ຫວຽດນາມ ປາດຖະໜາຢາກສືບຕໍ່ການຮ່ວມມືຢ່າງແທດຈິງ ແລະ ມີປະສິດທິຜົນກັບ ລັດເຊຍ.

ທ່ານນາຍົກລັດຖະມົນຕີ ຟ້າມບິ່ງມິງ ຢືນຢັນວ່າ, ປະຊາຊົນຫວຽດນາມ ຍາມໃດກໍລະນຶກເຖິງບັນດາການໜູນຊ່ວຍ, ການຊ່ວຍເຫຼືອທີ່ອ້າຍນ້ອງ ລັດເຊຍ ໄດ້ມອບໃຫ້ຫວຽດນາມ ໃນວິວັດການປົດປ່ອຍປະເທດຊາດ ແລະ ທ້ອນໂຮມປະເທດຊາດເປັນເອກະພາບໃນໄລຍະຜ່ານມາ.

Việt Nam mong muốn tiếp tục hợp tác thực chất, hiệu quả với Nga - Ảnh 1. — ທ່ານນາຍົກລັດຖະມົນຕີ Pham Minh Chinh ໄດ້ໃຫ້ການຕ້ອນຮັບທ່ານພົນເອກ Kolokoltsev Vladimir Alexandrovich, ລັດຖະມົນຕີກະຊວງພາຍໃນ ລັດເຊຍ.

ທ່ານນາຍົກລັດຖະມົນຕີ ເນັ້ນໜັກວ່າ ຫວຽດນາມ ຍາມໃດກໍ່ຖືເປັນສຳຄັນການພົວພັນຄູ່ຮ່ວມມືຍຸດທະສາດຮອບດ້ານກັບ ລັດເຊຍ, ຖືວ່າ ລັດເຊຍ ແມ່ນໜຶ່ງໃນບັນດາຄູ່ຮ່ວມມືບຸລິມະສິດສູງສຸດ ແລະ ປາດຖະໜາຢາກສືບຕໍ່ຮ່ວມມືຢ່າງແທດຈິງ ແລະ ມີປະສິດທິຜົນກັບ ລັດເຊຍ ໃນທຸກຂົງເຂດ, ເພື່ອຜົນປະໂຫຍດລວມຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ ແລະ ການພັດທະນາໃນພາກພື້ນ ແລະ ໃນໂລກ.

ຂອບໃຈທ່ານນາຍົກລັດຖະມົນຕີ ຟ້າມບິ່ງມິງ ທີ່ໄດ້ສະຫລະເວລາມາຕ້ອນຮັບຄະນະຜູ້ແທນ, ລັດຖະມົນຕີກະຊວງພາຍໃນລັດເຊຍ ຢືນຢັນວ່າ ຫວຽດນາມ ຍາມໃດກໍ່ຖືເປັນບູລິມະສິດໃນນະໂຍບາຍການຕ່າງປະເທດຂອງລັດເຊຍ; ປາດຖະໜາຢາກສືບຕໍ່ເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານລັດເຊຍ - ຫວຽດນາມ ໃຫ້ເລິກເຊິ່ງກ່ວາອີກ, ພິເສດແມ່ນໃນຂົງເຂດການເມືອງ, ເສດຖະກິດ, ການຄ້າ, ການແລກປ່ຽນປະຊາຊົນ...

* ຕອນບ່າຍວັນດຽວກັນ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຟ້າມບິ່ງມິງ ໄດ້ໃຫ້ການຕ້ອນຮັບທ່ານ Park Hark-kyu, ຜູ້ອຳນວຍການໃຫຍ່ຜູ້ຮັບຜິດຊອບການເງິນ (ກຸ່ມບໍລິສັດ Samsung) ທີ່ພວມຢ້ຽມຢາມ ແລະ ເຮັດວຽກຢູ່ ຫວຽດນາມ.

Việt Nam mong muốn tiếp tục hợp tác thực chất, hiệu quả với Nga - Ảnh 2. — ທ່ານນາຍົກລັດຖະມົນຕີ ຟ້າມບິ່ງມິງ ໄດ້ຕ້ອນຮັບທ່ານ Park Hark Kyu, ຜູ້ອຳນວຍການໃຫຍ່ການເງິນ (ກຸ່ມບໍລິສັດ Samsung)

ທ່ານຫົວໜ້າລັດຖະບານຕີລາຄາວ່າ: ບັນດາໂຄງການຂອງກຸ່ມ Samsung ຢູ່ ຫວຽດນາມ ມີຄວາມຄືບໜ້າຢ່າງວ່ອງໄວ, ປະກອບສ່ວນສ້າງໂຄງປະກອບເສດຖະກິດ, ຊຸກຍູ້ການສົ່ງອອກ, ພັດທະນາອຸດສາຫະກຳໜູນຊ່ວຍ, ສ້າງວຽກເຮັດງານທຳ, ປະກອບສ່ວນເຂົ້າໃນການພັດທະນາເສດຖະກິດຂອງຫວຽດນາມ; ຍິນດີຕ້ອນຮັບ Samsung ເຂົ້າຮ່ວມການລົງທຶນຄົ້ນຄ້ວາ, ພັດທະນາແລະການຝຶກອົບຮົມຊັບພະຍາກອນມະນຸດຢູ່ຫວຽດນາມ.

ທ່ານນາຍົກລັດຖະມົນຕີ ຫວັງວ່າ Samsung ຈະສືບຕໍ່ຖື ຫວຽດນາມ ເປັນພື້ນຖານການຜະລິດຍຸດທະສາດ, ຄົ້ນຄວ້າ, ພັດທະນາ ແລະ ຜະລິດບັນດາຜະລິດຕະພັນທີ່ສຳຄັນໃຫ້ແກ່ຕະຫຼາດສາກົນ; ສະເໜີ Samsung ຝຶກອົບຮົມ ແລະ ຈັດຕັ້ງບຸກຄະລາກອນຫວຽດນາມ ເຂົ້າຮ່ວມການນຳພາຂອງ Samsung Complex ຢູ່ ຫວຽດນາມ.

ເຫັນດີກັບຄຳເຫັນຂອງທ່ານນາຍົກລັດຖະມົນຕີ, ທ່ານ Park Hark-kyu ໃຫ້ຄຳໝັ້ນສັນຍາວ່າ ທ່ານ ແລະ Samsung ຈະສືບຕໍ່ພ້ອມກັບ ຫວຽດນາມ ບົນເສັ້ນທາງພັດທະນາ.

ແຫຼ່ງທີ່ມາ