ແມ່ນໜ້າທີ່ໃໝ່ໃນປະຫວັດສາດຂອງສາຍພົວພັນມິດຕະພາບ ແລະ ການຮ່ວມມືຮອບດ້ານຫວຽດນາມ

ໂດຍໄດ້ຮັບຄຳເຊີນຂອງທ່ານນາຍົກລັດຖະມົນຕີ ຟ້າມບິ່ງມິງ, ທ່ານນາຍົກລັດຖະມົນຕີ ລັດເຊຍ Mikhail Vladimirovich Mishustin ໄດ້ມາຢ້ຽມຢາມຫວຽດນາມ ຢ່າງເປັນທາງການແຕ່ວັນທີ 14 – 15/1. ການຢ້ຽມຢາມໄດ້ດຳເນີນໃນສະພາບການຫວຽດນາມ ແລະ ສະຫະພັນລັດເຊຍ ກະກຽມສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພັນທາງການທູດ (30 ມັງກອນ 1950 – 30 ມັງກອນ 2025), ແມ່ນຂີດໝາຍສຳຄັນໃນການເດີນທາງຂອງຄູ່ຮ່ວມມືພັດທະນາໃນໄລຍະ 70 ປີ.

ການຢ້ຽມຢາມຍັງໄດ້ຢືນຢັນຄຳໝັ້ນສັນຍາອັນແຂງແຮງຂອງການນຳຂັ້ນສູງສອງປະເທດໃນການຮັດແໜ້ນ ແລະ ຊຸກຍູ້ການພົວພັນມິດຕະພາບທີ່ເປັນມູນເຊື້ອ ແລະ ການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ - ສະຫະພັນລັດເຊຍ ໃຫ້ພັດທະນາຢ່າງເລິກເຊິ່ງ, ກ້ວາງຂວາງ ແລະ ມີປະສິດທິຜົນ.

ລັດເຊຍ ແມ່ນໜຶ່ງໃນບັນດາຄູ່ຮ່ວມມືສຳຄັນອັນດັບໜຶ່ງໃນນະໂຍບາຍການຕ່າງປະເທດຂອງຫວຽດນາມ. ພັກ, ລັດ ແລະ ປະຊາຊົນ ຫວຽດນາມ ໄດ້ຕີລາຄາສູງນ້ຳໃຈມິດຕະພາບ ແລະ ຄວາມຈົງຮັກພັກດີ, ແລະ ຕີລາຄາສູງການໜູນຊ່ວຍ ແລະ ການຊ່ວຍເຫຼືອອັນລ້ຳຄ່າທີ່ອະດີດສະຫະພາບ ໂຊວຽດ ແລະ ລັດເຊຍ ໄດ້ມອບໃຫ້ຫວຽດນາມ ໃນປະຈຸບັນ. ໃນຂະນະນັ້ນ, ສຳລັບສະຫະພັນລັດເຊຍ, ຫວຽດນາມ ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈ ແລະ ແມ່ນໜຶ່ງໃນບັນດາບຸລິມະສິດສຳຄັນໃນນະໂຍບາຍການຕ່າງປະເທດຂອງພາກພື້ນ ອາຊີ - ປາຊີຟິກ.

ລັດເຊຍ ແມ່ນໜຶ່ງໃນບັນດາຄູ່ຮ່ວມມືສຳຄັນອັນດັບໜຶ່ງໃນນະໂຍບາຍການຕ່າງປະເທດຂອງຫວຽດນາມ. ພັກ, ລັດ ແລະ ປະຊາຊົນ ຫວຽດນາມ ໄດ້ຕີລາຄາສູງນ້ຳໃຈມິດຕະພາບ ແລະ ຄວາມຈົງຮັກພັກດີ, ແລະ ຕີລາຄາສູງການໜູນຊ່ວຍ ແລະ ການຊ່ວຍເຫຼືອອັນລ້ຳຄ່າເຊິ່ງອະດີດສະຫະພາບ ໂຊວຽດ ແລະ ລັດເຊຍ ໃນປະຈຸບັນໄດ້ມອບໃຫ້ຫວຽດນາມ. ໃນຂະນະນັ້ນ, ສຳລັບສະຫະພັນລັດເຊຍ, ຫວຽດນາມ ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈ ແລະ ແມ່ນໜຶ່ງໃນບັນດາບຸລິມະສິດສຳຄັນໃນນະໂຍບາຍການຕ່າງປະເທດຂອງພາກພື້ນ ອາຊີ - ປາຊີຟິກ.

ໃນຂອບເຂດການຮ່ວມມື 75 ປີແຫ່ງວັນສ້າງຕັ້ງການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ລັດເຊຍ. ວັນທີ 30 ມັງກອນປີ 1950, ສອງປະເທດໄດ້ສ້າງຕັ້ງການພົວພັນທາງການທູດຢ່າງເປັນທາງການ. ສົນທິສັນຍາກ່ຽວກັບຫຼັກການພື້ນຖານການພົວພັນມິດຕະພາບທີ່ເປັນມູນເຊື້ອລະຫວ່າງສາທາລະນະລັດສັງຄົມນິຍົມ ຫວຽດນາມ ແລະ ສະຫະພັນລັດເຊຍ ໄດ້ລົງນາມເມື່ອປີ 1994, ໄດ້ວາງຮາກຖານ ແລະ ກົດໝາຍໃຫ້ແກ່ການພົວພັນລະຫວ່າງສອງປະເທດໃນໄລຍະພັດທະນາໃໝ່. ການນຳສອງປະເທດໄດ້ຍົກລະດັບການພົວພັນເປັນຄູ່ຮ່ວມມືຍຸດທະສາດ ແລະ ການພົວພັນຄູ່ຮ່ວມມືຍຸດທະສາດຮອບດ້ານໃນປີ 2001 ແລະ 2012 ຕາມລຳດັບ, ບັນດາຜົນງານດັ່ງກ່າວແມ່ນໝາກຜົນແຫ່ງຄວາມມານະພະຍາຍາມຂອງການນຳລຸ້ນຕ່າງໆຂອງຫວຽດນາມ ແລະ ສະຫະພັນລັດເຊຍ, ສ້າງພື້ນຖານອັນສຳຄັນໃຫ້ແກ່ການຮ່ວມມືລະຫວ່າງສອງປະເທດໃນໄລຍະຈະມາເຖິງ.

ໃນໄລຍະຜ່ານມາ, ການພົວພັນດ້ານການເມືອງລະຫວ່າງຫວຽດນາມ ແລະ ສະຫະພັນລັດເຊຍ ໄດ້ຮັກສາຄວາມໄວ້ເນື້ອເຊື່ອໃຈໃນລະດັບສູງ ແລະ ໄດ້ຮັບການເພີ່ມທະວີຢ່າງບໍ່ຢຸດຢັ້ງ. ການພົບປະແລກປ່ຽນຄະນະຜູ້ແທນຂັ້ນສູງເປັນປະຈຳໄດ້ສ້າງກຳລັງແຮງໃຫ້ແກ່ການພັດທະນາການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດ.

ໃນການຢ້ຽມຢາມທາງລັດຖະກິດຂອງປະທານາທິບໍດີລັດເຊຍ Vladimir Putin ໃນເດືອນ ມິຖຸນາ 2024, 2 ຝ່າຍໄດ້ອອກຖະແຫຼງການຮ່ວມກ່ຽວກັບການລົງເລິກການພົວພັນຄູ່ຮ່ວມມືຍຸດທະສາດຮອບດ້ານບົນພື້ນຖານ 30 ປີແຫ່ງການປະຕິບັດສົນທິສັນຍາກ່ຽວກັບຫຼັກການພື້ນຖານຂອງການພົວພັນມິດຕະພາບຫວຽດນາມ - ລັດເຊຍ.

ບົນພື້ນຖານຄວາມໄວ້ເນື້ອເຊື່ອໃຈດ້ານການເມືອງສູງ, ການພົວພັນລະຫວ່າງຫວຽດນາມ - ລັດເຊຍ ໄດ້ພັດທະນາຢ່າງຕັ້ງໜ້າໃນຫຼາຍຂົງເຂດ. ພາຍຫຼັງໂລກລະບາດໂຄວິດ-19, ວົງເງິນການຄ້າສອງຝ່າຍຄ່ອຍໆຟື້ນຕົວ, ບັນລຸ 3,63 ຕື້ USD ໃນປີ 2023; ບັນລຸ 4,1 ຕື້ USD ໃນ 11 ເດືອນຂອງປີ 2024, ເພີ່ມຂຶ້ນ 27,4% ເມື່ອທຽບໃສ່ໄລຍະດຽວກັນຂອງປີ 2023.

ກ່ຽວກັບການລົງທຶນ, ມາຮອດຕົ້ນເດືອນພະຈິກ 2024, ລັດເຊຍ ມີ 199 ໂຄງການລົງທຶນຢູ່ ຫວຽດນາມ ດ້ວຍຍອດຈຳນວນທຶນຈົດທະບຽນປະມານ 990 ລ້ານ USD, ຢືນອັນດັບທີ 26 ໃນບັນດາປະເທດ ແລະ ເຂດແຄ້ວນລົງທຶນເຂົ້າ ຫວຽດນາມ. ຄຽງຄູ່ກັນນັ້ນ, ຫວຽດນາມ ມີ 16 ໂຄງການລົງທຶນທີ່ຖືກຕ້ອງຢູ່ ລັດເຊຍ ດ້ວຍຍອດຈຳນວນທຶນຈົດທະບຽນ 1,6 ຕື້ USD, ຢືນອັນດັບທີ 4 ໃນຈຳນວນ 81 ປະເທດ ແລະ ເຂດແຄ້ວນທີ່ ຫວຽດນາມ ໄດ້ລົງທຶນ.

ການສຶກສາແລະການຝຶກອົບຮົມແມ່ນຈຸດທີ່ສົດໃສໃນການຮ່ວມມືລະຫວ່າງສອງປະເທດ. ອະດີດສະຫະພາບໂຊວຽດ ໄດ້ຊ່ວຍຫວຽດນາມ ເຝິກອົບຮົມພະນັກງານ ແລະ ນັກຊ່ຽວຊານທີ່ມີພອນສະຫວັນເກືອບ 40.000 ຄົນໃນຫຼາຍຂົງເຂດ.

ປະຈຸບັນ, ລັດເຊຍ ສືບຕໍ່ໜູນຊ່ວຍ ຫວຽດນາມ ໃນການບຳລຸງສ້າງແຫຼ່ງຊັບພະຍາກອນມະນຸດ. ນັບແຕ່ປີ 2019 ເປັນຕົ້ນມາ, ລັດເຊຍ ໄດ້ເພີ່ມຈຳນວນທຶນສຶກສາໃຫ້ຫວຽດນາມ ເປັນປະມານ 1.000 ຄົນຕໍ່ປີ. ປະຈຸບັນ, ມີນັກສຶກສາຫວຽດນາມ 5.000 ກວ່າຄົນພວມຮ່ຳຮຽນຢູ່ສະຫະພັນລັດເຊຍ. ນອກຈາກນັ້ນ, ປະຊາຄົມຊາວຫວຽດນາມ ປະມານ 60.000 – 80.000 ຄົນ ຢູ່ ລັດເຊຍ ກໍ່ແມ່ນຕົວເຊື່ອມຕໍ່ທີ່ສຳຄັນ, ຊ່ວຍໃຫ້ສາຍພົວພັນມິດຕະພາບອັນແໜ້ນແຟ້ນລະຫວ່າງ 2 ປະເທດ.

ການຮ່ວມມືລະຫວ່າງສອງປະເທດໃນຂົງເຂດວັດທະນະທຳ, ວິທະຍາສາດ ແລະ ເຕັກໂນໂລຢີ... ກໍ່ໄດ້ຮັບການພັດທະນາຢ່າງຕັ້ງໜ້າ. ບັນດາການເຄື່ອນໄຫວແລກປ່ຽນວັດທະນະທຳໄດ້ຮັບການຈັດຕັ້ງເປັນປະຈຳ, ປະກອບສ່ວນເພີ່ມທະວີຄວາມເຂົ້າໃຈ, ມິດຕະພາບລະຫວ່າງປະຊາຊົນຫວຽດນາມ ແລະ ລັດເຊຍ. 2 ຝ່າຍໄດ້ຈັດຕັ້ງບັນດາວັນວັດທະນະທຳ ຫວຽດນາມ ແລະ ລັດເຊຍ ເປັນປະຈຳທຸກປີ.

ພ້ອມກັນນັ້ນ, ການຮ່ວມມືຢູ່ທ້ອງຖິ່ນຍັງສືບຕໍ່ໄດ້ຮັບການຮັກສາ ແລະ ເພີ່ມທະວີການແລກປ່ຽນຄະນະຜູ້ແທນ ແລະ ໄດ້ລົງນາມໃນສັນຍາຮ່ວມມືຫຼາຍສະບັບ. ປະຈຸບັນ, ມີປະມານ 20 ຄູ່ການພົວພັນລະຫວ່າງບັນດາທ້ອງຖິ່ນຂອງສອງປະເທດໄດ້ຮັບການສ້າງຕັ້ງຂຶ້ນ, ພິເສດແມ່ນລະຫວ່າງ ຮ່າໂນ້ຍ, ນະຄອນໂຮ່ຈິມິນ ແລະ ນະຄອນ Moscow, Saint Petersburg.

ການຕ້ອນຮັບທ່ານນາຍົກລັດຖະມົນຕີ ລັດເຊຍ Mikhail Vladimirovich Mishustin ທີ່ມາຢ້ຽມຢາມ ຫວຽດນາມ ຢ່າງເປັນທາງການ ແມ່ນການເຄື່ອນໄຫວຕ່າງປະເທດທີ່ສຳຄັນຂອງພັກ ແລະ ລັດ; ຢືນຢັນແນວທາງການຕ່າງປະເທດທີ່ສອດຄ່ອງຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກແມ່ນເອກະລາດ, ເປັນເຈົ້າຕົນເອງ, ສັນຕິພາບ, ການຮ່ວມມື ແລະ ພັດທະນາ, ການພົວພັນຕ່າງປະເທດທີ່ມີຄວາມຫຼາກຫຼາຍ ແລະ ຫຼາຍຝ່າຍ, ໃນນັ້ນໄດ້ໃຫ້ບຸລິມະສິດໃຫ້ບັນດາປະເທດມີການພົວພັນມິດຕະພາບທີ່ເປັນມູນເຊື້ອ.

ອວຍພອນໃຫ້ການຢ້ຽມຢາມຫວຽດນາມ ຂອງທ່ານນາຍົກລັດຖະມົນຕີ Mikhail Vladimirovich Mishustin ປະສົບຜົນສຳເລັດຢ່າງຈົບງາມ, ປະກອບສ່ວນເປີດໜ້າໃໝ່ໃນປະຫວັດສາດແຫ່ງການພົວພັນຮ່ວມມືຮອບດ້ານ ແລະ ມິດຕະພາບອັນແໜ້ນແຟ້ນລະຫວ່າງ ຫວຽດນາມ ແລະ ສະຫະພັນລັດເຊຍ.

Nhandan.vn

ທີ່ມາ: https://nhandan.vn/trang-su-moi-cua-quan-he-huu-nghi-hop-tac-toan-dien-ben-chat-viet-nam-lien-bang-nga-post855872.html