រុស្ស៊ីបដិសេធប្រធានាធិបតីពូទីន ចង់បង្កកជម្លោះអ៊ុយក្រែន

RT បានដកស្រង់សម្តីអ្នកនាំពាក្យវិមានក្រឹមឡាំង លោក Dmitry Peskov ដោយនិយាយថា ព័ត៌មានដែលប្រធានាធិបតីរុស្ស៊ី លោក វ្ល៉ាឌីមៀ ពូទីន ស្នើឱ្យ "បង្កក" ជម្លោះនៅអ៊ុយក្រែនជាមួយអាមេរិក គឺមិនពិតទេ។

មុននេះ កាលពីថ្ងៃទី១៣ ខែកុម្ភៈ ទីភ្នាក់ងារសារព័ត៌មាន Reuters បានដកស្រង់ប្រភពឯកជនមួយ ដែលនិយាយថា មេដឹកនាំរុស្ស៊ី លោក ពូទីន តាមរយៈបណ្តាញអន្តរការទូត បានស្នើទៅក្រុងវ៉ាស៊ីនតោន «បទឈប់បាញ់នៅអ៊ុយក្រែន ដើម្បីបង្កកជម្លោះ»។ យោងតាមប្រភពនេះ ភាគីអាមេរិកបានច្រានចោលសំណើនេះ។

បើតាមលោក Peskov ព័ត៌មានដែលចេញផ្សាយដោយ Reuters គឺ មិនពិតទេ នេះជារឿងមិនពិត។

យោងតាមអ្នកនាំពាក្យវិមានក្រឹមឡាំង លោកប្រធានាធិបតីរុស្ស៊ី ពូទីន មិនដែលធ្វើសំណើណាមួយដើម្បី "បង្កក" ជម្លោះអ៊ុយក្រែនជាមួយសហរដ្ឋអាមេរិកទេ។ (រូបថត៖ Reuters)

យោងតាមលោក Peskov ប្រសិនបើការចរចាររវាងទីក្រុងមូស្គូ និងទីក្រុងគៀវ ក្លាយជាការពិត ភាគីអ៊ុយក្រែននឹងត្រូវទទួលយកការពិតនៃសមរភូមិ បន្ទាប់ពីយុទ្ធនាការវាយលុកមិនបានសម្រេចនៅរដូវក្តៅឆ្នាំ 2023។

នៅក្នុងបទសម្ភាសន៍ជាមួយអ្នកកាសែតអាមេរិក Tucker Carlson កាលពីសប្តាហ៍មុន លោកពូទីនបាននិយាយថា ប្រទេសរុស្ស៊ីរក្សាទំនាក់ទំនងជាមួយសហរដ្ឋអាមេរិក "តាមរយៈភ្នាក់ងារផ្សេងៗ"។

អ្នកកាសែតអាមេរិក Carlson បាននិយាយថា ប្រធានាធិបតីពូទីនចង់បញ្ចប់ជម្លោះឆាប់ៗ ប៉ុន្តែសង្គ្រាមកាន់តែយូរ ទ្វារសម្រាប់ការចរចាកាន់តែតូចចង្អៀត។

យោងតាមមេដឹកនាំរុស្ស៊ី ទីក្រុងមូស្គូបានប្រាប់ទីក្រុងវ៉ាស៊ីនតោនម្តងហើយម្តងទៀតថា "ប្រសិនបើលោកខាងលិចពិតជាចង់បញ្ឈប់ជម្លោះ ចាំបាច់ត្រូវបញ្ឈប់ការផ្គត់ផ្គង់អាវុធ" ដល់អ៊ុយក្រែន។

ប្រធានាធិបតីពូទីនបានសង្កត់ធ្ងន់ថា នៅពេលដែលលោកខាងលិចបញ្ឈប់ជំនួយដល់អ៊ុយក្រែន ជម្លោះ "នឹងបញ្ចប់ក្នុងរយៈពេលពីរបីសប្តាហ៍" ។

លោកពូទីនក៏បានរំលឹកឡើងវិញថារុស្ស៊ីនៅតែត្រៀមខ្លួនជាស្រេចក្នុងការចរចាជាមួយអ៊ុយក្រែន ប៉ុន្តែសម្រាប់រឿងនេះកើតឡើង ប្រធានាធិបតី Volodymy Zelensky យ៉ាងហោចណាស់គួរតែលុបចោលក្រឹត្យហាមឃាត់ការចរចាជាមួយទីក្រុងម៉ូស្គូ។

នៅក្នុងសុន្ទរកថានៅឯវេទិកាសេដ្ឋកិច្ចពិភពលោកនៅទីក្រុង Davos កាលពីខែមុន លោក Zelensky បានព្រមានសម្ព័ន្ធមិត្តលោកខាងលិចប្រឆាំងនឹងការព្យាយាមធ្វើអន្តរការីបទឈប់បាញ់ជាមួយរុស្ស៊ី។

លោក Zelensky បានសង្កត់ធ្ងន់ថា "បទឈប់បាញ់ណាមួយនឹងមិនរារាំងជម្លោះមិនឱ្យផ្ទុះឡើងម្តងទៀតទេ" ដោយបន្ថែមថាលោកខាងលិចគួរតែផ្តល់អាវុធបន្ថែមទៀតដល់ក្រុងគៀវ ដើម្បីឱ្យវាអាចទទួលបានជ័យជំនះតាមរយៈមធ្យោបាយយោធា។

ត្រាខាញ់ (ប្រភព៖ russian.rt.com)

ប្រភព