ພາບ​ລວມ​ຂອງ​ກອງ​ປະ​ຊຸມ​ຄັ້ງ​ທີ 4 ຊາວ​ຫວຽດ​ນາມ​ຢູ່​ຕ່າງ​ປະ​ເທດ​ໃນ​ທົ່ວ​ໂລກ

ມີ​ຜູ້​ແທນ​ເກືອບ 600 ຄົນ​ໄດ້​ເຂົ້າ​ຮ່ວມ​ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ​ຫວຽດ​ນາມ​ຄັ້ງ​ທີ 4, “ເວ​ທີ​ປາ​ໄສ​ນັກ​ຊ່ຽວ​ຊານ​ສາ​ກົນ​ຫວຽດ​ນາມ​ຢູ່​ຕ່າງ​ປະ​ເທດ​ປີ 2024”.

ຕອນ​ເຊົ້າ​ວັນ​ທີ 22/8, ຢູ່​ຮ່າ​ໂນ້ຍ, ກະຊວງ​ການ​ຕ່າງປະ​ເທດ​ໄດ້​ເປັນ​ປະທານ​ກອງ​ປະຊຸມ​ຄັ້ງ​ທີ 4 ຂອງ​ຊາວ​ຫວຽດນາມ​ອາ​ໄສ​ຢູ່​ຕ່າງປະ​ເທດ​ໃນ​ທົ່ວ​ໂລກ ​ແລະ ​ເວທີ​ປາ​ໄສ​ບັນດາ​ນັກ​ຊ່ຽວຊານ​ປັນຍາ​ຊົນ​ຊາວ​ຫວຽດນາມ ອາ​ໄສ​ຢູ່​ຕ່າງປະ​ເທດ. (ພາບ: Minh Son/Vietnam+)

ກອງ​ປະ​ຊຸມ​ໃຫຍ່​ຊາວ​ຫວຽດ​ນາມ​ຢູ່​ຕ່າງ​ປະ​ເທດ​ໃນ​ທົ່ວ​ໂລກ​ຄັ້ງ​ທີ 4 ໄດ້​ດຳ​ເນີນ​ໄປ​ແຕ່​ວັນ​ທີ 21 – 24 ສິງຫາ 2024 ຢູ່​ຮ່າ​ໂນ້ຍ. ນີ້​ແມ່ນ​ເຫດການ​ສຳຄັນ​ໂດຍ​ກະຊວງ​ການ​ຕ່າງປະ​ເທດ ຫວຽດນາມ ສົມທົບ​ກັບ​ບັນດາ​ກົມ, ກະຊວງ, ສາຂາ ​ແລະ ທ້ອງ​ຖິ່ນ​ທີ່​ກ່ຽວຂ້ອງ​ຈັດ​ຕັ້ງ​ເພື່ອ​ແນ​ໃສ່​ເພີ່ມ​ທະວີ​ການ​ພົວພັນ​ລະຫວ່າງ​ປະຊາ​ຄົມ​ຊາວ​ຫວຽດນາມ ອາ​ໄສ​ຢູ່​ຕ່າງປະ​ເທດ ​ແລະ ບ້ານ​ເກີດ​ເມືອງ​ນອນ. (ພາບ: Minh Son/Vietnam+)

ກອງ​ປະ​ຊຸມ​ປີ​ນີ້​ບໍ່​ພຽງ​ແຕ່​ແມ່ນ​ກາ​ລະ​ໂອ​ກາດ​ເພື່ອ​ໃຫ້​ຊາວ​ຫວຽດ​ນາມ​ຢູ່​ຕ່າງ​ປະ​ເທດ​ໃນ​ທົ່ວ​ໂລກ​ໄດ້​ພົບ​ປະ​ແລກ​ປ່ຽນ​ເທົ່າ​ນັ້ນ, ຫາກ​ຍັງ​ແມ່ນ​ກາ​ລະ​ໂອ​ກາດ​ເພື່ອ​ປຶກ​ສາ​ຫາ​ລື, ປະ​ກອບ​ຄຳ​ເຫັນ​ເພື່ອ​ພັດ​ທະ​ນາ​ແບບ​ຍືນ​ຍົງ​ຂອງ​ປະ​ເທດ. (ພາບ: Minh Son/Vietnam+)

ບັນດາ​ຜູ້​ຊ່ຽວຊານ​ຫວຽດນາມ​ຢູ່​ຕ່າງປະ​ເທດ​ຈະ​ປະກອບສ່ວນ​ປະກອບ​ຄຳ​ເຫັນ​ກ່ຽວ​ກັບ​ເຕັກ​ໂນ​ໂລ​ຊີ​ສູງ, ພັດທະນາ​ທຸລະ​ກິດ, ອະນຸລັກ​ຮັກສາ​ວັດທະນະທຳ ​ແລະ ອື່ນໆ.

ທ່ານ​ລັດຖະມົນຕີ​ການ​ຕ່າງປະ​ເທດ ບຸ່ຍ​ແທງ​ເຊີນ ກ່າວ​ຄຳ​ເຫັນ​ທີ່​ກອງ​ປະຊຸມ. (ພາບ: Minh Son/Vietnam+)

ກອງ​ປະ​ຊຸມ​ປີ​ນີ້​ມີ​ຫົວ​ຂໍ້​ວ່າ “ຊາວ​ຫວຽດ​ນາມ​ຢູ່​ຕ່າງ​ປະ​ເທດ​ພ້ອມ​ກັນ​ບັນ​ລຸ​ຄວາມ​ມຸ່ງ​ມາດ​ປາດ​ຖະ​ໜາ​ພັດ​ທະ​ນາ​ປະ​ເທດ”. (ພາບ: Minh Son/Vietnam+)

ທ່ານ​ນາ​ຍົກ​ລັດ​ຖະ​ມົນ​ຕີ ຟ້າມ​ບິ່ງ​ມິງ ຈະ​ເຂົ້າ​ຮ່ວມ ແລະ ກ່າວ​ຄຳ​ເຫັນ​ທີ່ກອງ​ປະ​ຊຸມ. (ພາບ: Minh Son/Vietnam+)

ກອງ​ປະຊຸມ​ໄດ້​ມີ​ຜູ້​ແທນ​ປະມານ 600 ຄົນ​ເຂົ້າ​ຮ່ວມ​ໃນ​ນັ້ນ​ມີ​ຜູ້​ແທນ​ຢູ່​ຕ່າງປະ​ເທດ​ປະມານ 400 ຄົນ; ການ​ນຳ​ພັກ ​ແລະ ລັດ; ການນຳບັນດາກົມ, ກະຊວງ, ສາຂາ, ອົງການຈັດຕັ້ງການເມືອງ ແລະ ສັງຄົມ; ຜູ້ຕາງໜ້າການນຳແຂວງ/ເທດສະບານ; ຫົວໜ້າ​ອົງການ​ຜູ້ຕາງໜ້າ​ຫວຽດນາມ​ຢູ່​ຕ່າງປະ​ເທດ​ຈຳນວນ​ໜຶ່ງ. (ພາບ: Minh Son/Vietnam+)

(ຫວຽດນາມ+)

ທີ່ມາ: https://www.vietnamplus.vn/toan-canh-hoi-nghi-nguoi-viet-nam-o-nuoc-ngoai-toan-the-gioi-lan-thu-4-post971799.vnp