ឧបទ្ទវហេតុនេះបានកើតឡើងនៅក្នុងស្រុក Bareilly រដ្ឋ Uttar Pradesh (ប្រទេសឥណ្ឌា) នៅពេលដែលរថយន្តមួយគ្រឿងបើកតាមទិសដៅ GPS របស់ Google Maps ទៅលើស្ពានដែលមិនទាន់រួចរាល់បានបណ្តាលឲ្យពួកគេធ្លាក់ពីលើស្ពានចូលទៅក្នុងទន្លេ Ramganga ។ ហេតុការណ៍នេះបានបណ្តាលឲ្យមនុស្សស្លាប់ក្នុងរថយន្ត៣នាក់ ។
គ្រោះថ្នាក់នៅតាមផ្លូវទៅពិធីមង្គលការ
យោងតាមប្រភពក្នុងស្រុក គ្រោះថ្នាក់នេះបានកើតឡើងនៅតំបន់ Khalpur ក្រោមប៉ុស្តិ៍ប៉ូលីស Faridpur ។ ស្ពានដែលរថយន្តបុកត្រូវគេនិយាយថាមិនទាន់សាងសង់រួចហើយគ្មានរបាំងការពារ។ ជនរងគ្រោះ Vivek Kumar, Amit និង Kaushal ដែលជាអ្នកស្រុក Farrukhabad ទាំងអស់កំពុងធ្វើដំណើរទៅចូលរួមពិធីមង្គលការ។
អ្នកស្រុកប្រទះឃើញរថយន្តរងការខូចខាតក៏បានរាយការណ៍ទៅប៉ូលិសភ្លាមៗ។ ពេលសមត្ថកិច្ចទៅដល់ក៏ប្រទះឃើញសពជនរងគ្រោះទាំង៣នាក់នៅក្នុងរថយន្ត ។ ក្រុមគ្រួសារជនរងគ្រោះបានសម្តែងការខឹងសម្បារចំពោះការខ្វះខាតរបស់អាជ្ញាធរ ដោយនិយាយថា ស្ពានដែលមិនទាន់សាងសង់ និងខ្វះវិធានការសុវត្ថិភាពនាំឱ្យមានសោកនាដកម្មកើតឡើង។
Rajesh Kumar សមាជិកគ្រួសារជនរងគ្រោះបាននិយាយថា "ពួកគេកំពុងធ្វើដំណើរទៅពិធីមង្គលការមួយ ស្រាប់តែពួកគេបានឆ្លងកាត់ស្ពានដែលដួលរលំ"។ ស្ពាននេះមានកម្ពស់ប្រហែល ១៥ម៉ែត្រ ហើយមិនមានការព្រមានអ្វីទេ»។
ប៉ូលីស Faridpur បានបញ្ជាក់អំពីឧប្បត្តិហេតុនេះ ហើយកំពុងស៊ើបអង្កេតមូលហេតុ។ ហេតុការណ៍នេះ បានបង្កការភ្ញាក់ផ្អើលដល់ប្រជាសហគមន៍ និងបានលើកឡើងពីសុវត្ថិភាពចរាចរណ៍នៅតំបន់នោះ ដោយអំពាវនាវឲ្យអាជ្ញាធរចាត់វិធានការដោះស្រាយជាបន្ទាន់ ដើម្បីបញ្ចៀសនូវសោកនាដកម្មស្រដៀងគ្នានេះទៅថ្ងៃអនាគត។
ប្រភព៖ https://vov.vn/the-gioi/3-nguoi-thiet-mang-vi-tai-nan-giao-thong-khi-nghe-loi-google-maps-post1138035.vov
Kommentar (0)