ຫວຽດນາມ ເຊື່ອໝັ້ນວ່າ ສ.ເກົາຫຼີ ຈະຮັກສາສະຖຽນລະພາບໂດຍໄວ.

ຕອນບ່າຍວັນທີ 5/12, ທີ່ການປະຊຸມຂ່າວປະຈຳກະຊວງການຕ່າງປະເທດ, ຕອບຄຳຊັກຖາມຂອງນັກຂ່າວກ່ຽວກັບການຜັນຂະຫຍາຍດ້ານການເມືອງຂອງ ສ.ເກົາຫຼີ ໃນໄລຍະມໍ່ໆມານີ້, ແລະ ແຜນການປົກປັກຮັກສາພົນລະເມືອງເມື່ອສະພາບການເຄັ່ງຕຶງຂຶ້ນຕື່ມ, ໂຄສົກກະຊວງການຕ່າງປະເທດຫວຽດນາມ Pham Thu Hang ໃຫ້ຮູ້ວ່າ:

ໂຄສົກກະຊວງການຕ່າງປະເທດຫວຽດນາມ ຟ້າມທູຮັ່ງ ຕອບຄຳຖາມຂອງນັກຂ່າວ. ພາບ: ອານດັງ/VNA

ດ້ວຍຖານະເປັນປະເທດທີ່ມີການພົວພັນຄູ່ຮ່ວມມືຍຸດທະສາດຮອບດ້ານກັບ ສ.ເກົາຫຼີ, ຫວຽດນາມ ພວມຕິດຕາມບັນດາການຜັນຂະຫຍາຍຂອງ ສ.ເກົາຫຼີ ໃນປະຈຸບັນ. ທ່ານນາງ ຟ້າມທູຮັ່ງ ເນັ້ນໜັກວ່າ: “ພວກຂ້າພະເຈົ້າເຊື່ອໝັ້ນວ່າ ສ.ເກົາຫຼີ ຈະຮັກສາສະຖຽນລະພາບໂດຍໄວ ແລະ ສືບຕໍ່ພັດທະນາຢ່າງແຮງໃນໄລຍະຈະມາເຖິງ. ກ່ຽວກັບປະຊາຄົມຊາວ ຫວຽດນາມ ຢູ່ ສ.ເກົາຫຼີ, ໂຄສົກກະຊວງການຕ່າງປະເທດ ສ.ເກົາຫຼີ ໃຫ້ຮູ້ວ່າ: ຕາມຂໍ້ມູນຂອງສະຖານທູດ ຫວຽດນາມ ປະຈຳ ສ.ເກົາຫຼີ, ການຜັນຂະຫຍາຍໃນໄລຍະມໍ່ໆມານີ້ຂອງ ສ.ເກົາຫຼີ ຍັງບໍ່ທັນສົ່ງຜົນສະທ້ອນເຖິງການເຄື່ອນໄຫວຂອງປະຊາຄົມຊາວ ຫວຽດນາມ ຢູ່ ສ.ເກົາຫຼີ. ພາຍຫຼັງໄດ້ຮັບຂໍ້ມູນກ່ຽວກັບສະພາບການຢູ່ ສ.ເກົາຫຼີ ໃນປະຈຸບັນ, ກະຊວງການຕ່າງປະເທດຫວຽດນາມ ໄດ້ຊີ້ນຳສະຖານທູດ ຫວຽດນາມ ປະຈຳ ສ.ເກົາຫຼີ ເລັ່ງຕິດຕາມບັນດາການຜັນຂະຫຍາຍທີ່ກ່ຽວຂ້ອງ, ໂດຍໄວ ແລະ ສົມທົບກັບອຳນາດການປົກຄອງທ້ອງຖິ່ນ, ສະມາຄົມຊາວ ຫວຽດນາມ ຢູ່ ສ.ເກົາຫຼີ ເພື່ອແນໃສ່ຕິດຕາມສະພາບການຂອງພົນລະເມືອງດຳລົງຊີວິດ, ເຮັດວຽກ ແລະ ຮ່ຳຮຽນຢູ່ ສ.ເກົາຫຼີ. ພ້ອມກັນນັ້ນ, ສະຖານທູດຫວຽດນາມ ປະຈຳ ສ.ເກົາຫຼີ ກໍ່ໄດ້ສົມທົບກັນຢ່າງແໜ້ນແຟ້ນກັບປະຊາຄົມຊາວ ຫວຽດນາມ ໃນທັນທີ ແລະ ແນະນຳໃຫ້ພົນລະເມືອງປະຕິບັດບັນດາລະບຽບການ, ຄຳແນະນຳຂອງປະເທດເຈົ້າພາບ, ຫຼີກລ້ຽງການເຕົ້າໂຮມທີ່ແອອັດ ແລະ ຕິດພັນກັບສະຖານທູດ ຫວຽດນາມ ປະຈຳ ສ.ເກົາຫຼີ.

ໂຄສົກໄດ້ຢືນຢັນອີກເທື່ອໜຶ່ງວ່າ, ມາຮອດປະຈຸບັນ, ປະຊາຄົມຊາວ ຫວຽດນາມ ຢູ່ ສ.ເກົາຫຼີ ຍັງຄົງດຳລົງຊີວິດ, ເຮັດວຽກ ແລະ ຮ່ຳຮຽນເປັນປົກກະຕິ. ໂຄສົກກະຊວງການຕ່າງປະເທດຫວຽດນາມ Pham Thu Hang ໃຫ້ຮູ້ວ່າ: ບົນຈິດໃຈຮັບໃຊ້ປະຊາຊົນ ແລະ ຖືການປົກປັກຮັກສາພົນລະເມືອງແມ່ນໜຶ່ງໃນບັນດາບຸລິມະສິດອັນດັບໜຶ່ງຂອງກະຊວງການຕ່າງປະເທດ, ພວກຂ້າພະເຈົ້າສືບຕໍ່ຕິດຕາມສະພາບການກັບສະຖານທູດຫວຽດນາມ ປະຈຳ ສ.

ຫວຽດນາມ (ສຳນັກຂ່າວຫວຽດນາມ)

ທີ່ມາ: https://baotintuc.vn/thoi-su/viet-nam-tin-tuong-han-quoc-se-som-on-dinh-tinh-hinh-20241205162318848.htm