នាយករដ្ឋមន្ត្រីស្លូវ៉ាគី រងរបួសក្នុងការបាញ់ប្រហារ

នាយករដ្ឋមន្រ្តីស្លូវ៉ាគីលោក Robert Fico បានរងរបួសនៅក្នុងការបាញ់ប្រហារដែលកើតឡើងបន្ទាប់ពីកិច្ចប្រជុំរដ្ឋាភិបាលមួយនៅក្នុងរដ្ឋធានី Bratislava ។

កាលពីថ្ងៃទី 15 ខែឧសភា ទីភ្នាក់ងារសារព័ត៌មាន TASR របស់ប្រទេសស្លូវ៉ាគីបានរាយការណ៍ថា នាយករដ្ឋមន្ត្រីរបស់ប្រទេសគឺលោក Robert Fico បានរងរបួសនៅក្នុងការបាញ់ប្រហារដែលបានកើតឡើងបន្ទាប់ពីកិច្ចប្រជុំរដ្ឋាភិបាលនៅក្នុងរដ្ឋធានី Bratislava ។ គាត់ត្រូវបានគេយកទៅមន្ទីរពេទ្យដើម្បីធ្វើការវាយតម្លៃ។

TASR បានដកស្រង់សម្តីអនុប្រធានសភាស្លូវ៉ាគីលោក Lubos Blaha ដែលបានបញ្ជាក់ថា លោក Fico ត្រូវរបួសដោយគ្រាប់កាំភ្លើង។

សាក្សី Reuters ម្នាក់បាននិយាយថា គាត់បានឮសំឡេងកាំភ្លើងជាច្រើនគ្រាប់ ហើយបានឃើញបុរសម្នាក់ត្រូវបានប៉ូលីសចាប់ខ្លួន។

ភ្លាមៗបន្ទាប់ពីឧប្បត្តិហេតុនេះប្រធានាធិបតី Zuzana Čaputováបានថ្កោលទោសការវាយប្រហារ "ឃោរឃៅ" លើនាយករដ្ឋមន្រ្តី Fico ហើយបានជូនពរឱ្យគាត់ឆាប់ជាសះស្បើយ។

ប្រភព