ស្គាល់អត្តសញ្ញាណរបស់ឧបនាយករដ្ឋមន្ត្រី និងរដ្ឋមន្ត្រីក្រសួងការបរទេសកម្ពុជា។

កាលពីថ្ងៃទី២០ ខែវិច្ឆិកា រដ្ឋសភាកម្ពុជាបានអនុម័តសេចក្តីសម្រេចតែងតាំងលោកប្រាក់ សុខុន ជាឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស។

លោក ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីការបរទេសថ្មីរបស់កម្ពុជា អាយុ ៧០ឆ្នាំ។ (ប្រភព៖ AP)

យោងតាមកាសែត ខ្មែរថាមស៍ លោក សុខុន អាយុ ៧០ឆ្នាំ ជំនួសឧបនាយករដ្ឋមន្ត្រី និងជារដ្ឋមន្ត្រីការបរទេស សុខ ចិន្តាសោភា។ កន្លងមក លោក ប្រាក់ សុខុន ក៏កាន់តំណែងជារដ្ឋមន្ត្រីការបរទេសផងដែរ។

នៅក្នុងសម័យប្រជុំបោះឆ្នោតនៅថ្ងៃដដែលនេះ តំណាងរាស្រ្តទាំង១១២នាក់ រួមទាំងលោកនាយករដ្ឋមន្ត្រី ហ៊ុន ម៉ាណែត បានបោះឆ្នោតជាឯកច្ឆ័ន្ទលើលោក សុខុន។

ថ្លែងមុនពេលបោះឆ្នោត លោក ហ៊ុន ម៉ាណែត មានប្រសាសន៍ថា ការរុះរើគណៈរដ្ឋមន្ត្រីតូចនេះ មានគោលបំណងជំរុញការអនុវត្តគោលនយោបាយការបរទេសរបស់កម្ពុជាឲ្យកាន់តែមានប្រសិទ្ធភាព ដោយផ្អែកលើគោលការណ៍ឯករាជ្យ និងច្បាប់អន្តរជាតិ ដើម្បីការពារផលប្រយោជន៍ស្នូលរបស់ប្រទេស។

លោកនាយករដ្ឋមន្ត្រី ហ៊ុន ម៉ាណែត ក៏បានបញ្ជាក់ផងដែរថា កម្ពុជានឹងបន្តចូលរួមយ៉ាងសកម្មក្នុងបញ្ហាសកលលោក ដើម្បីសន្តិភាព និងស្ថិរភាព ក៏ដូចជាការដោះស្រាយបញ្ហាប្រឈមនានាជាសាកលផងដែរ។

នេះ​ជាការ​រុះរើ​គណៈរដ្ឋមន្ត្រី​ខ្នាត​តូច​លើក​ទី​២ ចាប់តាំងពី​លោកនាយក​រដ្ឋមន្ត្រី ហ៊ុន ម៉ា​ណែ​ត ឡើងកាន់​តំណែង​កាលពី​ខែសីហា ឆ្នាំ​២០២៣ សម្រាប់​អាណត្តិ​៥​ឆ្នាំ​។

កន្លងមកកាលពីខែកញ្ញាឆ្នាំមុន រដ្ឋសភាកម្ពុជាក៏បានអនុម័តសេចក្តីសម្រេចតែងតាំងលោក សុខ សុខេន - នៅពេលនោះជារដ្ឋមន្ត្រីក្រសួងទេសចរណ៍ - ជារដ្ឋមន្ត្រីក្រសួងអធិការកិច្ច និងលោក ហួត ហាក់ - នៅពេលនោះជារដ្ឋមន្ត្រីអធិការកិច្ច - ជារដ្ឋមន្ត្រីក្រសួងទេសចរណ៍។

ចំណែកលោក សុខ ចិន្តាសោភា ទោះជាលោកលែងជារដ្ឋមន្ត្រីក្រសួងការបរទេសកម្ពុជាក៏ដោយ ក៏លោកនៅតែរក្សាតំណែងជាឧបនាយករដ្ឋមន្ត្រីនៃប្រទេសនេះដដែល។

ប្រភព៖ https://baoquocte.vn/danh-tinh-khong-xa-la-cua-tan-pho-thu-tuong-kiem-bo-truong-ngoai-giao-camuchia-294439.html