USAID ຍາມໃດກໍ່ໃຫ້ບຸລິມະສິດການພົວພັນກັບຫວຽດນາມ

(VOVWORLD) - ທີ່ການເຮັດວຽກກັບທ່ານລັດຖະມົນຕີການຕ່າງປະເທດ ບຸ່ຍແທງເຊີນ, ຜູ້ອຳນວຍການໃຫຍ່ອົງການພັດທະນາສາກົນ ອາເມລິກາ (USAID) Samantha Power ໃຫ້ຮູ້ວ່າ, USAID ຍາມໃດກໍ່ໃຫ້ບຸລິມະສິດການພົວພັນກັບ ຫວຽດນາມ ແລະ ຢືນຢັນວ່າ USAID ຈະສືບຕໍ່ມານະພະຍາຍາມປະຕິບັດຂອບການຮ່ວມມືຍຸດທະສາດຮອບດ້ານ ແລະ ຂໍ້ຕົກລົງລະຫວ່າງການນຳຂັ້ນສູງ 2 ປະເທດ.

ທ່ານລັດຖະມົນຕີວ່າການກະຊວງການຕ່າງປະເທດ Bui Thanh Son ແລະ ຜູ້ບໍລິຫານອົງການເພື່ອການພັດທະນາສາກົນຂອງອາເມລິກາ Samantha Power.

ກປ.ອອນໄລ - ຕອນບ່າຍວັນທີ 25 ມີນາ, ຢູ່ ວໍຊິງຕັນ ດີຊີ, ໃນຂອບເຂດການຢ້ຽມຢາມ ອາເມລິກາ ຢ່າງເປັນທາງການ ແລະເປັນປະທານຮ່ວມກອງປະຊຸມລັດຖະມົນຕີການຕ່າງປະເທດຫວຽດນາມ - ອາເມລິກາ ຄັ້ງທໍາອິດ, ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ໄດ້ໃຫ້ການຕ້ອນຮັບທ່ານນາງ Samantha Power ຜູ້ອໍານວຍການໃຫຍ່ອົງການພັດທະນາສາກົນຂອງສະຫະລັດອາເມລິກາ (USAID) ຢູ່ສໍານັກງານໃຫຍ່ USAID.

ທ່ານນາງ Samantha Power ໄດ້ຕ້ອນຮັບທ່ານລັດຖະມົນຕີ Bui Thanh Son ມາຢ້ຽມຢາມ ອາເມລິກາ ແລະ ເປັນປະທານຮ່ວມການເຈລະຈາຄັ້ງທຳອິດ ຫວຽດນາມ - ອາເມລິກາ. ຊົມເຊີຍທ່ານລັດຖະມົນຕີ Bui Thanh Son ມາເຮັດວຽກຢູ່ສໍານັກງານໃຫຍ່ USAID, ທ່ານນາງ Samantha Power ສະແດງຄວາມປິຕິຊົມຊື່ນຕໍ່ບັນດາໝາກຜົນທີ່ສອງຝ່າຍບັນລຸໄດ້ໃນການປະຕິບັດການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອາເມລິກາ. ທ່ານນາງ Power ໃຫ້ຮູ້ວ່າ: USAID ຍາມໃດກໍ່ໃຫ້ບຸລິມະສິດການພົວພັນກັບ ຫວຽດນາມ ແລະ ຢືນຢັນ USAID ສືບຕໍ່ມານະພະຍາຍາມປະຕິບັດຂອບເຂດການພົວພັນຄູ່ຮ່ວມມືຍຸດທະສາດຮອບດ້ານ ແລະ ບັນດາຂໍ້ຕົກລົງລະຫວ່າງການນຳຂັ້ນສູງ 2 ປະເທດ.

ທ່ານລັດຖະມົນຕີ Bui Thanh Son ໄດ້ສະແດງຄວາມຍິນດີທີ່ໄດ້ມີການພົບປະກັບທ່ານນາງ Samantha Power ຜູ້ອຳນວຍການໃຫຍ່ Samantha Power ພາຍຫຼັງການຢ້ຽມຢາມ ຫວຽດນາມ ໃນເດືອນ 3/2023. ຫວນຄືນມູນເຊື້ອຂອງ USAID ກັບ ຫວຽດນາມ ໃນຂົງເຂດແກ້ໄຂຜົນຮ້າຍຢ້ອນຫຼັງຈາກສົງຄາມ, ໜູນຊ່ວຍຄົນພິການ, ການສຶກສາ ແລະ ບຳລຸງສ້າງ, ສາທາລະນະສຸກ ແລະ ອື່ນໆ, ທ່ານລັດຖະມົນຕີ ຕີລາຄາສູງການໜູນຊ່ວຍຂອງ USAID ສຳລັບ ຫວຽດນາມ ແລະ ເຊື່ອໝັ້ນວ່າ ຫວຽດນາມ ຈະສືບຕໍ່ເປັນຄູ່ຮ່ວມມືຢ່າງມີປະສິດທິຜົນຂອງ USAID.

ທ່ານລັດຖະມົນຕີ Bui Thanh Son ສະເໜີ USAID ສືບຕໍ່ຈັດສັນແຫຼ່ງກຳລັງເພື່ອປະຕິບັດບັນດາໂຄງການອະນາໄມສະໜາມບິນ ບຽນຮວ່າ, ຄົ້ນຫາທະຫານຫາຍສາບສູນ, ປັບປຸງຄວາມສາມາດກວດຫາ DNA, ໜູນຊ່ວຍຄົນພິການ ແລະ ຜູ້ຖືກເຄາະຮ້າຍຈາກສົງຄາມ ແລະ ອື່ນໆ, ພ້ອມທັງຄົ້ນຄວ້າບັນດາໂຄງການຮ່ວມມືໃໝ່ຄື: ບຳລຸງສ້າງແຫຼ່ງຊັບພະຍາກອນມະນຸດຄຸນນະພາບສູງ, ຮັບມືກັບການປ່ຽນແປງຂອງດິນຟ້າອາກາດ, ການຫັນປ່ຽນພະລັງງານ, ຜັນຂະຫຍາຍມະຫາວິທະຍາໄລ Fulbright ກາຍເປັນສູນຝຶກຊ້ອມພາກພື້ນ ແລະ ອື່ນໆ.

ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ເຮັດວຽກກັບຜູ້ບໍລິຫານອົງການພັດທະນາສາກົນຂອງອາເມລິກາ Samantha Power.

ທ່ານນາງ Samantha Power ແບ່ງປັນກ່ຽວກັບການເຄື່ອນໄຫວຂອງບັນດາໂຄງການ USAID ຢູ່ ຫວຽດນາມ, ຖືວ່າ USAID ຈະສືບຕໍ່ສຸມໃສ່ຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມ, ເປັນຕົ້ນແມ່ນການແກ້ໄຂ dioxin ຢູ່ສະໜາມບິນ Bien Hoa, ປັບປຸງຄວາມສາມາດກວດຫາ DNA ໃຫ້ແກ່ນັກວິທະຍາສາດຫວຽດນາມ ຄົ້ນຫາ ແລະ ຢັ້ງຢືນຊາກສົບຂອງທະຫານຫວຽດນາມ ທີ່ເສຍສະຫຼະຊີວິດໃນສົງຄາມ, ປັບປຸງສຸຂະພາບ, ຮັບໃຊ້ສັງຄົມເພື່ອພັດທະນາຄຸນນະພາບຊີວິດຂອງຄົນພິການ, ໜູນຊ່ວຍຫວຽດນາມ ການພັດທະນາແຫຼ່ງ, ການພັດທະນາພື້ນຖານໂຄງລ່າງດ້ານສຸຂະພາບ, ແລະການຕອບສະຫນອງພະຍາດ ....

2 ຝ່າຍເຫັນດີເປັນເອກະສັນສືບຕໍ່ສົມທົບກັນຢ່າງແໜ້ນແຟ້ນໃນການອະນຸມັດ ແລະ ຜັນຂະຫຍາຍບັນດາໂຄງການ USAID ຢູ່ ຫວຽດນາມ ຢ່າງມີປະສິດທິຜົນ, ປະກອບສ່ວນຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອາເມລິກາ ສືບຕໍ່ພັດທະນາຢ່າງແຮງ, ເລິກເຊິ່ງ ແລະ ແທດຈິງໃນທຸກຂົງເຂດ./.

Minh Anh - ປະຕູພັກກອມມູນິດຫວຽດນາມ

ທີ່ມາ