ເລຂາທິການໃຫຍ່ To Lam ຕ້ອນຮັບປະທານກຸ່ມ SK

(NLDO) - ທ່ານເລຂາທິການໃຫຍ່ To Lam ໄດ້ຕີລາຄາສູງແຜນການຜັນຂະຫຍາຍບັນດາໂຄງການໃໝ່ຂອງກຸ່ມ SK ຢູ່ ຫວຽດນາມ ຕາມທິດພັດທະນາເສດຖະກິດ - ສັງຄົມ.

ຕອນບ່າຍວັນທີ 14/02, ຢູ່ສຳນັກງານສູນກາງພັກ, ທ່ານເລຂາທິການໃຫຍ່ To Lam ໄດ້ໃຫ້ການຕ້ອນຮັບປະທານກຸ່ມ SK ແລະ ປະທານສະພາການຄ້າ ແລະ ອຸດສາຫະກຳ ສ.ເກົາຫຼີ (KCCI), Chey Tae-won.

Tổng Bí thư Tô Lâm tiếp Chủ tịch Tập đoàn SK- Ảnh 1. — ທ່ານເລຂາທິການໃຫຍ່ To Lam ໄດ້ໃຫ້ການຕ້ອນຮັບທ່ານ Chey Tae Won ປະທານກຸ່ມ SK, ສ.ເກົາຫຼີ. ພາບ: TTXVN

ທີ່ການຕ້ອນຮັບ, ທ່ານເລຂາທິການໃຫຍ່ To Lam ໄດ້ໃຫ້ການຕ້ອນຮັບປະທານກຸ່ມ SK ທີ່ມາຢ້ຽມຢາມ ແລະ ເຮັດວຽກຢູ່ ຫວຽດນາມ; ຕີລາຄາສູງບັນດາຜົນງານຂອງກຸ່ມ SK ໃນຂະບວນການລົງທຶນ ແລະ ດຳເນີນທຸລະກິດຢູ່ ຫວຽດນາມ ໃນໄລຍະມໍ່ໆມານີ້; ພ້ອມກັນນັ້ນ, ຂໍຂອບໃຈຕໍ່ຄວາມຮັກແພງທີ່ທ່ານປະທານບໍລິຫານ ແລະ ກຸ່ມບໍລິສັດ SK ມີຕໍ່ຫວຽດນາມ.

ທ່ານເລຂາທິການໃຫຍ່ To Lam ສະແດງຄວາມເພິ່ງພໍໃຈກ່ຽວກັບການພົວພັນລະຫວ່າງ ຫວຽດນາມ - ສເກົາຫຼີ ທີ່ພວມພັດທະນາເປັນຢ່າງດີໃນທຸກຂົງເຂດ; ເນັ້ນໜັກວ່າ, ສ.ເກົາຫຼີ ຍາມໃດກໍ່ແມ່ນບັນດາປະເທດນຳໜ້າໃນການລົງທຶນ ແລະ ການຄ້າຢູ່ ຫວຽດນາມ. ບົນພື້ນຖານນັ້ນ, 2 ປະເທດມຸ່ງໄປເຖິງວົງເງິນການຄ້າ 150 ຕື້ USD ໃນປີ 2030; ຕີລາຄາສູງບັນດາການປະກອບສ່ວນຕົວຈິງຂອງບັນດາວິສາຫະກິດ ສ.ເກົາຫຼີ ທີ່ລົງທຶນ ແລະ ດຳເນີນທຸລະກິດຢູ່ ຫວຽດນາມ, ໃນນັ້ນມີກຸ່ມ SK ປະກອບສ່ວນສຳຄັນເຂົ້າໃນການພັດທະນາເສດຖະກິດ - ສັງຄົມຂອງ ຫວຽດນາມ.

ທ່ານເລຂາທິການໃຫຍ່ To Lam ໄດ້ຕີລາຄາສູງແຜນການຜັນຂະຫຍາຍບັນດາໂຄງການໃໝ່ຂອງກຸ່ມ SK ຢູ່ ຫວຽດນາມ ຕາມທິດພັດທະນາເສດຖະກິດ - ສັງຄົມຂອງ ຫວຽດນາມ; ສະເໜີໃຫ້ກຸ່ມ SK ຮ່ວມມືຢ່າງແໜ້ນແຟ້ນກັບບັນດາອົງການທີ່ກ່ຽວຂ້ອງ, ທ້ອງຖິ່ນຂອງຫວຽດນາມ ເພື່ອຜັນຂະຫຍາຍບັນດາໂຄງການຢ່າງວ່ອງໄວ, ແທດຈິງ ແລະ ມີປະສິດທິຜົນທີ່ສຸດ.

ສ່ວນທ່ານ Chey Tae-won ປະທານກຸ່ມບໍລິສັດ SK ໄດ້ລາຍງານກ່ຽວກັບການເຄື່ອນໄຫວລົງທຶນຂອງກຸ່ມບໍລິສັດ SK ຢູ່ ຫວຽດນາມ ໃນໄລຍະມໍ່ໆມານີ້ ແລະ ແຜນການເປີດກວ້າງການລົງທຶນຢູ່ ຫວຽດນາມ ໃນໄລຍະຈະມາເຖິງ; ເນັ້ນໜັກວ່າ, ກຸ່ມບໍລິສັດ SK ມີກຳລັງຄວາມສາມາດແຖວໜ້າຂອງໂລກໃນຂົງເຂດພະລັງງານ ແລະ ປາດຖະໜາຢາກຮ່ວມມືປະຕິບັດບັນດາຂົງເຂດທີ່ກ່ຽວຂ້ອງຢູ່ຫວຽດນາມ ເພື່ອປະກອບສ່ວນເຂົ້າໃນການພັດທະນາແບບຍືນຍົງຂອງເສດຖະກິດຫວຽດນາມ.

ຕາມນັ້ນແລ້ວ, ກຸ່ມບໍລິສັດ SK ປາດຖະໜາຢາກຮ່ວມມືກັບຫວຽດນາມ ຜັນຂະຫຍາຍບັນດາວິທີແກ້ໄຂດ້ານພະລັງງານສົມທົບກັບການພັດທະນາບັນດາຂະແໜງອຸດສາຫະກຳຕົ້ນຕໍຄື: ການລົງທຶນກໍ່ສ້າງພື້ນຖານໂຄງລ່າງໄຟຟ້າ LNG ຂອງຫວຽດນາມ ສົມທົບກັບການພັດທະນາບັນດາໂຄງການຮ່ວມມືທີ່ມີທ່າແຮງກ່ຽວກັບສູນຂໍ້ມູນ AI, ພະລັງງານໄຮໂດຣເຈນ ແລະ ເຕົາປະຕິກອນຂະໜາດນ້ອຍ (SMR), ກະສິກຳເຕັກໂນໂລຢີສູງ ແລະ ການຂົນສົ່ງ.

ທີ່ມາ: https://nld.com.vn/tong-bi-thu-to-lam-tiep-chu-tich-tap-doan-sk-196250214182456618.htm