រថយន្តកុងតឺន័រក្រឡាប់ចាក់ប្រេង បណ្ដាលឲ្យផ្លូវជាតិលេខ១៣ កកស្ទះ

រថយន្តកុងតឺន័រក្រឡាប់នៅរង្វង់មូលទីក្រុងហូជីមិញ បង្កការកកស្ទះចរាចរណ៍។

យោងតាមព័ត៌មានបឋម នៅវេលាម៉ោងប្រមាណ ១១៖០០នាទីព្រឹក ថ្ងៃទី២៧ ខែវិច្ឆិកា នៅចំណុចផ្លូវបំបែកជាយក្រុង Binh Phuoc សង្កាត់ Hiep Binh Phuoc (ទីក្រុង Thu Duc) រថយន្តកុងតឺន័រ ពាក់ស្លាកលេខ 50H-025.43 បានធ្វើដំណើរលើផ្លូវជាតិលេខ១៣ ពី Binh Duong ទៅទីក្រុងហូជីមិញ។

ទិដ្ឋភាពដែលកុងតឺន័រក្រឡាប់លើថ្នល់ ប្រេងខ្ទាតពេញផ្លូវ។ (រូបថត៖ Thy Hue)

លុះរថយន្តកុងតឺន័របើកសំដៅទៅផ្លូវជាតិលេខ១ ស្រាប់តែក្រឡាប់ទៅខាងស្តាំដៃ ។ សំណាងល្អនៅពេលរថយន្តកុងតឺន័របានក្រឡាប់មិនមានរថយន្តផ្សេងទៀតធ្វើដំណើរទៅជិតនោះទេ ដូច្នេះមិនមានអ្នករងរបួសនោះទេ។

ទោះជាយ៉ាងនេះក្តី ពេលរថយន្តកុងតឺន័រ ក្រឡាប់ បង្កជាសំលេង ផ្អើលកណ្តាលផ្លូវបំបែក ដ៏មមាញឹក បង្កការភ័យខ្លាច ដល់មនុស្សជាច្រើននាក់ ។

នៅកន្លែងកើតហេតុ ប្រេងពីរថយន្តកុងតឺន័របានហៀរមកលើផ្លូវ។

ពេលទទួលបានដំណឹងនេះ នគរបាលចរាចរណ៍បានចុះទៅដល់កន្លែងកើតហេតុ ដើម្បីដោះស្រាយស្ថានភាព និងបាចខ្សាច់លើស្នាមប្រឡាក់ប្រេងនៅលើផ្លូវ ដើម្បីការពារការរអិល។

រថយន្តក្រឡាប់បង្កការកកស្ទះចរាចរណ៍ទាំងសងខាង នៅលើផ្លូវជាតិលេខ១៣ ដោយរថយន្តជាច្រើនគ្រឿងបានជាប់គាំងទាំងកណ្តាលថ្ងៃត្រង់។

ពីមុននៅថ្ងៃទី 18 ខែមិថុនា ឆ្នាំ 2022 នៅទីក្រុងហូជីមិញ រថយន្តកុងតឺន័របានក្រឡាប់នៅលើផ្លូវហាយវេ ហូជីមិញ - ទ្រុងហ្លួង ឆ្លងកាត់ខេត្តឡុងអាន។

ជាក់ស្តែងនៅវេលាម៉ោងប្រហែល៣រសៀល ថ្ងៃទី១៨ ខែមិថុនា អ្នកបើកបរបានបើករថយន្តកុងតឺន័រ ពាក់ស្លាកលេខ 51D - 64540 លើផ្លូវហាយវេ ហូជីមិញ-ទ្រុងហ្លួង ពីទីក្រុងហូជីមិញ ទៅក្រុងទៀនយ៉ាង។

ពេលធ្វើដំណើរមកដល់គីឡូម៉ែត្រលេខ២៧+៤០០ ជិតស្ពានអាកាសលេខ២ ភូមិ១ ឃុំញីថាញ់ ស្រុកធូថាវ ខេត្តឡុងអាន គាត់បានបាត់បង់ម្ចាស់ការ ក៏ជ្រុលទៅបុករបាំងថ្មពុះចែកទ្រូងផ្លូវទាំង២កំណាត់ រួចបាក់បង្គោលភ្លើង ហើយកុងតឺន័របានក្រឡាប់។

រថយន្តខាងមុខស្ទះផ្លូវលេខ១ ក្នុងទិសដៅផ្ទុយគ្នា ។ ខណៈនោះកុងតឺន័រកំពុងបិទផ្លូវលេខ១ ពីទីក្រុងហូជីមិញទៅទិសខាងលិច។ គ្រោះថ្នាក់នេះបានបណ្តាលឲ្យខូចខាតផ្នែកខាងមុខយ៉ាងដំណំដោយមានកម្ទេចកម្ទីរាយប៉ាយពេញផ្លូវ។

គ្រោះថ្នាក់នេះក៏បានបាក់បង្គោលភ្លើងមួយដើម និងខូចខាតផ្លូវយាមមធ្យមប្រហែល១០ម៉ែត្រ ។

ដោយសារបង្គោលភ្លើងបាក់រលំស្ទើរតែគ្រប់ផ្លូវឆ្លងកាត់គន្លងលេខ១ នៃទិសផ្ទុយគ្នា ការធ្វើចរាចរពីខាងលិចទៅទីក្រុងហូជីមិញត្រូវកកស្ទះជិត១០គីឡូម៉ែត្រ អស់រយៈពេលជាច្រើនម៉ោង។

ថ្មីៗនេះ កាលពីថ្ងៃទី២៣ ខែវិច្ឆិកា នៅខេត្ត Hai Duong មានករណីគ្រោះថ្នាក់ចរាចរណ៍មួយបានកើតឡើងរវាងត្រាក់ទ័រ-រ៉ឺម៉ក និងរថយន្តដឹកទំនិញ បង្កការកកស្ទះចរាចរណ៍នៅលើដងផ្លូវអស់ជាច្រើនម៉ោង។

ជាក់ស្តែងនៅវេលាម៉ោងប្រមាណ៦៖០០នាទីព្រឹកថ្ងៃខែឆ្នាំដដែល នៅចំណុចគីឡូម៉ែត្រលេខ៦៨+២០០ លើផ្លូវជាតិលេខ៥ កំណាត់ផ្លូវជាតិលេខ៥ ឆ្លងកាត់ឃុំ Kim Xuyen (ស្រុក Kim Thanh ខេត្ត Hai Duong) រថយន្តកុងតឺន័រ ដែលកំពុងធ្វើដំណើរក្នុងទិសដៅពីទីក្រុង Hai Phong-ហាណូយ ស្រាប់តែបុកជាមួយរថយន្តដឹកដែក ដែលធ្វើដំណើរក្នុងទិសដៅខាងមុខ។

ការបុកគ្នានេះបណ្តាលឱ្យរថយន្តដឹកដែកខ្ទាតទៅលើក្បាលដី រ៉ឺម៉កគោយន្តផ្នែកខាងមុខរងការខូចខាតយ៉ាងដំណំ ។ អ្នកបើកបររថយន្តបានបាក់ជើងស្តាំត្រូវបញ្ជូនទៅមន្ទីរពេទ្យ។

ក្រោយកើតហេតុ នគរបាលចរាចរណ៍បានចុះដល់កន្លែងកើតហេតុ ធ្វើការវាស់វែង យករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ។

ហ្លួង អ៊ី

ប្រភព