ជំរុញការផ្លាស់ប្តូរឌីជីថលក្នុងចលនាអូឡាំពិកវៀតណាម

ប្រធាននាយកដ្ឋានបណ្តុះបណ្តាលកាយសម្បទា និងកីឡា Dang Ha Viet ថ្លែងក្នុងសិក្ខាសាលា។ រូបថត៖ VGP/MT

កប.អនឡាញ - នាថ្ងៃទី ២០ មីនា នៅនាយកដ្ឋានបណ្តុះបណ្តាលកាយសម្បទា និងកីឡា បានប្រព្រឹត្តទៅសិក្ខាសាលាមួយដោយប្រធានបទ “ការផ្លាស់ប្តូរឌីជីថលក្នុងចលនាអូឡាំពិកវៀតណាម”។

ថ្លែងមតិក្នុងសិក្ខាសាលានេះ អនុប្រធានគណៈកម្មាធិការអូឡាំពិក ប្រធាននាយកដ្ឋានបណ្តុះបណ្តាលកីឡា និងកាយសម្បទាវៀតណាម លោក Dang Ha Viet បានសង្កត់ធ្ងន់ថា៖ ការផ្លាស់ប្តូរឌីជីថលមិនត្រឹមតែបង្កើនប្រសិទ្ធភាព និងលើកកំពស់លទ្ធផលប្រកួតប្រជែងប៉ុណ្ណោះទេ ថែមទាំងជួយចលនាអូឡាំពិកវៀតណាមអភិវឌ្ឍន៍ប្រកបដោយចីរភាពផងដែរ។ សិក្ខាសាលានេះត្រូវបានរៀបចំឡើងប្រកបដោយអត្ថន័យដ៏ធំធេង ក្នុងគោលបំណងលើកកម្ពស់ការយល់ដឹងអំពីការផ្លាស់ប្តូរឌីជីថលសម្រាប់អង្គការ និងបុគ្គលដែលចូលរួមក្នុងចលនាអូឡាំពិកនៅវៀតណាម។

យោងតាមនាយក Dang Ha Viet ការផ្លាស់ប្តូរឌីជីថលកំពុងក្លាយជានិន្នាការជៀសមិនរួចក្នុងគ្រប់វិស័យ ហើយកីឡាក៏មិនមានករណីលើកលែងដែរ។ ការផ្លាស់ប្តូរឌីជីថលមិនត្រឹមតែជួយអ្នកកីឡាឱ្យគ្រប់គ្រងព្រឹត្តិការណ៍កីឡាបានប្រសើរជាងមុនប៉ុណ្ណោះទេ ប៉ុន្តែថែមទាំងបង្កើតតម្លៃថ្មីសម្រាប់កីឡាជាតិ និងអន្តរជាតិផងដែរ។

ការផ្លាស់ប្តូរឌីជីថលក៏ជាឧបករណ៍ដ៏មានប្រសិទ្ធភាពមួយដើម្បីជួយអ្នកគ្រប់គ្រងកីឡាកាត់បន្ថយការខិតខំប្រឹងប្រែងដោយដៃ បង្កើនភាពត្រឹមត្រូវ និងសន្សំសំចៃពេលវេលា។ សម្រាប់គ្រូបង្វឹក និងអត្តពលិក ដើម្បីជួយវិភាគការអនុវត្តរបស់ពួកគេតាមរយៈឧបករណ៍វាស់ស្ទង់ ឧបករណ៍ចាប់សញ្ញា និងកម្មវិធីវិភាគទិន្នន័យ ដោយហេតុនេះកាត់បន្ថយហានិភ័យនៃការរងរបួសអំឡុងពេលហ្វឹកហាត់ និងការប្រកួត ព្រមទាំងបង្កើនតម្លាភាព និងយុត្តិធម៌ក្នុងការសម្រេចចិត្តលទ្ធផល។

ការផ្លាស់ប្តូរឌីជីថលនឹងជួយនាំយកសកម្មភាពកីឡាឱ្យកាន់តែជិតស្និទ្ធជាមួយសហគមន៍តាមរយៈកម្មវិធីទូរស័ព្ទ និងឧបករណ៍បច្ចេកវិទ្យាឆ្លាតវៃ។ អាស្រ័យហេតុនេះ ប្រជាពលរដ្ឋអាចចូលរួមលេងកីឡាតាមវិធីផ្ទាល់ខ្លួន និងតាមលក្ខខណ្ឌ និងពេលវេលា...

នាយក Dang Ha Viet សង្ឃឹមថា អ្នកជំនាញ និងអ្នកគ្រប់គ្រងនឹងសកម្មចែករំលែក និងពិភាក្សាអំពីបទពិសោធន៍ក្នុងការអនុវត្តបច្ចេកវិទ្យាព័ត៌មាន និងការផ្លាស់ប្តូរឌីជីថលចំពោះការគ្រប់គ្រងកីឡា និងចលនាអូឡាំពិកវៀតណាមក្នុងយុគសម័យផ្លាស់ប្តូរឌីជីថលនៅស្ថាប័ន និងអង្គភាពនានា រួមចំណែកអភិវឌ្ឍន៍កីឡាវៀតណាមនាពេលខាងមុខ។

ថ្លែងមតិក្នុងសិក្ខាសាលានេះ ប្រធានសមាគមកីឡាអេឡិចត្រូនិកវៀតណាម (VIRESA) លោក Do Viet Hung បានចែករំលែកអំពីការអភិវឌ្ឍន៍ខ្លាំងក្លានៃកីឡាអេឡិចត្រូនិក (Esports) និងកីឡាកាយវប្បកម្មឌីជីថល (Physical Sports) ក្នុងបរិបទនៃការផ្លាស់ប្តូរឌីជីថល។

យោងតាមលោក Do Viet Hung កីឡាអេឡិចត្រូនិកលែងគ្រាន់តែជាវិស័យកម្សាន្តប៉ុណ្ណោះ ប៉ុន្តែបានក្លាយជាផ្នែកមួយដ៏សំខាន់នៃប្រព័ន្ធអេកូកីឡាទំនើបដែលត្រូវបានទទួលស្គាល់ក្នុងប្រព័ន្ធប្រកួតប្រជែងអន្តរជាតិដូចជា៖ ស៊ីហ្គេម ASIAD និងអូឡាំពិក។ លើសពីនេះ កីឡាកាយវប្បកម្មឌីជីថល ដែលជាគំរូដែលរួមបញ្ចូលគ្នានូវចលនាជីវិតពិត និងបច្ចេកវិជ្ជាក៏កំពុងអភិវឌ្ឍយ៉ាងឆាប់រហ័ស ដែលជួយលើកកម្ពស់គុណភាពនៃការហ្វឹកហាត់ និងការប្រកួតប្រជែងជាមួយនឹងដំណោះស្រាយបច្ចេកវិទ្យាទំនើប។

ក្នុងក្របខ័ណ្ឌនៃសិក្ខាសាលា គណៈប្រតិភូបានពិភាក្សាអំពីតួនាទីនៃការផ្លាស់ប្តូរឌីជីថលក្នុងការអភិវឌ្ឍន៍ចលនាអូឡាំពិកនៅវៀតណាម ចាប់ពីវគ្គបណ្តុះបណ្តាល និងគ្រូបង្វឹករហូតដល់អង្គការប្រកួតប្រជែង និងការគ្រប់គ្រងអត្តពលិក។

ពីទីនោះ គណៈប្រតិភូបានស្នើគោលនយោបាយ និងដំណោះស្រាយជំរុញការអនុវត្តបច្ចេកវិទ្យាឌីជីថលក្នុងប្រព័ន្ធកីឡាវៀតណាម រួមចំណែកកែលម្អលទ្ធផលប្រកួតប្រជែង និងពង្រីកចលនាកីឡាសហគមន៍។

មិញធូ