កម្ពុជា-រុស្ស៊ី ចុះអនុស្សរណៈយោគយល់គ្នា ស្តីពីកិច្ចសហប្រតិបត្តិការកងទ័ព

កាលពីថ្ងៃទី២២ ខែមិថុនា សារព័ត៌មាន SBM News បានចុះផ្សាយថា កម្ពុជា និងរុស្ស៊ី បានចុះហត្ថលេខាលើអនុស្សរណៈយោគយល់គ្នា ស្តីពីកិច្ចសហប្រតិបត្តិការរវាងកងទ័ពទាំងពីរ កាលពីថ្ងៃទី២០ ខែមិថុនា ក្រោមអធិបតីភាព នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពកម្ពុជា និងឧត្តមសេនីយ៍ Oleg Salyukov អគ្គមេបញ្ជាការនៃកងទ័ពសហព័ន្ធរុស្ស៊ី។

មេបញ្ជាការយោធាកម្ពុជា និងសមភាគីរុស្ស៊ី បានប្រកាសពីចេតនាចុះអនុស្សរណៈយោគយល់គ្នា (MoU) ដើម្បីជំរុញកិច្ចសហប្រតិបត្តិការ។ (ប្រភព៖ ភ្នំពេញប៉ុស្តិ៍)

អនុស្សរណៈនៃកិច្ចសហប្រតិបត្តិការនេះ មានគោលបំណងបង្រួបបង្រួម និងពង្រឹងទំនាក់ទំនងមិត្តភាពយូរអង្វែង ជឿទុកចិត្តលើមូលដ្ឋានសមភាព និងផលប្រយោជន៍ទៅវិញទៅមករវាងកងទ័ពទាំងពីរ បើកទំព័រថ្មីក្នុងប្រវត្តិសាស្ត្រនៃទំនាក់ទំនងទ្វេភាគីនៅកម្រិតកងទ័ព និងជាមូលដ្ឋានដ៏សំខាន់សម្រាប់ពង្រឹង និងពង្រីកកិច្ចសហប្រតិបត្តិការនាពេលអនាគត។

នៅក្នុងជំនួបនេះ ភាគីទាំងពីរបានសម្តែងនូវមោទនភាពចំពោះទំនាក់ទំនងមិត្តភាព ទំនុកចិត្ត និងការគោរពគ្នាទៅវិញទៅមក ដែលជាមរតកពីមេដឹកនាំជំនាន់មុន ជាពិសេសចាប់តាំងពីឆ្នាំ ១៩៩៣ ទំនាក់ទំនងរវាងប្រទេសទាំងពីរត្រូវបានពង្រឹង និងពង្រីកយ៉ាងសំខាន់លើវិស័យនយោបាយ ការទូត សេដ្ឋកិច្ច យោធា និងការទូតរវាងប្រជាជន និងប្រជាជន។

ភាគីទាំងពីរក៏បានវាយតម្លៃខ្ពស់ចំពោះកិច្ចសហប្រតិបត្តិការយោធាកម្ពុជា-រុស្ស៊ីនិយាយរួម និងកងទ័ពនៃប្រទេសទាំងពីរនិយាយដោយឡែក ដែលតែងតែមានការរីកចម្រើន និងសម្រេចបានលទ្ធផលគួរជាទីមោទនៈ។

ដំណើរទស្សនកិច្ចរបស់នាយឧត្តមសេនីយ៍ ម៉ៅ សុផាន់ ទៅកាន់ប្រទេសរុស្ស៊ីបានធ្វើឡើងរយៈពេលបីថ្ងៃ ចាប់ពីថ្ងៃទី 18-20 ខែមិថុនា តបតាមការអញ្ជើញរបស់ឧត្តមសេនីយ Alex Salyukov អគ្គមេបញ្ជាការនៃកងកំលាំងជើងគោកនៃកងទ័ពរុស្ស៊ី។

ប្រភព៖ https://baoquocte.vn/campuchia-nga-ky-bien-ban-ghi-nho-ve-hop-tac-luc-quan-275952.html