ປະທານາທິບໍດີ Biden ບໍ່ຢາກໃຫ້ການແຂ່ງຂັນອາເມລິກາກັບຈີນພາໃຫ້ເກີດການປະທະກັນ, ປັກກິ່ງມຸ່ງໄປເຖິງການຢູ່ຮ່ວມກັນໂດຍສັນຕິໃນໄລຍະຍາວນານ.

ການພົບປະລະຫວ່າງຜູ້ນຳຂອງສອງປະເທດເສດຖະກິດຊັ້ນນໍາຂອງໂລກມີຂຶ້ນສອງເດືອນກ່ອນທີ່ທ່ານ Trump ຈະຂຶ້ນຮັບຕຳແໜ່ງໃນເດືອນມັງກອນປີໜ້າ.

Tổng thống Mỹ Joe Biden và Chủ tịch Trung Quốc Tập Cận Bình trong cuộc gặp tại Lima, Peru, ngày 16/11. (Nguồn: AP)

ທ່ານໂຈ ໄບເດັນ ປະທານາທິບໍດີອາເມລິກາແລະທ່ານສີຈິ້ນຜິງ ປະທານປະເທດຈີນໄດ້ພົບປະກັນຢູ່ນະຄອນຫຼວງລີມາປະເທດເປຣູໃນວັນທີ 16 ພະຈິກນີ້. (ທີ່ມາ: AP)

ໃນການພົບປະກັບທ່ານສີຈິ້ນຜິງ ປະທານປະເທດຈີນໃນວັນທີ 16 ພະຈິກນີ້, ທ່ານໂຈ ໄບເດັນ ປະທານາທິບໍດີອາເມລິກາກ່າວວ່າ, ການແຂ່ງຂັນລະຫວ່າງສອງປະເທດບໍ່ຄວນນຳໄປສູ່ການປະທະກັນ.

ກ່າວຄຳເຫັນກັບຜູ້ນຳຈີນຢູ່ນອກເວທີປາໄສການຮ່ວມມືເສດຖະກິດອາຊີ - ປາຊີຟິກ (APEC) ທີ່ນະຄອນຫຼວງ Lima ປະເທດເປຣູ, ເຊື່ອວ່າຈະເປັນການພົບປະຄັ້ງສຸດທ້າຍກ່ອນທ່ານ Donald Trump ກັບຄືນໄປທຳນຽບຂາວ, ທ່ານປະທານາທິບໍດີ Biden ເນັ້ນໜັກວ່າ: “ສອງປະເທດຂອງພວກເຮົາບໍ່ສາມາດປ່ອຍໃຫ້ການແຂ່ງຂັນໃດໆ ກາຍເປັນຄວາມຂັດແຍ່ງກັນໄດ້.

ໃນຂະນະນັ້ນ, ທ່ານສີຈິ້ນຜິງກ່າວວ່າ, ຈີນຈະພະຍາຍາມຫັນການພົວພັນກັບອາເມລິກາຢ່າງຄ່ອງແຄ້ວ, ແລະກ່າວເນັ້ນວ່າ, ສອງປະເທດຄວນສືບຕໍ່ຊອກຫາວິທີທີ່ຖືກຕ້ອງເພື່ອຮັກສາການພົວພັນແລະບັນລຸການຢູ່ຮ່ວມກັນໂດຍສັນຕິໃນໄລຍະຍາວ.

ການພົບປະລະຫວ່າງຜູ້ນຳຂອງ 2 ປະເທດເສດຖະກິດໃຫຍ່ທີ່ສຸດໃນໂລກ ມີຂຶ້ນສອງເດືອນກ່ອນທີ່ ທ່ານ Trump ຈະເຂົ້າຮັບຕຳແໜ່ງໃນເດືອນມັງກອນປີໜ້າ ທ່າມກາງຄວາມເປັນຫ່ວງກ່ຽວກັບສົງຄາມການຄ້າໃໝ່ ແລະ ຄວາມວຸ້ນວາຍທາງດ້ານການທູດ.

ໃນໄລຍະທີ່ທ່ານດຳລົງຕຳແໜ່ງທຳນຽບຂາວເປັນເວລາທຳອິດ, ທ່ານ Trump ໄດ້ດຳເນີນສົງຄາມການຄ້າຢ່າງຮຸນແຮງກັບຈີນ, ໄດ້ວາງອັດຕາພາສີຕໍ່ສິນຄ້ານຳເຂົ້າຈາກປະເທດອາຊີຕາເວັນອອກສຽງເໜືອທີ່ມີມູນຄ່າຫຼາຍຕື້ໂດລາ ແລະປະເຊີນໜ້າກັບການຕອບໂຕ້ຈາກປັກກິ່ງ.

ທ່ານໄດ້ຮັກສາທ່າທີດຽວກັນໃນການໂຄສະນາຫາສຽງເລືອກຕັ້ງປີນີ້.

ຢູ່ທີ່ການເຈລະຈາຂອງຝ່າຍອາເມລິກາ ມີລັດຖະມົນຕີການຕ່າງປະເທດ Antony Blinken ແລະ ທີ່ປຶກສາຄວາມໝັ້ນຄົງແຫ່ງຊາດ Jake Sullivan ພ້ອມດ້ວຍເຈົ້າໜ້າທີ່ອື່ນໆ.

ຄະນະຜູ້ແທນຈີນລວມມີຄະນະປະຈຳກົມການເມືອງ, ເລຂາທິການໃຫຍ່, ຫົວໜ້າຫ້ອງວ່າການສູນກາງພັກກອມມູນິດຈີນ Cai Qi, ລັດຖະມົນຕີວ່າການກະຊວງການຕ່າງປະເທດຈີນ Wang Yi ແລະ ທ່ານລັດຖະມົນຕີກະຊວງການຄ້າ Wang Wentao.

ທີ່ມາ: https://baoquocte.vn/tong-thong-biden-khong-muon-canh-tranh-my-trung-dan-den-xung-dot-bac-kinh-huong-toi-su-chung-song-hoa-binh-lau-dai-294035.html