Uniqlo ພ້ອມກັບວິສາຫະກິດຫວຽດນາມ ເພື່ອປັບປຸງຄວາມສາມາດຜະລິດເຄື່ອງຕ່ຳແຜ່ນຕັດຫຍິບ

ວັນທີ 24 ມິຖຸນາ 2024, ຂໍ້ມູນຈາກກົມຕະຫຼາດເອີຣົບ - ອາເມລິກາ (ກະຊວງອຸດສາຫະກຳ ແລະ ການຄ້າ) ໃຫ້ຮູ້ວ່າ: ໃນລະຫວ່າງວັນທີ 21 – 23 ມິຖຸນາ 2024, ໃນໄລຍະເຮັດວຽກຢູ່ຍີ່ປຸ່ນ, ທ່ານ ຟານທິແທ່ງ, ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ໄດ້ມີກອງປະຊຸມເຮັດວຽກກັບ ທ່ານ Noriaki Koyanma, CEO ແລະ ຮອງປະທານສະພາບໍລິຫານກຸ່ມ Fast Retails ຂອງຍີ່ປຸ່ນ.

ທີ່ການພົບປະ, ທ່ານ Noriaki Koyanma, ຕາງໜ້າກຸ່ມບໍລິສັດ Fast Retailing ໄດ້ລາຍງານສະພາບການດຳເນີນທຸລະກິດຂອງ Uniqlo ຢູ່ ຫວຽດນາມ ໃນໄລຍະມໍ່ໆມານີ້ ແລະ ແຜນການລົງທຶນ ແລະ ການພັດທະນາຂອງກຸ່ມບໍລິສັດຢູ່ ຫວຽດນາມ ໃນໄລຍະຈະມາເຖິງ.

Uniqlo đồng hành cùng doanh nghiệp Việt, nâng cao năng lực sản xuất ngành dệt may

ຫວ່າງມໍ່ໆນີ້, ທ່ານຮອງລັດຖະມົນຕີກະຊວງອຸດສາຫະກຳ ແລະ ການຄ້າ Phan Thi Thang ໄດ້ມີການພົບປະເຈລະຈາກັບທ່ານ Noriaki Koyanma - ຊີອີໂອ ແລະ ຮອງປະທານສະພາບໍລິຫານກຸ່ມບໍລິສັດຂາຍຍ່ອຍດ່ວນທີ່ສຳນັກງານໃຫຍ່ Fast Retailing Japan.

ທ່ານ Noriaki Koyanma ໃຫ້ຮູ້ວ່າ: ນັບແຕ່ເຂົ້າມາຫວຽດນາມ ໃນປີ 2019, Fast Retailing ໄດ້ຮັກສາຫຼັກໝັ້ນເບື້ອງຕົ້ນເພື່ອພັດທະນາລະບົບຢູ່ຫວຽດນາມ ຄຽງຄູ່ກັບການເພີ່ມທະວີການຜະລິດ ແລະ ພັດທະນາແຫຼ່ງຊັບພະຍາກອນມະນຸດພາຍໃນປະເທດ. ພິເສດ, ນັບແຕ່ປີ 2018 ເປັນຕົ້ນມາ, Fast Retailing ໄດ້ສ້າງຕັ້ງກອງທຶນຊ່ວຍເຫຼືອດ້ານການຄົ້ນຄວ້າ, ພັດທະນາເຕັກໂນໂລຢີ, ພັດທະນາຊັບພະຍາກອນມະນຸດ ແລະ ຊ່ວຍເຫຼືອຜູ້ດ້ອຍໂອກາດໃນສັງຄົມ. ນັບແຕ່ປີ 2022, ນັກສຶກສາຫວຽດນາມຫຼາຍຄົນໄດ້ຮັບທຶນສຶກສາ ແລະ ຝຶກອົບຮົມຢູ່ ຍີ່ປຸ່ນ ຈາກກອງທຶນນີ້.

ທີ່ການພົບປະ, ທ່ານຮອງລັດຖະມົນຕີ Phan Thi Thang ໄດ້ຕີລາຄາສູງບັນດາການປະກອບສ່ວນ ແລະ ຄວາມມານະພະຍາຍາມຂອງ Uniqlo ຢູ່ ຫວຽດນາມ ໃນ 5 ປີຜ່ານມາ. ກຸ່ມບໍລິສັດໄດ້ປະຕິບັດຄຳໝັ້ນສັນຍາເປັນຢ່າງດີ, ສ້າງເງື່ອນໄຂສະດວກໃຫ້ບັນດາວິສາຫະກິດ ຫວຽດນາມ.

ທ່ານຮອງລັດຖະມົນຕີ Phan Thi Thang ປາດຖະໜາວ່າ ໃນໄລຍະຈະມາເຖິງ, Uniqlo ສືບຕໍ່ພ້ອມກັບບັນດາວິສາຫະກິດຂະໜາດກາງ ແລະ ນ້ອຍ ຫວຽດນາມ ໃນການປັບປຸງກຳລັງການຜະລິດ ແລະ ກຳນົດທິດພັດທະນາຜະລິດຕະພັນຕາມມາດຖານຂອງ Uniqlo ເວົ້າສະເພາະ ແລະ ບັນດາຂະແໜງການຕຳ່ແຜ່ນຕັດຫຍິບຂອງໂລກເວົ້າລວມ.

ພ້ອມກັນນັ້ນ, ທ່ານຮອງລັດຖະມົນຕີ Phan Thi Thang ປາດຖະໜາວ່າ Uniqlo ຄວນສົມທົບຢ່າງແໜ້ນແຟ້ນກັບກະຊວງອຸດສາຫະກຳ ແລະ ການຄ້າ ໃນໄລຍະຈະມາເຖິງ ເພື່ອສົມທົບກັນຄົ້ນຄ້ວາ ແລະ ຊອກຫາວິທີແກ້ໄຂເພື່ອຊຸກຍູ້ຂະແໜງການແຟຊັ່ນ ຫວຽດນາມ.

ສິ້ນສຸດການພົບປະ, ສອງຝ່າຍເຫັນດີຈະສືບຕໍ່ປຶກສາຫາລືລະອຽດກ່ຽວກັບຄວາມເປັນໄປໄດ້ຂອງການຮ່ວມມືລະຫວ່າງກະຊວງອຸດສາຫະກຳ ແລະ ການຄ້າ ແລະ ກຸ່ມບໍລິສັດຂາຍຍ່ອຍໄວ ກໍ່ຄື Uniqlo ໃນໄລຍະຈະມາເຖິງ ເພື່ອພັດທະນາອຸດສາຫະກຳຕັດຫຍິບຫວຽດນາມ ໃຫ້ແທດເໝາະກັບຄວາມຮຽກຮ້ອງຕ້ອງການ ແລະ ມາດຕະຖານບໍ່ພຽງແຕ່ຢູ່ Uniqlo ເທົ່ານັ້ນ ຫາກຍັງທົ່ວໂລກອີກດ້ວຍ.

ທີ່ມາ: https://congthuong.vn/uniqlo-dong-hanh-cung-doanh-nghiep-viet-nang-cao-nang-luc-san-xuat-nganh-det-may-327903.html