បំផ្លាញកាស៊ីណូប្រណាំងសេះ និងជល់មាន់ ឃាត់ខ្លួនមនុស្ស២៤នាក់

នៅរសៀលថ្ងៃទី៧ ខែកក្កដា នេះ នាយកដ្ឋានគ្រប់គ្រងសណ្តាប់ធ្នាប់សង្គម (QLHC-TTXH) នៃស្នងការដ្ឋាននគរបាលខេត្ត Vinh Long បានឲ្យដឹងថា អង្គភាពបានផ្ទេរ និងប្រគល់មនុស្ស២៤នាក់ ដែលប្រមូលផ្តុំគ្នាលេងល្បែងនេះ ជូននគរបាលមូលដ្ឋាន ដើម្បីធ្វើការស៊ើបអង្កេតបន្ត និងចាត់ការតាមបញ្ញត្តិច្បាប់។

Triệt xóa sòng bạc cờ cá ngựa và đá gà ‘khủng’ bắt giữ 24 người - Ảnh 1. — ក្រុមអ្នកលេងល្បែងត្រូវបានចាប់ខ្លួននៅកន្លែងកើតហេតុ។

នៅវេលាម៉ោង ១១៖០០នាទីថ្ងៃខែឆ្នាំដដែល កម្លាំងនាយកដ្ឋានគ្រប់គ្រងរដ្ឋបាល និងសណ្តាប់ធ្នាប់សង្គម នៃស្នងការដ្ឋាននគរបាលខេត្ត Vinh Long បានសហការជាមួយកម្លាំងនគរបាលព្រហ្មទណ្ឌស្រុក Long Ho បានចុះចូលដីឡូត៍ទំនេរមួយកន្លែង ស្ថិតក្នុងភូមិ Phuoc Nguon A ឃុំ Phuoc Hau ស្រុក Long Ho ហើយចាប់បានមនុស្សជាច្រើននាក់ដែលប្រមូលផ្តុំគ្នាលេងល្បែងជល់មាន់ និងប្រណាំងសេះ។

នៅពេលចាប់ខ្លួន ប៉ូលីសបានឃាត់ខ្លួនមនុស្សចំនួន ២៤ នាក់ ដែលមានទីលំនៅក្នុង ស្រុក Long Ho ក្រុង Vinh Long និង ស្រុក Mang Thit (Vinh Long)។ វត្ថុតាងរឹបអូសបានរួមមាន៖ មាន់៧ក្បាល ជញ្ជីងថ្លឹង១ ខ្សែអាត់ប្រើរួច១០ដុំ ដែកកេះ១០គូ ដែកកេះ១៦ដុំ ឡុកឡាក់២គ្រឿង ទូរស័ព្ទដៃ២៤គ្រឿង ម៉ូតូ១៨គ្រឿង និងទឹកប្រាក់សរុបជាង១៣០លានដុង។

ករណីល្បែងស៊ីសងខាងលើកំពុងត្រូវបាននគរបាលស្រុកឡងហូ (Vinh Long) ធ្វើការស្រាវជ្រាវបន្តតាមនីតិវិធីច្បាប់។

ប្រភពតំណ