សមាជិករដ្ឋសភាកម្ពុជា នីតិកាលទី៧ ចូលកាន់តំណែង

ក្នុងពិធីសច្ចាប្រណិធាននេះ តំណាងរាស្រ្តទាំងអស់បានសន្យាថានឹងគោរពរដ្ឋធម្មនុញ្ញ បម្រើ និងការពារផលប្រយោជន៍ជាតិ និងប្រជាជនកម្ពុជា និងបំពេញបេសកកម្មដែលប្រជាជនកម្ពុជាប្រគល់ជូន។ សច្ចាប្រណិធានក្នុងពិធីនេះ តំណាងរាស្រ្តបានសន្យាថានឹងមិនប្រើប្រាស់ផលប្រយោជន៍ជាតិ ដើម្បីផលប្រយោជន៍ផ្ទាល់ខ្លួន ប្រយោជន៍គ្រួសារ ឬកេងចំណេញក្រុម។ ប្តេជ្ញាការពារឯករាជ្យ និងអធិបតេយ្យភាពជាតិ ក៏ដូចជារក្សាសាមគ្គីភាពផ្ទៃក្នុងជានិច្ច។

សមាជិករដ្ឋសភានីតិកាលទី៧ បានសន្យារក្សាជំហរអព្យាក្រឹត និងមិនចូលបក្សសម្ព័ន្ធរបស់កម្ពុជាក្នុងពេលបច្ចុប្បន្ន និងអនាគត មិនអនុញ្ញាតឱ្យមានការជ្រៀតជ្រែកពីខាងក្រៅក្នុងកិច្ចការផ្ទៃក្នុងរបស់កម្ពុជា ក៏ដូចជាការរុករកគោលនយោបាយជាតិ និងអន្តរជាតិរបស់ប្រទេស។ ប្រយុទ្ធប្រឆាំងនឹងអំពើពុករលួយ និងអយុត្តិធម៌សង្គមគ្រប់ទម្រង់។

លោកបណ្ឌិត ហ៊ុន ម៉ាណែត ធ្វើពិធីស្បថចូលកាន់តំណែងជាសមាជិករដ្ឋសភានីតិកាលទី៧ នៅចំពោះព្រះបរមរតនកោដ្ឋ។ រូបថត៖ VNA/AKP

នៅព្រឹកថ្ងៃដដែលនេះ បន្ទាប់ពីបើកសម័យប្រជុំ រដ្ឋសភាកម្ពុជា នីតិកាលទី៧ បានបើកសម័យប្រជុំលើកដំបូង ក្រោមអធិបតីភាព សម្តេច ហេង សំរិន អាយុ ៨៩ឆ្នាំ ដែលជាសមាជិកចាស់ជាងគេ ក្នុងចំណោមសមាជិកទាំង ១២៥រូប ដែលជាប់ឆ្នោតជាសមាជិករដ្ឋសភាថ្មី។ អាស្រ័យហេតុនេះ ដំណើរការនៃការប្រកាសឋានៈសមាជិកនីមួយៗនៃស្ថាប័ននីតិប្បញ្ញត្តិថ្មី និងអនុម័តបទបញ្ជាការងារនៃរដ្ឋសភា នីតិកាលទី៧ នៃព្រះរាជាណាចក្រកម្ពុជា នឹងត្រូវបានអនុវត្ត។

ការបើកសម័យប្រជុំរដ្ឋសភានេះ ត្រូវបានចាត់ទុកថាជាព្រឹត្តិការណ៍ប្រវត្តិសាស្ត្រដ៏សំខាន់ ត្រួសត្រាយផ្លូវសម្រាប់ការបង្កើតស្ថាប័ននីតិប្បញ្ញត្តិ និងនីតិប្រតិបត្តិថ្មីនៅកម្ពុជា ឆ្ពោះទៅកាន់ការផ្លាស់ប្តូរថ្នាក់ដឹកនាំជំនាន់មួយ ដែលជារបត់នយោបាយជាមួយនឹងការផ្លាស់ប្តូរជាប្រវត្តិសាស្ត្រ ដើម្បីធានាបាននូវការថែរក្សាសន្តិភាព ស្ថិរភាព និងការអភិវឌ្ឍន៍យូរអង្វែងនៅក្នុងប្រទេសនេះ។

VNA

* សូមចូលទៅកាន់ ផ្នែក អន្តរជាតិ ដើម្បីមើលព័ត៌មាន និងអត្ថបទពាក់ព័ន្ធ។