ផ្សែងហុយចូលទីធ្លាអេតចាយនៅខេត្ត Nghe An

នៅវេលាម៉ោង៤រសៀល ថ្ងៃទី១ ខែធ្នូ កម្លាំងនគរបាលបង្ការ និងពន្លត់អគ្គីភ័យ បាននឹងកំពុងបាញ់ទឹកពន្លត់ភ្លើង ដល់កន្លែងកើតហេតុ នៃអគ្គីភ័យនៅស្រុក Nghi Loc ខេត្ត Nghe An។

តាមព័ត៌មានបឋមបានឲ្យដឹងថា នៅវេលាម៉ោង២និង៣០នាទីរសៀលថ្ងៃទី១ ធ្នូ ប្រជាពលរដ្ឋនៅភូមិ៩ ឃុំងីផុង ស្រុកងីឡុក ប្រទះឃើញអគ្គិភ័យឆាបឆេះកន្លែងប្រមូលដែកអេតចាយក្នុងភូមិ ទើបស្រែកឱ្យជួយពន្លត់ ។

ទោះជាយ៉ាងនេះក្តី សម្ភារៈបរិក្ខារនេះ មានផ្ទុកនូវសម្ភារដែលអាចឆេះបានជាច្រើន ដូច្នេះហើយទើបភ្លើងបានឆាបឆេះយ៉ាងសន្ធោសន្ធៅ ដោយមានផ្សែងខ្មៅហុយៗ កម្ពស់រាប់រយម៉ែត្រ គ្របដណ្ដប់លើអគារ និងលំនៅដ្ឋាន។

ប្រជាពលរដ្ឋបានប្រើឧបករណ៍នៅនឹងកន្លែងដើម្បីពន្លត់ភ្លើង ហើយទន្ទឹមនឹងនោះបានហៅប៉ូលិសបង្ការ និងពន្លត់អគ្គិភ័យ។

ក្រោយទទួលបានដំណឹងនេះ កម្លាំងជំនាញបង្ការ និងពន្លត់អគ្គិភ័យ បានចល័តមន្ត្រី និងទាហាន និងរថយន្តពន្លត់អគ្គិភ័យជាច្រើនគ្រឿង ទៅកន្លែងកើតហេតុ ដើម្បីពន្លត់ភ្លើង។

ទោះជាយ៉ាងណា ភ្លើងនៅតែឆាបឆេះយ៉ាងសន្ធោសន្ធៅ។ រហូតដល់ម៉ោង៥ល្ងាច ទើបសមត្ថកិច្ចពន្លត់អគ្គិភ័យបាន។

បើតាមអាជ្ញាធរឃុំ Nghi Phong អគ្គិភ័យនេះមិនបណ្តាលឲ្យមនុស្សណាម្នាក់រងរបួសនោះទេ ប៉ុន្តែឃ្លាំង និងអេតចាយទាំងមូលត្រូវបានឆេះអស់។

បច្ចុប្បន្នសមត្ថកិច្ចកំពុងពិនិត្យកន្លែងកើតហេតុ និងស្រាវជ្រាវរកមូលហេតុនៃការឆេះនេះ ។

TRAN LOC

ប្រភព៖ https://vtcnews.vn/khoi-lua-bao-trum-co-so-phe-lieu-o-nghe-an-ar910784.html