរដ្ឋមន្ត្រីថ្មីរបស់លោក ត្រូវតែបោះឆ្នោតទុកចិត្តក្នុងរដ្ឋសភាកម្ពុជា នៅថ្ងៃទី២២ ខែសីហា។

លោក ហ៊ុន សែន បានក្លាយជានាយករដ្ឋមន្ត្រីនៃប្រទេសកម្ពុជាក្នុងឆ្នាំ ១៩៨៥។ លោកបានជួយធ្វើទំនើបកម្មប្រទេសក្រោយសង្គ្រាម និងអំពើប្រល័យពូជសាសន៍។ ក្រោយចាកចេញពីតំណែង លោកនាយករដ្ឋមន្ត្រី ហ៊ុន សែន នឹងក្លាយជាប្រធានព្រឹទ្ធសភាកម្ពុជានៅដើមឆ្នាំក្រោយ។

លោក Hoang Hai (យោងតាមសារព័ត៌មាន Bangkok Post, CNA, AFP)

ប្រភព