ສາຍການບິນ Vietravel ແຕ່ງຕັ້ງຜູ້ອຳນວຍການໃຫຍ່ຄົນໃໝ່

ວັນທີ 4 ກັນຍາ 2024, ບໍລິສັດການບິນ Vietravel ໄດ້ແຕ່ງຕັ້ງຜູ້ອຳນວຍການໃຫຍ່ຄົນໃໝ່ - ທ່ານ Dao Duc Vu ຢ່າງເປັນທາງການ ພາຍຫຼັງທ່ານ ຫງວຽນແມ້ງຫາຍ ໄດ້ລາອອກຈາກຕຳແໜ່ງ.

ຕອນເຊົ້າວັນທີ 4 ກັນຍາ 2024, ຢູ່ສຳນັກງານໃຫຍ່ ສາຍການບິນ Vietravel , ພິທີແຕ່ງຕັ້ງຜູ້ອຳນວຍການໃຫຍ່ຄົນໃໝ່ໄດ້ດຳເນີນຜ່ານການຕົກລົງແຕ່ງຕັ້ງທ່ານ ດ່າວດຶກວູ ໃຫ້ດຳລົງຕຳແໜ່ງເປັນຜູ້ອຳນວຍການໃຫຍ່ບໍລິສັດແຕ່ວັນທີ 4 ກັນຍາ 2024, ພາຍຫຼັງຄະນະກຳມະການບໍລິຫານໄດ້ອະນຸມັດລາອອກຈາກຕຳແໜ່ງຂອງທ່ານ ຫງວຽນແມ້ງຫາຍ ດ້ວຍເຫດຜົນສ່ວນຕົວ. ທ່ານ Dao Duc Vu ມີປະສົບການຫຼາຍກວ່າ 35 ປີໃນອຸດສາຫະກຳການບິນ, ມີຕຳແໜ່ງການນຳຂັ້ນສູງຂອງບັນດາອົງການ ແລະ ວິສາຫະກິດຄື: Vietnam Airlines, Cambodia Angkor Air, Vietjet, ແລະ Bamboo Airways. ໃນໄລຍະແຕ່ປີ 2020 – 2022, ດຳລົງຕຳແໜ່ງເປັນຮອງຜູ້ອຳນວຍການໃຫຍ່ ແລະ ຮັບຜິດຊອບຕົ້ນຕໍແມ່ນຄຸ້ມຄອງ, ຊີ້ນຳການດຳເນີນງານການບິນ ແລະ ຝຶກຊ້ອມນັກບິນຂອງສາຍການບິນ Vietravel. ແລະ ທ່ານ ດ່າວດຶກວູ ຈະເຂົ້າຮັບຕຳແໜ່ງບໍລິຫານຂອງສາຍການບິນ Vietravel ຢ່າງເປັນທາງການແຕ່ວັນທີ 4/9/2024.

ທ່ານຜູ້ອຳນວຍການໃຫຍ່ຄົນໃໝ່ກ່າວວ່າ, “ຂ້າພະເຈົ້າສະແດງຄວາມຊົມເຊີຍຕໍ່ບັນດາຜົນງານທີ່ສາຍການບິນ Vietravel ບັນລຸໄດ້ໃນໄລຍະຜ່ານມາ. ດ້ວຍຄວາມເຊື່ອໝັ້ນ ແລະ ຄວາມໄວ້ເນື້ອເຊື່ອໃຈຂອງຄະນະບໍລິຫານ, ຂ້າພະເຈົ້າໃຫ້ຄຳໝັ້ນສັນຍາວ່າຈະສືບຕໍ່ສືບທອດ ແລະ ເຊີດຊູບັນດາຄຸນຄ່າຫຼັກແຫຼ່ງ ແລະ ປັດຊະຍາດຳເນີນທຸລະກິດຂອງສາຍການບິນກັບບັນດາເພື່ອນຮ່ວມງານ, ພ້ອມນັ້ນກໍ່ປາດຖະໜາຢາກປະກອບສ່ວນເຂົ້າໃນການພັດທະນາແບບຍືນຍົງຂອງສາຍການບິນ Vietravel ໃນອະນາຄົດ”. ທີ່ພິທີແຕ່ງຕັ້ງ, ທ່ານ ຫງວຽນກວກກີ, ປະທານຄະນະກຳມະການບໍລິຫານບໍລິສັດການບິນ Vietravel ແບ່ງປັນວ່າ, “ສາຍການບິນ Vietravel ພວມກ້າວເຂົ້າສູ່ໄລຍະພັດທະນາໃໝ່ ດ້ວຍຫຼາຍຈຸດໝາຍສຳຄັນທີ່ຄະນະກຳມະການໄດ້ວາງອອກ. ສະນັ້ນ, ການແຕ່ງຕັ້ງທ່ານ ດ່າວດຶກຫວູ ຄາດວ່າຈະມີບົດບາດສຳຄັນໃນການຊ່ວຍເຫຼືອສາຍການບິນ Vietravel ຊຸກຍູ້ແຜນການຂະຫຍາຍເສັ້ນທາງການບິນ ແລະ ຢັ້ງຢືນຈຸດໝາຍອັນໜັກແໜ້ນຂອງຕະຫຼາດການບິນ”.

ພ້ອມກັນນັ້ນ, ຜູ້ຕາງໜ້າຄະນະບໍລິຫານງານຂອງສາຍການບິນຍັງໄດ້ສະແດງຄວາມຂອບໃຈຢ່າງເລິກເຊິ່ງຕໍ່ທ່ານ ຫງວຽນມິງຫາຍ ໃນການປະກອບສ່ວນອັນພົ້ນເດັ່ນໃນຖານະເປັນສະມາຊິກສະພາບໍລິຫານບໍລິສັດການບິນ Vietravel.

ທີ່ມາ: Vietravel Airlines

ທີ່ມາ: https://www.vietravel.com/vn/nhat-ky-vietravel/vietravel-airlines-bo-nhiem-tan-tong-giam-doc-v15678.aspx