ທ່ານເລຂາທິການໃຫຍ່ ຫງວຽນຟູ໋ຈ້ອງ ຊົມເຊີຍປະທານາທິບໍດີ ລັດເຊຍ Putin ໄດ້ຮັບການເລືອກຕັ້ງຄືນໃໝ່

ເນື່ອງໃນໂອກາດທີ່ທ່ານ Vladimir Putin ໄດ້ຮັບເລືອກຕັ້ງເປັນປະທານາທິບໍດີສະຫະພັນລັດເຊຍ, ໃນນາມພັກ ແລະ ລັດ ຫວຽດນາມ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ສົ່ງຈົດໝາຍອວຍພອນເຖິງທ່ານປະທານາທິບໍດີ Vladimir Putin.

ຕາມໝາກຜົນຂອງຄະນະກຳມະການເລືອກຕັ້ງສູນກາງລັດເຊຍ, ພາຍຫຼັງນັບ 82,76% ຈຳນວນບັດເລືອກຕັ້ງ, ຜູ້ສະໝັກຮັບເລືອກຕັ້ງເອກະລາດ Vladimir Putin ໄດ້ຮັບຄະແນນສຽງ 87,18%.

ທ່ານປູຕິນ (ອາຍຸ 71 ປີ) ເປັນປະທານາທິບໍດີຣັດເຊຍ ແຕ່ປີ 2000 ຫາ 2008 ແລະ 2012 ຈົນເຖິງປັດຈຸບັນ. ທ່ານໄດ້ດຳລົງຕຳແໜ່ງນາຍົກລັດຖະມົນຕີແຕ່ປີ 2008 ຫາ 2012.

ວັນທີ 17 ມີນາ, ຜູ້ມີສິດເລືອກຕັ້ງ ລັດເຊຍ ຢູ່ ຫວຽດນາມ ໄດ້ໄປປ່ອນບັດເລືອກຕັ້ງປະທານາທິບໍດີ ລັດເຊຍ ຢູ່ 4 ໜ່ວຍປ່ອນບັດຄື: ສະຖານທູດ ລັດເຊຍ (ຮ່າໂນ້ຍ), ສະຖານກົງສຸນໃຫຍ່ ລັດເຊຍ ປະຈຳ ນະຄອນ ດ່າໜັງ, ສະຖານກົງສຸນໃຫຍ່ ສະຫະພັນ ລັດເຊຍ ປະຈຳ ນະຄອນ ໂຮ່ຈີມິນ ແລະ “ໝູ່ບ້ານ ລັດເຊຍ” Vietsovpetro (ວັງເຕົ່າ) ກ່ອນໜ້ານັ້ນ, ວັນທີ 6 ມີນາ, ຜູ້ມີສິດເລືອກຕັ້ງ ລັດເຊຍ ຈໍານວນໜຶ່ງ ໄດ້ລົງຄະແນນສຽງກ່ອນກຳນົດເວລາ ຢູ່ນະຄອນ Nha K.

5 ໜ່ວຍປ່ອນບັດຢູ່ຫວຽດນາມ ແມ່ນໃນຈຳນວນ 281 ໜ່ວຍປ່ອນບັດຢູ່ນອກລັດເຊຍ ໃນ 144 ປະເທດ. ຢູ່ສອງໜ່ວຍປ່ອນບັດຢູ່ນະຄອນ ດ່ານັງ ແລະ ຮ່າໂນ້ຍ ໄດ້ມີນັກສັງເກດການສາກົນຂຶ້ນທະບຽນ.

ເປັນຫຍັງທ່ານ Putin ຈຶ່ງໄດ້ລົງຄະແນນສຽງທາງອອນລາຍໃນການເລືອກຕັ້ງປະທານາທິບໍດີຣັດເຊຍ ປະທານປະເທດຣັດເຊຍ ທ່ານ Vladimir Putin ໄດ້ໃຊ້ສິດລົງຄະແນນສຽງທາງອອນລາຍໃນການເລືອກຕັ້ງຜູ້ນຳວັງ Kremlin ທີ່ກຳລັງດຳເນີນຢູ່.

ສະຖິຕິຂອງການໄປເລືອກຕັ້ງປະທານາທິບໍດີຣັດເຊຍທີ່ມີຈຳນວນຜູ້ໄປເລືອກຕັ້ງສູງເປັນປະຫວັດການ, ທ່ານ Putin ໄດ້ຊະນະຢ່າງຫຼວງຫຼາຍ

ຄະນະກຳມະການເລືອກຕັ້ງສູນກາງຣັດເຊຍ (CEC) ກ່າວວ່າ ຈຳນວນຜູ້ໄປປ່ອນບັດໃນການເລືອກຕັ້ງປີນີ້ມີລະດັບສູງເປັນປະຫວັດການ ແລະ ຄາດວ່າປະທານາທິບໍດີ Vladimir Putin ຈະໄດ້ຮັບໄຊຊະນະຢ່າງຖ້ວມລົ້ນ ດ້ວຍຄະແນນສຽງເກືອບ 90%.

ທີ່ມາ