ຖະແຫຼງການກ່ຽວກັບການເພີ່ມທະວີການພົວພັນຄູ່ຮ່ວມມືລະຫວ່າງຫວຽດນາມ ແລະ ສະຫະພັນສະວິດ

ຫວຽດນາມ ແລະ ສະວິດ ໄດ້ເຫັນດີເປັນເອກະສັນກັນຍົກສູງການພົວພັນລະຫວ່າງສອງປະເທດຂຶ້ນສູ່ຂອບເຂດການພົວພັນຄູ່ຮ່ວມມືຮອບດ້ານ, ສະແດງໃຫ້ເຫັນບັນດາບຸລິມະສິດຮ່ວມມືໃນປະຈຸບັນ.

ທ່ານນາຍົກລັດຖະມົນຕີ Pham Minh Chinh ໄດ້ມີການເຈລະຈາກັບທ່ານປະທານສະຫະພັນສະວິດ Karin Keller-Sutter. (ພາບ: ເຢືອງ/VNA)

ເນື່ອງໃນໂອກາດເຂົ້າຮ່ວມກອງປະຊຸມປະຈຳປີຄັ້ງທີ 55 ຂອງເວທີປາໄສເສດຖະກິດໂລກ (WEF) ຢູ່ Davos, ວັນທີ 21 ມັງກອນ 2025, ທ່ານນາຍົກລັດຖະມົນຕີ ແຫ່ງສາທາລະນະລັດ ສັງຄົມນິຍົມ ຫວຽດນາມ ຟ້າມມີງຈີງ ໄດ້ເຈລະຈາກັບທ່ານ Karin Keller-Sutter ປະທານສະຫະພັນສະຫະພັນສະວິດ.

ການນຳສອງທ່ານໄດ້ແລກປ່ຽນກ່ຽວກັບການພົວພັນລະຫວ່າງສອງປະເທດ, ສະພາບການຢູ່ແຕ່ລະປະເທດ ແລະ ບັນດາບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ, ເນັ້ນໜັກເຖິງຄວາມສຳຄັນຂອງການສົນທະນາ ແລະ ການຮ່ວມມືບົນຈິດໃຈມິດຕະພາບ ແລະ ຄວາມເຄົາລົບເຊິ່ງກັນ ແລະ ກັນ.

ທ່ານປະທານປະເທດ Karin Keller-Sutter ໄດ້ຕີລາຄາສູງບົດບາດນັບມື້ນັບໃຫຍ່ຂອງຫວຽດນາມ ໃນຖານະເປັນຄູ່ຮ່ວມມືພາກພື້ນສຳຄັນຂອງສະວິດ.

ທ່ານນາຍົກລັດຖະມົນຕີ ຟ້າມບິ່ງມິງ ເນັ້ນໜັກເຖິງຄວາມສຳຄັນຂອງການພົວພັນມິດຕະພາບ ແລະ ການຮ່ວມມືຫຼາຍດ້ານກັບ ສະວິດ. 2 ຝ່າຍເຫັນດີເປັນເອກະສັນກັນຍົກສູງການພົວພັນລະຫວ່າງສອງປະເທດຂຶ້ນສູ່ຂອບເຂດການພົວພັນຄູ່ຮ່ວມມືຮອບດ້ານ, ສະແດງໃຫ້ເຫັນບັນດາບຸລິມະສິດຮ່ວມມືໃນປະຈຸບັນ.

ແບ່ງປັນຄວາມຮັບຮູ້ກ່ຽວກັບບົດບາດໃຈກາງຂອງການຮ່ວມມືດ້ານເສດຖະກິດໃນການພົວພັນສອງຝ່າຍ, ການນຳ 2 ປະເທດໄດ້ເນັ້ນໜັກເຖິງຄວາມສາມາດບົ່ມຊ້ອນເພື່ອເພີ່ມທະວີການຮ່ວມມືດ້ານເສດຖະກິດ, ຂຸດຄົ້ນບັນດາກາລະໂອກາດໃໝ່ເພື່ອແນໃສ່ຍູ້ແຮງການສົມທົບກັນລະຫວ່າງ 2 ພື້ນຖານເສດຖະກິດຢ່າງມີປະສິດທິຜົນ.

2 ຝ່າຍເຫັນດີເພີ່ມທະວີຄວາມມານະພະຍາຍາມ ແລະ ດຳເນີນບັນດາບາດກ້າວຢ່າງແທດຈິງເພື່ອສິ້ນສຸດການເຈລະຈາສັນຍາການຄ້າເສລີລະຫວ່າງ ຫວຽດນາມ ແລະ ສະມາຄົມການຄ້າເສລີເອີລົບ (EFTA).

ທ່ານປະທານາທິບໍດີ Karin Keller-Sutter ໃຫ້ຮູ້ວ່າ, ສະວິດ ສືບຕໍ່ສະໜັບສະໜູນ ຫວຽດນາມ ຜ່ານໂຄງການຮ່ວມມືພັດທະນາ 2025 – 2028 ພາຍໃຕ້ການໜູນຊ່ວຍຂອງຄະນະເລຂາລັດຖະບານກາງ Switzerland, ໃຫ້ຄຳໝັ້ນສັນຍາໜູນຊ່ວຍ ຫວຽດນາມ ບັນລຸເປົ້າໝາຍກາຍເປັນພື້ນຖານເສດຖະກິດລາຍຮັບສູງແບບຍືນຍົງ ແລະ ກຸ້ມຕົນເອງ.

2 ຝ່າຍເຫັນດີເປັນເອກະສັນເພີ່ມທະວີການເຈລະຈາ ແລະ ການຮ່ວມມືໃນບັນດາຂົງເຂດທີ່ຕ່າງຝ່າຍຕ່າງມີຄວາມສົນໃຈຄືຫົວຄິດປະດິດສ້າງ, ການເງິນສີຂຽວ, ຊັບສິນທາງປັນຍາ, ແລກປ່ຽນບົດຮຽນໃນການກໍ່ສ້າງ ແລະ ພັດທະນາສູນການເງິນສາກົນຢູ່ຫວຽດນາມ.

ຮັບຮູ້ບັນດາຜົນປະໂຫຍດຂອງການຮ່ວມມືດ້ານການສຶກສາ ແລະ ວັດທະນະທຳ, ສອງຝ່າຍເຫັນດີສືບຕໍ່ຄົ້ນຄວ້າທ່າແຮງບົ່ມຊ້ອນເພື່ອຜັນຂະຫຍາຍບັນດາຂໍ້ລິເລີ່ມຮ່ວມມືດ້ານການສຶກສາ, ໂຄງການຝຶກອົບຮົມ ແລະ ການຮ່ວມມືດ້ານການທ່ອງທ່ຽວ. 2 ຝ່າຍກໍ່ເຫັນດີກຳນົດນະວັດຕະກຳ, ວິທະຍາສາດ ແລະ ເຕັກໂນໂລຢີ ແລະ ແບ່ງປັນຄວາມຮູ້ເປັນຂົງເຂດບຸລິມະສິດໃຫ້ແກ່ການຮ່ວມມືລະຫວ່າງສອງປະເທດຢ່າງກວ້າງຂວາງໃນໄລຍະຈະມາເຖິງ.

2 ຝ່າຍຢືນຢັນວ່າ, ການພົບປະແລກປ່ຽນປະຊາຊົນ ແລະ ປະຊາຄົມຊາວຫວຽດນາມ ແລະ ສະວິດ ດຳລົງຊີວິດຢູ່ແຕ່ລະປະເທດຖືເປັນສຳຄັນການຊຸກຍູ້ຄວາມເຂົ້າໃຈເຊິ່ງກັນ ແລະ ກັນ ແລະ ສ້າງຂົວຕໍ່ລະຫວ່າງ 2 ປະເທດ.

ສອງຝ່າຍໄດ້ຮັບຮູ້ບັນດາກາລະໂອກາດຊຸກຍູ້ການປະດິດສ້າງ, ການຮ່ວມມືດ້ານວິທະຍາສາດ ແລະ ເຕັກໂນໂລຊີ, ໃນນັ້ນມີການພົວພັນຄູ່ຮ່ວມມືລະຫວ່າງບັນດາສະຖາບັນຄົ້ນຄວ້າ ແລະ ບັນດາຂໍ້ລິເລີ່ມຮ່ວມເພື່ອໜູນຊ່ວຍການພັດທະນາວິທະຍາສາດ, ເຊັ່ນ: ຂໍ້ລິເລີ່ມສະໜອງທຶນສົມທົບກັບບັນດາການເຄື່ອນໄຫວຄົ້ນຄວ້າວິທະຍາສາດຜ່ານມູນນິທິວິທະຍາສາດແຫ່ງຊາດ Swiss National Science and Technology Foundation (NAFOSTED).

ສອງຝ່າຍຍັງໄດ້ແລກປ່ຽນຄວາມຄິດຄວາມເຫັນກ່ຽວກັບການເພີ່ມທະວີຄວາມມານະພະຍາຍາມແກ້ໄຂສິ່ງທ້າທາຍດ້ານສິ່ງແວດລ້ອມ ແລະ ຊຸກຍູ້ການທົນທານຕໍ່ດິນຟ້າອາກາດ, ສອດຄ່ອງກັບສັນຍາປາຣີ.

ສອງຝ່າຍຢືນຢັນຄືນໃໝ່ຄວາມສຳຄັນຂອງການຮ່ວມມືຢູ່ບັນດາເວທີປາໄສຫຼາຍຝ່າຍ ແລະ ປະກອບສ່ວນເຂົ້າໃນຄວາມວັດທະນາຖາວອນ ແລະ ສະຖຽນລະພາບຢູ່ພາກພື້ນ ແລະ ໂລກ, ພ້ອມທັງເພີ່ມທະວີຄວາມມານະພະຍາຍາມແກ້ໄຂບັນດາສິ່ງທ້າທາຍທົ່ວໂລກ, ໃນນັ້ນມີການປົກປ້ອງສິ່ງແວດລ້ອມ, ຮັບມືກັບການປ່ຽນແປງຂອງດິນຟ້າອາກາດ ແລະ ຄວາມໝັ້ນຄົງທາງນ້ຳ.

2 ຝ່າຍສະແດງຄວາມສະໜັບສະໜູນລັດທິຫຼາຍຝ່າຍ ແລະ ຄວາມເປັນລະບຽບຮຽບຮ້ອຍຂອງໂລກບົນພື້ນຖານກົດໝາຍສາກົນ ແລະ ຫຼັກການພື້ນຖານຂອງກົດບັດສະຫະປະຊາຊາດ. 2 ຝ່າຍຢືນຢັນຄືນຄວາມສຳຄັນຂອງການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພ, ຄວາມເສລີໃນການເດີນທະເລ ແລະ ການບິນຢູ່ທະເລຕາເວັນອອກ ແລະ ການແກ້ໄຂການພິພາດໂດຍສັນຕິວິທີ ຕາມກົດໝາຍສາກົນ, ພິເສດແມ່ນສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS 1982).

2 ຝ່າຍເຊື່ອໝັ້ນໃນອະນາຄົດຂອງການພົວພັນຫວຽດນາມ - ສະວິດ ແລະ ປາດຖະໜາວ່າຈະຮ່ວມມືຢ່າງແໜ້ນແຟ້ນກ່ວາອີກ ເພື່ອແນໃສ່ຊຸກຍູ້ບັນດາຜົນປະໂຫຍດລວມຂອງ 2 ປະເທດ./.

ທີ່ມາ