កាលពីថ្ងៃទី ២២ ខែមេសា ព័ត៍មានពីនាយកដ្ឋាននគរបាលបង្ការ និងពន្លត់អគ្គីភ័យនៃស្នងការដ្ឋាននគរបាលខេត្ត Dak Lak បានឲ្យដឹងថា អង្គភាពទើបតែបានពន្លត់ភ្លើងដ៏ធំមួយ និងជួយសង្គ្រោះប្តីប្រពន្ធមួយគូបានដោយជោគជ័យ នៅក្នុងផ្ទះកម្ពស់ ៤ ជាន់ ដែលទ្វារចាក់សោរ។

ព័ត៌មានបឋមបានឲ្យដឹងថា នៅវេលាម៉ោង១០យប់ ថ្ងៃទី២១ ខែមេសា នាយកដ្ឋាននគរបាលបង្ការ និងពន្លត់អគ្គិភ័យខេត្ត Dak Lak បានទទួលព័ត៌មានថា មានអគ្គិភ័យដ៏ធំមួយ នៅផ្ទះលេខ៤១ ផ្លូវ Phan Boi Chau (សង្កាត់ Thang Loi ក្រុង Buon Ma Thuot)។

ភ្លាមៗនោះ នាយកដ្ឋាននគរបាលបង្ការ និងពន្លត់អគ្គីភ័យខេត្ត Dak Lak បានចល័តមន្ត្រី និងទាហានចំនួន ១៤ នាក់ រួមជាមួយរថយន្តពន្លត់អគ្គីភ័យជាច្រើនគ្រឿងទៅកន្លែងកើតហេតុ។

ភ្លើងឆេះផ្ទះ.jpg
កន្លែងកើតហេតុភ្លើង។ រូបថត៖ អ្នករួមចំណែក

ពេលមកដល់ កម្លាំងពន្លត់អគ្គិភ័យបានពិនិត្យឃើញថា ភ្លើងកំពុងឆេះចេញពីជាន់ផ្ទាល់ដី ដោយមានផ្សែងហុយ និងឧស្ម័នពុលជាច្រើននៅក្នុងផ្ទះ។

ដោយសារភ្លើងនៅជាន់ទី១ ប្តីប្រពន្ធលោក ង្វៀន ប៊ី (កើតឆ្នាំ ១៩៥៦) និងលោកស្រី ង្វៀន ធីបាវឡូយ (កើតឆ្នាំ ១៩៥៧ ម្ចាស់ផ្ទះ) ត្រូវបានជាប់នៅជាន់ទី ៤ ។

នៅពេលនេះកម្លាំងពន្លត់អគ្គិភ័យបានប្រើប្រាស់ឧបករណ៍ជំនាញមកទម្លុះទ្វារចូលទៅបាញ់ពន្លត់ភ្លើងនៅជាន់ផ្ទាល់ដី។ ជាមួយគ្នានោះ ដោយប្រើរថយន្តដឹកជណ្ដើរ ស្រាប់តែប្តីប្រពន្ធម្ចាស់ផ្ទះ ត្រូវបានជួយសង្គ្រោះដោយជោគជ័យ ចេញពីជាន់ទី៤ ទៅកាន់ទីទួលសុវត្ថិភាព។

មូលហេតុ​នៃ​ឧបទ្ទវហេតុ​នេះ​កំពុង​ត្រូវបាន​សមត្ថកិច្ច​ស៊ើបអង្កេត​។

អគ្គីភ័យ បានឆាបឆេះយ៉ាងសន្ធោសន្ធៅនៅរោងជាងបោះពុម្ពផ្ទាំងប៉ាណូមួយក្នុងទីក្រុងហាណូយ អគ្គីភ័យបានឆាបឆេះយ៉ាងសន្ធោសន្ធៅនៅរោងជាងបោះពុម្ពផ្ទាំងប៉ាណូដែលមានទីតាំងនៅផ្ទះលេខ 14 ផ្លូវលេខ 139 Phu Dien (ស្រុក Bac Tu Liem ទីក្រុងហាណូយ) នៅយប់នេះ (ថ្ងៃទី 20 ខែមេសា)។