ខេត្ត Luxor របស់អេហ្ស៊ីបមានបំណងចង់ពង្រឹងកិច្ចសហប្រតិបត្តិការជាមួយវៀតណាម

កប.អនឡាញ - នាថ្ងៃទី ២៥ ខែកុម្ភៈ គណៈប្រតិភូស្ថានទូតវៀតណាមប្រចាំនៅអេហ្ស៊ីបដឹកនាំដោយឯកអគ្គរដ្ឋទូត Nguyen Huy Dung បានជួបធ្វើការជាមួយថ្នាក់ដឹកនាំខេត្ត Luxor នៃប្រទេសអេហ្ស៊ីប និងបានសម្របសម្រួលជាមួយសភាពាណិជ្ជកម្មខេត្ត Luxor រៀបចំសិក្ខាសាលាពាណិជ្ជកម្មដោយប្រធានបទ “ឱកាសធុរកិច្ចវៀតណាម - អេហ្ស៊ីប” សំដៅជំរុញកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម វិនិយោគ អេហ្ស៊ីប ក៏ដូចជាវិស័យអប់រំ កសិកម្ម និងទេសចរណ៍រវាងប្រទេសទាំងពីរ។

ចំណងជើងរូបថត — សិក្ខាសាលាពាណិជ្ជកម្ម “ឱកាសធុរកិច្ចវៀតណាម-អេហ្ស៊ីប” បានទាក់ទាញអាជីវកម្មអេហ្ស៊ីបជាច្រើន។ រូបថត៖ Nguyen Truong/VNA

យោងតាមអ្នកឆ្លើយឆ្លងព័ត៌មាន VNA ប្រចាំនៅអេហ្ស៊ីប ក្នុងជំនួបជាមួយអភិបាលខេត្ត Luxor លោក Mustafa Mohamed Alham Khaled ឯកអគ្គរដ្ឋទូត Nguyen Huy Dung បានសង្កត់ធ្ងន់ថា វៀតណាម និងអេហ្ស៊ីបមានទំនាក់ទំនងជាប្រពៃណី និងមិត្តភាព ដោយបានអះអាងថា ទំនាក់ទំនងសហប្រតិបត្តិការរវាងប្រទេសទាំងពីរមានការអភិវឌ្ឍន៍យ៉ាងល្អប្រសើរក្នុងប៉ុន្មានឆ្នាំថ្មីៗនេះ។ ជាពិសេស ប្រទេសទាំងពីរបានចុះហត្ថលេខាលើកិច្ចព្រមព្រៀងសហប្រតិបត្តិការលើវិស័យជាច្រើនក្នុងក្របខ័ណ្ឌនៃដំណើរទស្សនកិច្ចថ្នាក់ខ្ពស់របស់ថ្នាក់ដឹកនាំប្រទេសទាំងពីរក្នុងឆ្នាំ ២០១៧ និង ២០១៨ រួមទាំងកិច្ចព្រមព្រៀងសហប្រតិបត្តិការ និងមិត្តភាពរវាងខេត្ត Luxor របស់អេហ្ស៊ីប និងខេត្ត Ninh Binh របស់វៀតណាម។ តាមលោកឯកអគ្គរដ្ឋទូត វៀតណាមនិងអេហ្ស៊ីបមានសក្តានុភាពខ្លាំងសម្រាប់កិច្ចសហប្រតិបត្តិការលើវិស័យដែលភាគីទាំងពីរមានចំណុចខ្លាំងដូចជា កសិកម្ម ឧស្សាហកម្ម វាយនភណ្ឌ ភស្តុភារ អាហារសមុទ្រ ទេសចរណ៍ សេដ្ឋកិច្ចសមុទ្រជាដើម។ប្រទេសទាំងពីរមានគោលបំណងបង្កើនទំហំពាណិជ្ជកម្មទ្វេភាគីឡើងដល់ ១ ពាន់លានដុល្លារនាពេលខាងមុខ។ ឯកអគ្គរដ្ឋទូត Nguyen Huy Dung និងអភិបាលខេត្ត Luxor លោក Alham Khaled បានឯកភាពថា ខេត្ត Luxor និងខេត្ត Ninh Binh ត្រូវពិនិត្យ និងបំពេញបន្ថែមខ្លឹមសារកិច្ចសហប្រតិបត្តិការក្នុងកិច្ចព្រមព្រៀងមិត្តភាព និងកិច្ចសហប្រតិបត្តិការរវាងមូលដ្ឋានទាំងពីរ ដើម្បីចុះហត្ថលេខាលើឯកសារបន្ថែមនាពេលឆាប់ៗខាងមុខ។ លោកឯកអគ្គរដ្ឋទូតបានស្នើឱ្យខេត្ត Luxor ពង្រឹងកិច្ចសហប្រតិបត្តិការមិនត្រឹមតែជាមួយខេត្ត Ninh Binh ប៉ុណ្ណោះទេ ថែមទាំងជាមួយមូលដ្ឋានផ្សេងទៀតរបស់វៀតណាមផងដែរ។ លោក Alham Khaled មានបំណងចង់ឱ្យ Luxor និង Ninh Binh បន្ថែមកិច្ចសហប្រតិបត្តិការលើវិស័យកសិកម្ម អប់រំ និងទេសចរណ៍ ហើយបានអំពាវនាវឱ្យសហគ្រាសវៀតណាមបង្កើនការវិនិយោគនៅតំបន់ឧស្សាហកម្មនៅខេត្ត Luxor ។ ឯកអគ្គរដ្ឋទូត Nguyen Huy Dung និងថ្នាក់ដឹកនាំខេត្ត Luxor ក៏បានស្នើឱ្យប្រទេសទាំងពីរបង្កើតលក្ខខណ្ឌសម្រាប់អាជីវកម្មទេសចរណ៍ពីភាគីទាំងពីរ បើកការិយាល័យតំណាង និងជំរុញសកម្មភាពទេសចរណ៍នៅតាមមូលដ្ឋានរបស់គ្នាទៅវិញទៅមក។

នៅឯសិក្ខាសាលាពាណិជ្ជកម្មដែលមានប្រធានបទ "ប្រទេសវៀតណាម - អេហ្ស៊ីប" ដោយមានការចូលរួមពីសំណាក់សជំនិតរបស់សភាពាណិជ្ជកម្មខេត្តរបស់ប្រទេសវៀតណាមនិងក្នុងពេលតែមួយបានពង្រឹងទំនាក់ទំនងរបស់ប្រទេសទាំងពីរក៏ដូចជាស្វែងរកឱកាសសហប្រតិបត្តិការអាជីវកម្មផងដែរ។ រីឯខ្លួនវិញ ប្រធានសភាពាណិជ្ជកម្មខេត្ត Luxor លោក Muhammad Yehia បានស្នើថា ប្រទេសទាំងពីរជំរុញកិច្ចសហប្រតិបត្តិការលើវិស័យផ្សេងៗ ជាពិសេសសេដ្ឋកិច្ច ពាណិជ្ជកម្ម ការវិនិយោគ ទេសចរណ៍ វប្បធម៌ និងការផ្លាស់ប្តូរប្រជាជនទៅប្រជាជន។ លោក Muhammad Yehia ក៏បានសម្តែងក្តីសង្ឃឹមថា ធុរកិច្ចវៀតណាមនឹងចាប់អារម្មណ៍វិនិយោគនៅតំបន់ឧស្សាហកម្មក្នុងខេត្ត Luxor។ ក៏នៅក្នុងសិក្ខាសាលានេះដែរ លោក Nguyen Duy Hung លេខាទីមួយ ប្រធានការិយាល័យពាណិជ្ជកម្មនៃស្ថានទូតវៀតណាមប្រចាំនៅអេហ្ស៊ីបបានលើកឡើងអំពីសកម្មភាពពាណិជ្ជកម្មបរទេស ក៏ដូចជាឧស្សាហកម្មដ៏រឹងមាំរបស់វៀតណាម ព្រមទាំងបានឆ្លើយសំណួរទាក់ទងនឹងយន្តការគោលនយោបាយនៃអាជីវកម្មមួយចំនួននៅ Luxor ។

លោក Nguyen Truong (ទីភ្នាក់ងារសារព័ត៌មានវៀតណាម)

ប្រភព