ອັງກິດ ໜູນຊ່ວຍ ຮ່າໂນ້ຍ ພັດທະນາການຂົນສົ່ງສາທາລະນະ

ວັນທີ 8 ມັງກອນນີ້, ສະຖານທູດອັງກິດ ແລະ ຄະນະຄຸ້ມຄອງລົດໄຟນະຄອນຮ່າໂນ້ຍ (MRB) ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມື.

ກ່າວຄຳເຫັນທີ່ກອງປະຊຸມ, ທ່ານ ຫງວຽນຊວນມິນ, ຫົວໜ້າຄະນະຄຸ້ມຄອງທາງລົດໄຟຕົວເມືອງຮ່າໂນ້ຍ (MRB) ໃຫ້ຮູ້ວ່າ: ອັງກິດ ຈະຊ່ວຍນະຄອນ ຮ່າໂນ້ຍ ຄົ້ນຄວ້າ ແລະ ພັດທະນາລະບົບຄົມມະນາຄົມສາທາລະນະ, ພັດທະນາລະບົບທາງລົດໄຟໃນຕົວເມືອງຕາມຮູບແບບ TOD, ສ້າງຕົວແບບຂໍ້ມູນຂ່າວສານ (BIM) ໃນບັນດາໂຄງການທາງລົດໄຟໃນຕົວເມືອງ.

Vương quốc Anh hỗ trợ Hà Nội phát triển giao thông công cộng- Ảnh 1. — ສະຖານທູດອັງກິດ ແລະ ຄະນະຄຸ້ມຄອງລົດໄຟຕົວເມືອງຮ່າໂນ້ຍ ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມື.

ການຮ່ວມມືດັ່ງກ່າວແມ່ນອີງໃສ່ປະສົບການທີ່ກ້າວໜ້າຂອງອັງກິດ, ແມ່ນປະເທດທີ່ມີຜົນງານດີເດັ່ນຫຼາຍຢ່າງໃນຂົງເຂດຄົມມະນາຄົມສາທາລະນະ ແລະ ການກໍ່ສ້າງຕົວເມືອງແບບຍືນຍົງ.

ການນຳໃຊ້ມາດຖານ BIM ຈະຊ່ວຍໃຫ້ຮ່າໂນ້ຍ ຍົກສູງຄວາມສາມາດໃນການວາງແຜນ, ຕິດຕາມກວດກາ ແລະ ຄຸ້ມຄອງບັນດາໂຄງການ, ຫຼຸດຜ່ອນຄວາມສ່ຽງ, ປະຢັດຕົ້ນທຶນ, ປັບປຸງຄຸນນະພາບການກໍ່ສ້າງ.

ພ້ອມກັນນັ້ນ, ຕົວແບບ TOD ຈະໄດ້ຮັບການພັດທະນາຢ່າງເປັນລະບົບກວ່າ, ຮັບປະກັນການເຊື່ອມຈອດລະຫວ່າງການຂົນສົ່ງສາທາລະນະກັບຕົວເມືອງ, ຕອບສະໜອງຄວາມຕ້ອງການຂອງປະຊາຊົນຢ່າງມີປະສິດທິຜົນ.

ບົດບັນທຶກຄວາມເຂົ້າໃຈສະບັບນີ້ ຈະເປັນພື້ນຖານໃຫ້ແກ່ການຂະຫຍາຍການຮ່ວມມືໃນອະນາຄົດ, ບໍ່ພຽງແຕ່ໃນຂົງເຂດທາງລົດໄຟໃນຕົວເມືອງເທົ່ານັ້ນ, ແຕ່ຍັງຢູ່ໃນຫຼາຍຂົງເຂດທີ່ກ່ຽວຂ້ອງກັບການວາງແຜນຜັງເມືອງ, ການພັດທະນາ ແລະການຂົນສົ່ງສາທາລະນະແບບຍືນຍົງ.

ທ່ານ Iain Frew, ເອກອັກຄະລັດຖະທູດ ອັງກິດ ແລະ ໄອແລນເໜືອ ປະຈຳ ຫວຽດນາມ ຢືນຢັນວ່າ: “ອັງກິດ ຍາມໃດກໍ່ຖືເປັນແຖວໜ້າຂອງບັນດາການບຸກເບີກການພັດທະນາຕົວເມືອງ, ໃນນັ້ນມີການພັດທະນາຕົວເມືອງຕາມທິດ TOD, ໜູນຊ່ວຍບັນດານະຄອນປັບປຸງຕາໜ່າງຄົມມະນາຄົມສາທາລະນະ, ຫຼຸດຜ່ອນຄວາມແອອັດ ການຮ່ວມມືກັບຮ່າໂນ້ຍ ແລະ MRB ແມ່ນການຢັ້ງຢືນວິໄສທັດຮ່ວມຂອງສອງປະເທດເພື່ອພັດທະນາແບບຍືນຍົງ”.

ທີ່ມາ: https://www.baogiaothong.vn/vuong-quoc-anh-ho-tro-ha-noi-phat-trien-giao-thong-cong-cong-192250108165535459.htm