ហាណូយ៖ អគ្គីភ័យឆាបឆេះទូរទឹកកកក្នុងផ្ទះ បង្កឲ្យមានផ្សែងហុយខ្លាំង ធ្វើឲ្យមនុស្សជាច្រើនភ័យស្លន់ស្លោ

នៅម៉ោងប្រហែល 9:00 យប់។ កាលពីថ្ងៃទី១៤ ខែមីនា ប្រជាពលរដ្ឋបានប្រទះឃើញអគ្គិភ័យកំពុងឆាបឆេះបន្ទប់ជួលមួយជាន់ទី៣ នៃផ្ទះ៥ជាន់ ស្ថិតក្នុងឃុំ Tan Trieu ស្រុក Thanh Tri ទីក្រុងហាណូយ។

អគ្គិភ័យនេះ បណ្តាលមកពីទុស្សេខ្សែភ្លើងក្នុងទូទឹកកក ភ្លើងចេញពីសំបកផ្លាស្ទិក បណ្តាលឱ្យមានផ្សែងហុយយ៉ាងក្រាស់ ធ្វើឲ្យមនុស្សជាច្រើនមានការភ័យស្លន់ស្លោ និងស្រែកឆោឡោ។

ពេលទទួលបានព័ត៌មានភ្លាម កម្លាំងពន្លត់អគ្គិភ័យក្នុងមូលដ្ឋានបានចុះទៅដល់ និងសម្របសម្រួលជាមួយម្ចាស់ផ្ទះដើម្បីបាញ់ពន្លត់ ។ ក្នុងដំណើរការពន្លត់អគ្គិភ័យ ស្ត្រីម្នាក់ដែលភ័យស្លន់ស្លោបានរងរបួសត្រង់ដៃ និងជើង។

រថយន្តសង្គ្រោះ និងរថយន្តពន្លត់អគ្គីភ័យបាននៅកន្លែងកើតហេតុ។

ទទួលបានព័ត៍មានពីមជ្ឍមណ្ឌល ១១៤ កម្លាំងនគរបាលពន្លត់អគ្គិភ័យ និងសង្គ្រោះស្រុក Thanh Tri បានចល័តមន្ត្រី ទាហាន និងរថយន្តយ៉ាងលឿន ដើម្បីបំពេញភារកិច្ច។

ទោះជាយ៉ាងនេះក្តី ពេលទៅដល់កន្លែងកើតហេតុ ក្រុមការងារមិនបាច់ដាក់ពង្រាយទេ គឺគ្រាន់តែទទួល និងជួយដោះស្រាយ ដើម្បីធានាសុវត្ថិភាពជូនប្រជាពលរដ្ឋ។

ម្ចាស់ផ្ទះឈ្មោះ DT.L. (កើតនៅឆ្នាំ ១៩៧២) និងលោកស្រី DT.TH ផ្ទះថ្មីនេះត្រូវបានដាក់ឱ្យជួលនៅដើមឆ្នាំ ២០២៤។ មុនពេលដាក់ឱ្យដំណើរការ កម្លាំងនគរបាលពន្លត់អគ្គិភ័យ និងសង្គ្រោះបានផ្សព្វផ្សាយ និងណែនាំឱ្យម្ចាស់ផ្ទះបំពាក់បរិក្ខារ និងបំពង់ពន្លត់អគ្គីភ័យយ៉ាងពេញលេញនៅកន្លែងដែលងាយស្រួលទៅដល់។

ប៉ូលីសស្រុក Thanh Tri និងឃុំ Tan Trieu កំពុងសម្របសម្រួលការពារកន្លែងកើតហេតុ និងស្រាវជ្រាវរកមូលហេតុនៃអគ្គីភ័យ។

ប្រាជ្ញា

ប្រភព