ນະຄອນໂຮ່ຈິມິນສະເໜີເພີ່ມທະວີບັນດາມາດຕະການສະກັດກັ້ນການນຳໃຊ້ຢາເສບຕິດ

ຄະນະກຳມະການປະຊາຊົນນະຄອນໂຮ່ຈິມິນ ຫາກໍ່ສົ່ງບົດລາຍງານໃຫ້ກະຊວງຕຳຫຼວດ ກ່ຽວກັບໝາກຜົນຂອງວຽກງານປ້ອງກັນ, ຕ້ານຢາເສບຕິດໃນນະຄອນແຕ່ປີ 2021 ຮອດປະຈຸບັນ.

ຄະນະກຳມະການປະຊາຊົນນະຄອນ ໂຮ່ຈີມິນ ສະເໜີໃຫ້ກະຊວງອຸດສາຫະກຳ ແລະ ການຄ້າ ແບ່ງປັນຂໍ້ມູນການອອກໃບອະນຸຍາດສົ່ງອອກ ແລະ ນຳເຂົ້າບັນດາອົງການ, ບຸກຄົນທີ່ມີສຳນັກງານໃຫຍ່ຢູ່ນະຄອນ ໂຮ່ຈີມິນ ເພື່ອໃຫ້ພະແນກອຸດສາຫະກຳ ແລະ ການຄ້ານະຄອນ ໂຮ່ຈີມິນ ສົມທົບກັນຄວບຄຸມບັນດາການເຄື່ອນໄຫວທາງດ້ານກົດໝາຍທີ່ກ່ຽວຂ້ອງເຖິງຢາເສບຕິດ.

ພ້ອມກັນນັ້ນ, ກໍສະເໜີໃຫ້ກະຊວງປ້ອງກັນຄວາມສະຫງົບສົມທົບກັບບັນດາກະຊວງ, ຂະແໜງການ ເພື່ອຊີ້ນຳສະເພາະກ່ຽວກັບມາດຕະການ “ຄວບຄຸມການໂອນສິນຄ້າ”; ສືບຕໍ່ສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງ ເພື່ອສະເໜີເພີ່ມເຂົ້າໃນບັນຊີລາຍການຢາເສບຕິດໃຫ້ທັນເວລາ.

ນອກຈາກນັ້ນ, ຍັງໄດ້ສະເໜີໃຫ້ກະຊວງແຮງງານ, ທະຫານເສຍອົງຄະ ແລະ ສັງຄົມ ຄົ້ນຄວ້າ ແລະ ສະເໜີມອບໜ້າທີ່ໃຫ້ບັນດາສະຖານທີ່ຟື້ນຟູຜູ້ຕິດຢາເສບຕິດຂອງລັດ ເພື່ອສະໜອງການບໍລິການຟື້ນຟູຜູ້ຕິດຢາເສບຕິດແບບສະໝັກໃຈຢູ່ບ້ານ ແລະ ຊຸມຊົນ. ດ້ວຍເຫດນີ້, ໄດ້ຈຳກັດຄ່າໃຊ້ຈ່າຍດ້ານສິ່ງອຳນວຍຄວາມສະດວກ, ອຸປະກອນ, ບຸກຄະລາກອນ, ໂດຍສະເພາະແມ່ນຮັບປະກັນຄວາມຊຳນານໃນວຽກງານບຳບັດ ແລະ ຄຸ້ມຄອງຜູ້ຕິດຢາເສບຕິດ ເພື່ອຮັບປະກັນຄວາມປອດໄພ ແລະ ຄວາມເປັນລະບຽບຮຽບຮ້ອຍ.

ດົງເຊີນ

ທີ່ມາ