អគ្គិភ័យ​ឆេះ​ហាង​លក់​សម្លៀក​បំពាក់​នៅ​ទីក្រុង​ហូជីមិញ

កាលពីថ្ងៃទី២៣ ខែសីហា អាជ្ញាធរស្រុក Binh Chanh កំពុងស៊ើបអង្កេតរកមូលហេតុដែលបណ្តាលឲ្យមានអគ្គីភ័យឆាបឆេះហាងសំលៀកបំពាក់មួយកន្លែងក្នុងឃុំ Vinh Loc B។

នៅ​ម៉ោង​ប្រហែល​៤​និង​៣០​នាទី​ទៀបភ្លឺ​ថ្ងៃ​ដដែល មាន​អគ្គិភ័យ​ឆាបឆេះ​ហាង​លក់​សម្លៀក​បំពាក់​មួយកន្លែង​នៅ​ផ្លូវ Nguyen Thi Tu សង្កាត់ Vinh Loc B ពេល​ឃើញ​ហេតុ​ការណ៍​ប្រជាពលរដ្ឋ​នៅ​ក្បែរ​នោះ​ស្រែក​ឆោឡោ​ព្យាយាម​ពន្លត់​ភ្លើង​នៅ​នឹង​កន្លែង​តែ​មិន​បាន​សម្រេច ។

ហាង​លក់​សម្លៀក​បំពាក់​មួយ​កន្លែង​នៅ​ផ្លូវ Nguyen Thi Tu ស្រុក Binh Chanh ត្រូវ​ភ្លើង​ឆាប​ឆេះ​ទាំង​ព្រឹក​ព្រលឹម (រូបថត​កាត់​ចេញ​ពី​ឃ្លីប)។

ក្រោយទទួលបានដំណឹងនេះ កម្លាំងនគរបាលបង្ការ និងពន្លត់អគ្គីភ័យ នៃស្នងការដ្ឋាននគរបាលស្រុកបិញចាញ់ បានចល័តមន្ត្រី ទាហាន និងរថយន្តពន្លត់អគ្គិភ័យជាច្រើនគ្រឿង ចុះទៅកន្លែងកើតហេតុភ្លាមៗ ដើម្បីពន្លត់ភ្លើង និងទប់ស្កាត់កុំឲ្យឆេះរាលដាល។ ភ្លើង​ត្រូវ​បាន​ពន្លត់​បន្តិច​ក្រោយ​មក។

ថ្លែងទៅកាន់ អ្នកសារព័ត៌មាន Dan Tri ប្រធានគណៈកម្មាធិការប្រជាជនឃុំ Vinh Loc B បាននិយាយថា អគ្គិភ័យនេះមិនបណ្តាលឲ្យមនុស្សណាម្នាក់រងរបួសនោះទេ ប៉ុន្តែបានឆេះបំផ្លាញទ្រព្យសម្បត្តិជាច្រើននៅខាងក្នុងហាងលក់សំលៀកបំពាក់។ ទូ ATM និងផ្នែកមួយនៃផ្លាកសញ្ញាធនាគារនៅជាប់នឹងវាត្រូវបានដុតបំផ្លាញ។

មូលហេតុ​នៃ​ការ​ឆាបឆេះ និង​ទំហំ​នៃ​ការ​ខូច​ខាត​សមត្ថកិច្ច​កំពុង​ធ្វើ​ការ​បំភ្លឺ។

ប្រភព៖ https://dantri.com.vn/xa-hoi/chay-tiem-quan-ao-o-tphcm-20240823101537837.htm