ຫວຽດນາມ ພະຍາຍາມຮ່ວມກັບປະຊາຄົມໂລກເພື່ອສະກັດກັ້ນ ແລະ ແກ້ໄຂຄວາມຂັດແຍ່ງກັນ, ຮັບປະກັນຄວາມປອດໄພ ແລະ ອະນາຄົດທີ່ດີຂອງເດັກນ້ອຍ.

ເພື່ອຍົກສູງປະສິດທິຜົນຂອງການປົກປ້ອງເດັກໃນການປະທະກັນ, ຕ້ອງເພີ່ມທະວີການຮ່ວມມື ແລະ ການປະສານງານລະຫວ່າງບັນດາປະເທດສະມາຊິກ ແລະ ອົງການທີ່ກ່ຽວຂ້ອງຂອງສະຫະປະຊາຊາດ.

Việt Nam nỗ lực cùng cộng đồng quốc tế ngăn ngừa, giải quyết xung đột, bảo đảm một tương lai an toàn và tốt đẹp cho trẻ em

ທ່ານເອກອັກຄະລັດຖະທູດ ຫງວຽນຮົ່ງຫງວຽນ, ຮອງຫົວໜ້າຄະນະປະຈຳຫວຽດນາມ ປະຈຳ ສປຊ, ກ່າວຄຳເຫັນທີ່ກອງປະຊຸມ.

ວັນທີ 26 ມິຖຸນານີ້, ຢູ່ນິວຢອກ, ສະພາຄວາມໝັ້ນຄົງອົງການສະຫະປະຊາຊາດໄດ້ດຳເນີນການໂຕ້ວາທີເປີດກວ້າງກ່ຽວກັບການປົກປ້ອງເດັກນ້ອຍໃນການປະທະກັນດ້ວຍກຳລັງອາວຸດພາຍໃຕ້ການເປັນປະທານຂອງສ.ເກົາຫຼີ, ປະທານສະພາຄວາມໝັ້ນຄົງໃນເດືອນນີ້.

ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມມີອະດີດເລຂາທິການໃຫຍ່ອົງການສະຫະປະຊາຊາດ Ban Ki-Moon ພ້ອມດ້ວຍຜູ້ຕາງໜ້າຈາກ 80 ກວ່າປະເທດ ແລະ ບັນດາອົງການສາກົນທີ່ກ່ຽວຂ້ອງຈຳນວນໜຶ່ງ.

ໃນລະຫວ່າງການສົນທະນາ, ຄວາມຄິດເຫັນສ່ວນໃຫຍ່ໄດ້ສະແດງຄວາມເປັນຫ່ວງກ່ຽວກັບການເພີ່ມຂຶ້ນຢ່າງຫຼວງຫຼາຍຂອງການລະເມີດຕໍ່ເດັກນ້ອຍໃນການຂັດແຍ້ງ, ເຮັດໃຫ້ເດັກນ້ອຍຈໍານວນຫຼາຍເສຍຊີວິດ, ໄດ້ຮັບບາດເຈັບຫຼືຖືກແຍກອອກຈາກກັນ. ຄຽງຄູ່ກັບນັ້ນແມ່ນສະພາບເດັກນ້ອຍຖືກບັງຄັບໃຫ້ເປັນທະຫານ, ກາຍເປັນຜູ້ຖືກເຄາະຮ້າຍຈາກຄວາມຮຸນແຮງທາງເພດ ແລະ ຖືກສະກັດກັ້ນການເຂົ້າເຖິງດ້ານມະນຸດສະທຳ. ຫຼາຍໆປະເທດໄດ້ປະນາມການສັງຫານເດັກນ້ອຍໃນຂໍ້ຂັດແຍ່ງ ແລະການໂຈມຕີຕໍ່ສະຖານທີ່ການສຶກສາ ແລະທາງການແພດ ທີ່ເກີດຂຶ້ນໃນຫຼາຍປະເທດຂອງໂລກ.

ກ່າວຄຳເຫັນທີ່ການພົບປະ, ທ່ານເອກອັກຄະລັດຖະທູດ ຫງວຽນຮ່ວາງຈຸງ, ຮອງຫົວໜ້າຄະນະປະຈຳຫວຽດນາມ ປະຈຳສະຫະປະຊາຊາດ ເນັ້ນໜັກວ່າ, ບຸລິມະສິດອັນດັບໜຶ່ງຂອງປະຊາຄົມໂລກກໍຄືຂອງແຕ່ລະປະເທດແມ່ນແກ້ໄຂບັນດາຮາກຖານຂອງການປະທະກັນ ໂດຍຜ່ານການຊຸກຍູ້ການພັດທະນາແບບຍືນຍົງ, ໜູນຊ່ວຍເດັກນ້ອຍຫຼີກລ່ຽງຜົນສະທ້ອນຈາກສົງຄາມ ແລະ ຄວາມຮຸນແຮງ.

ຜູ້ຕາງໜ້າຫວຽດນາມ ຢືນຢັນວ່າ: ການຮັບປະກັນການເຄົາລົບກົດບັດສະຫະປະຊາຊາດ, ກົດໝາຍສາກົນ ແລະ ກົດໝາຍມະນຸດສະທຳສາກົນ ແມ່ນສຳຄັນທີ່ສຸດໃນວຽກງານປົກປ້ອງເດັກ. ບັນດາຝ່າຍທີ່ເກີດການປະທະກັນຕ້ອງປະຕິບັດພັນທະຂອງຕົນພາຍໃຕ້ກົດໝາຍສາກົນ ແລະ ມະຕິທີ່ກ່ຽວຂ້ອງຂອງສະຫະປະຊາຊາດ, ໃນນັ້ນມີມະຕິສະພາຄວາມໝັ້ນຄົງ 2573 (2021) ທີ່ຫວຽດນາມ ສະເໜີກ່ຽວກັບການປົກປັກຮັກສາພົນລະເຮືອນ ແລະ ພື້ນຖານໂຄງລ່າງພົນລະເຮືອນທີ່ຈຳເປັນ.

ຍົກສູງປະສິດທິຜົນການປົກປ້ອງເດັກໃນຂໍ້ຂັດແຍ່ງ, ທ່ານຮອງຫົວໜ້າຄະນະຜູ້ແທນຫວຽດນາມ ຖືວ່າ: ຕ້ອງເພີ່ມທະວີການຮ່ວມມື, ສົມທົບກັນລະຫວ່າງບັນດາປະເທດສະມາຊິກ ແລະບັນດາອົງການທີ່ກ່ຽວຂ້ອງຂອງສະຫະປະຊາຊາດຄື: UNICEF, UNDP, ພາລະກິດຮັກສາສັນຕິພາບ, ຮອບດ້ານນີ້ ຊ່ວຍສ້າງກອບເຊື່ອມໂຍງວຽກງານຮັກສາສັນຕິພາບ ແລະການພັດທະນາເສດຖະກິດກັບວຽກງານປົກປ້ອງເດັກກ່ອນ, ໃນໄລຍະ ແລະຫຼັງການປະທະກັນ.

ເນື່ອງໃນໂອກາດນີ້, ຫວຽດນາມ ຢືນຢັນຈະສົມທົບກັນຢ່າງແໜ້ນແຟ້ນກັບປະຊາຄົມໂລກ, ສະຫະປະຊາຊາດ ແລະ ບັນດາຝ່າຍທີ່ກ່ຽວຂ້ອງໃນການສະກັດກັ້ນ ແລະ ແກ້ໄຂຄວາມຂັດແຍ້ງກັນ, ປະກອບສ່ວນຮັບປະກັນຄວາມປອດໄພ ແລະ ອະນາຄົດອັນດີງາມຂອງເດັກນ້ອຍທຸກຄົນໃນໂລກ.

ທີ່ມາ: https://baoquocte.vn/viet-nam-no-luc-cung-cong-dong-quoc-te-ngan-ngua-giai-quyet-xung-dot-bao-dam-mot-tuong-lai-an-toan-va-tot-dep-cho-tre-em-276658.html