ກປ.ອອນໄລ - ວັນທີ 16 ສິງຫາ 2024, ຢູ່ຮ່າໂນ້ຍ, ຄະນະບໍລິຫານງານສູນກາງພັກຊຸດທີ 13 ໄດ້ໄຂຂຶ້ນເພື່ອທົບທວນ ແລະ ປະກອບຄໍາຄິດຄໍາເຫັນກ່ຽວກັບວຽກງານບຸກຄະລາກອນດັ່ງນີ້: 1. ຄະນະບໍລິຫານງານສູນກາງພັກ ຕັດສິນໃຈແນະນໍາບຸກຄະລາກອນ, ປະກອບຄໍາຄິດຄໍາເຫັນໃຫ້ກົມການເມືອງ ແນະນໍາບຸກຄະລາກອນໃຫ້ສໍາເລັດການນໍາພາຂອງອົງການລັດຈໍານວນໜຶ່ງໃນໄລຍະ 2021-2026 ຕາມລະບຽບການ. 2. ຄະນະ​ບໍລິຫານ​ງານ​ສູນ​ກາງ​ພັກ ​ໄດ້​ເລືອກ​ຕັ້ງ​ຕື່ມ​ອີກ ​ເປັນ​ກຳມະການ​ກົມ​ການ​ເມືອງ, ທ່ານ​ພົນ​ໂທ ເລືອງ​ເງ້​ຈຽມ, ກຳມະການ​ສູນ​ກາງ​ພັກ, ​ເລຂາທິການ​ສູນ​ກາງ​ພັກ, ລັດຖະມົນຕີ​ກະຊວງ​ຕຳຫຼວດ; ​ໄດ້​ເລືອກ​ຕັ້ງ​ຄະນະ​ເລຂາ​ຕື່ມ​ອີກ 3 ທ່ານ ລວມມີ: ສະຫາຍ ຫງວຽນ​ວັນ​ຫງອກ, ກຳມະການ​ສູນ​ກາງ​ພັກ, ຫົວໜ້າ​ຫ້ອງ​ວ່າການ​ສູນ​ກາງ​ພັກ; ສະຫາຍພົນໂທ ເຈີ່ນວັນເກື່ອງ, ກໍາມະການສູນກາງພັກ, ກໍາມະການຄະນະປະຈໍາຄະນະພັກການທະຫານສູນກາງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ; ສະຫາຍ ເລມິນຈີ, ກໍາມະການສູນກາງພັກ, ເລຂາຄະນະພັກ, ຫົວໜ້າອົງການໄອຍະການປະຊາຊົນສູງສຸດ.