ຫວຽດນາມ ຍິນດີນຳອາເມລິກາປົດກູບາອອກຈາກບັນຊີລາຍຊື່ຜູ້ສະໜັບສະໜູນການກໍ່ການຮ້າຍ

ຫວຽດນາມ ຊົມເຊີຍການຕັດສິນໃຈຂອງລັດຖະບານ ອາເມລິກາ ເພື່ອຖອນກູບາອອກຈາກ “ບັນຊີລາຍຊື່ບັນດາປະເທດທີ່ເຊື່ອວ່າໃຫ້ການສະໜັບສະໜູນການກໍ່ການຮ້າຍ” ຂອງກະຊວງການຕ່າງປະເທດ ອາເມລິກາ ແລະ ບັນດາບາດກ້າວເພື່ອແນໃສ່ຫລຸດຜ່ອນການກີດຂວາງກູບາ.

ວັນທີ 17 ມັງກອນນີ້, ໃນເວລາຕອບຄຳຖາມຂອງນັກຂ່າວກ່ຽວກັບການປະຕິກິລິຍາຂອງຫວຽດນາມທີ່ອາເມລິກາຖອນກູບາອອກຈາກບັນຊີລາຍຊື່ບັນດາປະເທດສະໜັບສະໜູນການກໍ່ການຮ້າຍ, ໂຄສົກກະຊວງການຕ່າງປະເທດຫວຽດນາມ Pham Thu Hang ເນັ້ນໜັກວ່າ, ຫວຽດນາມຍິນດີນຳຄຳຕັດສິນຂອງລັດຖະບານອາ ເມ ລິກາ ໃນວັນທີ 14 ມັງກອນນີ້ທີ່ຈະຖອນກູບາອອກຈາກບັນຊີລາຍຊື່ປະເທດທີ່ເຊື່ອໝັ້ນວ່າຈະສະໜັບສະໜູນລັດທິກໍ່ການຮ້າຍ.

Việt Nam hoan nghênh Mỹ đưa Cuba ra khỏi danh sách tài trợ khủng bố- Ảnh 1. — ໂຄສົກກະຊວງການຕ່າງປະເທດຫວຽດນາມ Pham Thu Hang

“ຫຼັກໝັ້ນຂອງຫວຽດນາມ ແມ່ນສະໜັບສະໜູນຢ່າງແຮງບັນດາຄວາມມານະພະຍາຍາມເພື່ອແນໃສ່ເຮັດໃຫ້ການພົວພັນ ກູບາ - ອາເມລິກາ ເປັນປົກກະຕິ, ໃນນັ້ນ ອາເມລິກາ ຢຸດຕິບັນດາມາດຕະການກີດຂວາງຕໍ່ກູບາ ຕາມມະຕິທີ່ກ່ຽວຂ້ອງຂອງສະມັດຊາໃຫຍ່ ສປຊ, ເພື່ອຜົນປະໂຫຍດອັນຊອບທຳຂອງປະຊາຊົນ ກູບາ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາຢູ່ ອາເມລິກາ ແລະ ໂລກ”.

ກ່ອນໜ້ານີ້, ວັນທີ 14 ມັງກອນນີ້, ອຳນາດການປົກຄອງຂອງປະທານາທິບໍດີອາເມລິກາ Joe Biden ໄດ້ປະກາດຈະຖອນກູບາອອກຈາກບັນຊີລາຍຊື່ປະເທດສະໜັບສະໜູນການກໍ່ການຮ້າຍ.

ລັດຖະມົນຕີການຕ່າງປະເທດກູບາ Bruno Rodriguez Parrilla ໄດ້ຊົມເຊີຍການຕັດສິນໃຈຂອງສະຫະລັດທີ່ຈະຖອນກູບາອອກຈາກບັນຊີລາຍຊື່ຂອງບັນດາປະເທດທີ່ວໍຊິງຕັນພິຈາລະນາສະຫນັບສະຫນູນການກໍ່ການຮ້າຍ. ນັກການທູດຂັ້ນສູງຂອງກູບາກ່າວວ່າ ອາເມລິກາໄດ້ດຳເນີນການເຄື່ອນໄຫວທີ່ຈິງຈັງ, ສຳຄັນ ແລະ ຖືກຕ້ອງ.

ພັກກອມມູນິດກູບາກໍ່ອອກຖະແຫຼງການຊົມເຊີຍການຕັດສິນໃຈຂອງວໍຊິງຕັນ, ຖືວ່ານີ້ແມ່ນໄຊຊະນະຂອງການປະຕິວັດກູບາ.

ທີ່ມາ: https://thanhnien.vn/viet-nam-hoan-nghenh-my-dua-cuba-ra-khoi-danh-sach-tai-tro-khung-bo-185250117175031232.htm