កងទ័ពកូរ៉េខាងជើងត្រូវបានបំពាក់ដោយប្រព័ន្ធមីស៊ីលជំនាន់ថ្មីរាប់រយ។

ទីភ្នាក់ងារសារព័ត៌មានកណ្តាលកូរ៉េ (KCNA) បានរាយការណ៍ថា អង្គភាពយោធាជួរមុខរបស់ប្រទេសនេះត្រូវបានបំពាក់ដោយកាំជ្រួចមីស៊ីលផ្លោងយុទ្ធសាស្ត្រជំនាន់ថ្មីចំនួន 250 ។

មេដឹកនាំកូរ៉េខាងជើង លោក គីម ជុងអ៊ុន នៅក្នុងព្រឹត្តិការណ៍នេះ។ រូបថត៖ KCNA

ព្រឹត្តិការណ៍ប្រគល់បរិក្ខារយោធាថ្មីនេះ ធ្វើឡើងក្នុងរដ្ឋធានីព្យុងយ៉ាង ដោយមានការចូលរួមពីមេដឹកនាំកូរ៉េខាងជើង លោក គីម ជុងអ៊ុន រួមជាមួយនឹងមន្ត្រីរដ្ឋាភិបាល អ្នកវិទ្យាសាស្ត្រយោធា និងការពារជាតិ អ្នកបច្ចេកទេស និងកម្មករក្នុងវិស័យផលិតគ្រាប់រំសេវរបស់ប្រទេស។

ប្រព័ន្ធមីស៊ីលផ្លោងយុទ្ធសាស្ត្រជំនាន់ថ្មីដែលបានរៀបរាប់ខាងលើត្រូវបានផលិតក្នុងស្រុក។ កូរ៉េខាងជើងបានអះអាងថានេះជាអាវុធវាយប្រហារបែបយុទ្ធសាស្ត្រទំនើប។

TT 1.jpg — ទិដ្ឋភាពក្នុងពិធីប្រគល់។ រូបថត៖ KCNA

ថ្លែងនៅក្នុងពិធីប្រគល់នេះ មេដឹកនាំកូរ៉េខាងជើង លោក គីម ជុងអ៊ុន បានសង្កត់ធ្ងន់ថា កិច្ចការសំខាន់ក្នុងការពង្រឹងអំណាចយោធារបស់ប្រទេសនេះ ត្រូវបានអនុវត្តដោយជោគជ័យ។ លោក គីម ជុងអ៊ុន បានកោតសរសើរចំពោះការខិតខំប្រឹងប្រែងរបស់កម្មករ អ្នកវិទ្យាសាស្ត្រ និងនិយោជិតក្នុងឧស្សាហកម្មការពារជាតិរបស់ប្រទេសនេះ។