ຫວຽດນາມ ແລະ ຈີນ ຈະລົງນາມໃນສັນຍາຮ່ວມມືດ້ານຄົມມະນາຄົມ.

ໃນໄລຍະຈະມາເຖິງ, ຫວຽດນາມ ແລະ ຈີນ ຈະລົງນາມໃນບົດບັນທຶກຊ່ວຍຈຳສະບັບໃໝ່ກ່ຽວກັບການຮ່ວມມືໃນຂົງເຂດຂ່າວສານ ແລະ ຂ່າວສານຕ່າງປະເທດ.

ຕອນເຊົ້າວັນທີ 23 ກັນຍາ, ຢູ່ນະຄອນດ່ານັງ, ທ່ານລັດຖະມົນຕີກະຊວງຖະແຫຼງຂ່າວ ແລະ ສື່ສານ ຫງວຽນແມ້ງຮຸ່ງ ໄດ້ໃຫ້ການຕ້ອນຮັບທ່ານ Sun Yeli, ຫົວໜ້າຫ້ອງການຖະແຫຼງຂ່າວສະພາແຫ່ງລັດຈີນ. ທີ່ການຕ້ອນຮັບ, ທ່ານລັດຖະມົນຕີ ຫງວຽນແມ້ງຮຸ່ງ ໄດ້ຂອບໃຈຄະນະຜູ້ແທນຈີນທີ່ໄດ້ເຂົ້າຮ່ວມກອງປະຊຸມ AMRI 16, ພ້ອມທັງສະລະເວລາໃຫ້ 2 ຝ່າຍດຳເນີນການພົບປະເຈລະຈາ. ທ່ານລັດຖະມົນຕີກ່າວວ່າ, ຜົນສຳເລັດຂອງກອງປະຊຸມ AMRI ຄັ້ງທີ 16 ໄດ້ມີການປະກອບສ່ວນອັນໃຫຍ່ຫຼວງຈາກບັນດາປະເທດຄູ່ເຈລະຈາຄື ຈີນ, ຍີ່ປຸ່ນ ແລະ ສເກົາຫຼີ. ຕາມທ່ານລັດຖະມົນຕີແລ້ວ, ຈີນແມ່ນເພື່ອນມິດທີ່ດີຂອງຫວຽດນາມ ແລະ ປາດຖະໜາຢາກໄດ້ຮັບຟັງບັນດາບັນຫາ ເຕັກໂນໂລຢີດີຈີຕອນ , ໂດຍສະເພາະແມ່ນການຄຸ້ມຄອງຂໍ້ມູນຂ່າວສານໃນອິນເຕີແນັດ ແລະ ເວທີປາໄສຂ້າມຊາຍແດນ.

ທ່ານລັດຖະມົນຕີ ຫງວຽນແມ້ງຮຸ່ງ ໄດ້ໃຫ້ການຕ້ອນຮັບທ່ານ Sun Yeli, ຫົວໜ້າຫ້ອງການຖະແຫຼງຂ່າວສະພາແຫ່ງລັດຈີນ

ທ່ານ Sun Yeli ໃຫ້ຮູ້ວ່າ, ທ່ານດີໃຈຫຼາຍທີ່ໄດ້ພົບປະກັບທ່ານລັດຖະມົນຕີ Nguyen Manh Hung ແລະ ໄດ້ສະແດງຄວາມຂອບອົກຂອບໃຈຕໍ່ການຕ້ອນຮັບອັນອົບອຸ່ນຂອງຫວຽດນາມ. “ເຂົ້າຮ່ວມກອງປະຊຸມຄັ້ງນີ້, ຂ້າພະເຈົ້າຍັງໄດ້ພົບປະກັບບັນດາລັດຖະມົນຕີຈາກປະເທດອື່ນໆ ແລະ ໄດ້ຮັບຮູ້ຄວາມສຳຄັນຂອງການສື່ສານເພື່ອການພັດທະນາຂອງປະເທດ, ພິເສດແມ່ນໃນໄລຍະທີ່ເຕັກໂນໂລຢີພວມພັດທະນາ. ຂ້າພະເຈົ້າຮູ້ວ່າ, ຫວຽດນາມກໍມີຫົວໜ່ວຍຄຸ້ມຄອງເຄືອຂ່າຍອິນເຕີເນັດ ແລະ ຈີນກໍຄືກັນ. ຂ້າພະເຈົ້າຫວັງວ່າບົນພື້ນຖານນັ້ນ, ໃນໄລຍະຈະມາເຖິງ, ສອງປະເທດຈະຮ່ວມມື ແລະ ແລກປ່ຽນກ່ຽວກັບບັນຫານີ້ຕື່ມອີກ,” ທ່ານ Sun Yeli ແບ່ງປັນ. ພ້ອມກັນນັ້ນ, ທ່ານ Sun Yeli ຫວັງວ່າ 2 ປະເທດຈະຊຸກຍູ້ການລົງນາມໃນບົດບັນທຶກຊ່ວຍຈຳສະບັບໃໝ່ກ່ຽວກັບການຮ່ວມມືມິດຕະພາບໃນຂົງເຂດຂ່າວສານ ແລະ ຂ່າວສານຕ່າງປະເທດໂດຍໄວ.

ທ່ານ Sun Yeli ຫວັງວ່າໃນໄລຍະຈະມາເຖິງ, ຫວຽດນາມ ແລະ ຈີນ ຈະຊຸກຍູ້ການຮ່ວມມືດ້ານຂໍ້ມູນຂ່າວສານ ແລະ ສື່ສານ.

ໃນໄລຍະມໍ່ໆມານີ້, ໃນຂົງເຂດຖະແຫຼງຂ່າວ ແລະ ການສື່ສານ, ຫວຽດນາມ ແລະ ຈີນ ຍັງບໍ່ທັນໄດ້ຮ່ວມມືຫຼາຍປານໃດ, ບໍ່ເໝາະສົມກັບລະດັບການພົວພັນລະຫວ່າງ 2 ປະເທດ. ກະຊວງຖະແຫຼງຂ່າວ ແລະ ສື່ສານ ຫວຽດນາມ ພວມຄຸ້ມຄອງ 2 ຂົງເຂດ, ໃນນັ້ນມີ ໄປສະນີ ໂທລະຄົມ, ເຕັກໂນໂລຢີດີຈີຕອນ, ໜັງສືພິມ ແລະ ໂທລະພາບ. ໃນຂົງເຂດຂ່າວສານ, ສອງປະເທດໄດ້ມີບົດບັນທຶກຄວາມເຂົ້າໃຈ. ໃນເດືອນພະຈິກ 2023, ຜູ້ນໍາຂອງກະຊວງຖະແຫຼງຂ່າວແລະສື່ສານຈະໄປຢ້ຽມຢາມຈີນ. ທ່ານລັດຖະມົນຕີ ຫງວຽນແມ້ງຮຸ່ງ ສະເໜີວ່າ, ໃນການຢ້ຽມຢາມຄັ້ງນີ້, 2 ປະເທດຈະລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມື ແລະ ແລກປ່ຽນສື່ມວນຊົນ, ສ້າງພື້ນຖານໃຫ້ແກ່ການປະຕິບັດບັນດາການເຄື່ອນໄຫວຮ່ວມມືໃນໄລຍະຈະມາເຖິງ. ນອກນີ້, ບັນດາອົງການກະຊວງຖະແຫຼງຂ່າວ ແລະ ສື່ສານ ຫວຽດນາມ ແລະ ຫ້ອງການຖະແຫຼງຂ່າວຂອງສະພາແຫ່ງລັດຈີນ ຈະສ້າງໂຄງການຮ່ວມມື 2 ປີ ແລະ ສາມາດລົງນາມໃນເດືອນ 11/2023. ຈາກໂຄງການຮ່ວມມືນີ້, 2 ປະເທດຈະປຶກສາຫາລືບັນດາໜ້າທີ່ສະເພາະ. ໂດຍຕອບສະໜອງຂໍ້ສະເໜີຂອງທ່ານລັດຖະມົນຕີ ຫງວຽນແມ້ງຮຸ່ງ, ທ່ານ Sun Yeli ໄດ້ເຫັນດີ ແລະ ຖືວ່າ 2 ຝ່າຍຈະສຳເລັດບົດບັນທຶກຊ່ວຍຈຳເພື່ອລົງນາມໃນເດືອນ 11/2023. ຈາກນັ້ນເປັນພື້ນຖານໃນການສ້າງແຜນການລະອຽດເພື່ອຊຸກຍູ້ການຮ່ວມມືດ້ານຂໍ້ມູນຂ່າວສານ ແລະ ສື່ສານ.