ຈັດຕັ້ງວັນປື້ມ ແລະ ວັດທະນະທຳການອ່ານຫວຽດນາມ ພ້ອມກັບການປະຕິບັດໂຄງການ 1371

ກປ.ອອນໄລ - ວັນທີ 16 ເມສາ, ກອງບັນຊາການທະຫານແຂວງ ຕວຽນກວາງ ໄດ້ຈັດຕັ້ງພິທີເປີດວັນວັດທະນະທໍາອ່ານປຶ້ມຫວຽດນາມ ສົມທົບກັບການປະຕິບັດໂຄງການ 1371 “ເສີມຂະຫຍາຍບົດບາດຂອງກອງທັບປະຊາຊົນເຂົ້າຮ່ວມການເຜີຍແຜ່, ສຶກສາກົດໝາຍ, ປຸກລະດົມປະຊາຊົນປະຕິບັດກົດໝາຍຢູ່ຮາກຖານການທະຫານແຂວງ 2017 – 204 ໃນໄລຍະ 2017.

ທ່ານພັນເອກ ຫງວຽນແທ່ງອານ, ກໍາມະການຄະນະປະຈໍາຄະນະພັກການທະຫານແຂວງ ຕວຽນກວາງ , ຮອງກໍາມະການການເມືອງກອງບັນຊາການທະຫານແຂວງ ໄດ້ເຂົ້າຮ່ວມ ແລະເປີດການເຄື່ອນໄຫວ. ເຂົ້າຮ່ວມມີບັນດາຫົວໜ້າ, ພະນັກງານ, ນັກຮົບບັນດາອົງການ, ຫນ່ວຍງານກອງບັນຊາການທະຫານແຂວງ.

ຈັດຕັ້ງວັນປື້ມ ແລະ ວັດທະນະທຳການອ່ານຫວຽດນາມ ພ້ອມກັບການປະຕິບັດໂຄງການ 1371

ທ່ານພັນເອກ ຫງວຽນແທ່ງອານ, ກໍາມະການຄະນະປະຈໍາຄະນະພັກການທະຫານແຂວງ ຕວຽນກວາງ, ຮອງກອງບັນຊາການທະຫານແຂວງ ໄດ້ເປີດການເຄື່ອນໄຫວ.

ກ່າວຄຳເຫັນທີ່ພິທີເປີດ, ທ່ານພັນເອກ ຫງວຽນແທ່ງອານ ເນັ້ນໜັກວ່າ ນີ້ແມ່ນການເຄື່ອນໄຫວປະຕິບັດເພື່ອແນໃສ່ເຊີດຊູທີ່ຕັ້ງ, ບົດບາດ ແລະ ຄວາມສຳຄັນຂອງວັນປື້ມ ແລະ ວັດທະນະທຳການອ່ານ ຫວຽດນາມ; ຊຸກຍູ້ ແລະ ພັດທະນາການເຄື່ອນໄຫວອ່ານຂອງນາຍແລະພົນທະຫານຂອງແຂວງ, ເພື່ອຕອບສະໜອງຄວາມຕ້ອງການດ້ານວັດທະນະທຳດ້ານຈິດໃຈ, ຂໍ້ມູນຂ່າວສານ, ຄົ້ນຄ້ວາ, ສຶກສາ, ປັບປຸງຄວາມຮູ້ຮອບດ້ານໃຫ້ແກ່ພະນັກງານ, ນັກຮົບ. ພ້ອມກັນນັ້ນ, ສືບຕໍ່ແນະນຳໃຫ້ພະນັກງານ-ນັກຮົບທົ່ວທະຫານແຂວງ, ປຶ້ມໃໝ່, ປຶ້ມດີຢູ່ຫໍສະໝຸດກອງບັນຊາການທະຫານແຂວງ ເພື່ອໃຫ້ພະນັກງານ-ນັກຮົບໄດ້ຮໍ່າຮຽນ, ຄົ້ນຄວ້າ, ເສີມສ້າງຄວາມຮູ້, ປັບປຸງຊີວິດດ້ານວັດທະນະທໍາ, ຈິດໃຈ, ປະກອບສ່ວນເຂົ້າໃນການປະຕິບັດໜ້າທີ່ທີ່ໄດ້ຮັບມອບໝາຍໃຫ້ປະສົບຜົນສໍາເລັດ.

ການນຳກອງບັນຊາການທະຫານແຂວງ ຕວຽນກວາງ ແລະ ພະນັກງານ, ນັກຮົບບັນດາອົງການ, ຫົວໜ່ວຍໄດ້ໄປຢ້ຽມຢາມເຂດທີ່ໄດ້ຈັດຕັ້ງວັນວັດທະນະທຳອ່ານປື້ມ ຫວຽດນາມ.

ໃນຊຸມມື້ຈັດຕັ້ງວັນວັດທະນະທຳອ່ານປື້ມຫວຽດນາມ, ກອງບັນຊາການທະຫານແຂວງ ຕວຽນກວາງ ໄດ້ຈັດຕັ້ງຊຸດສະສົມປື້ມຂອງພະນັກງານ, ທະຫານບັນດາອົງການ, ໜ່ວຍງານໄປມອບໃຫ້ປະຊາຊົນ, ໜູນຊ່ວຍຫໍສະໝຸດ, ຕູ້ປື້ມຢູ່ເຂດຫ່າງໄກສອກຫຼີກ. ວັນວັດທະນະທຳອ່ານປຶ້ມຫວຽດນາມ ຕິດພັນກັບການຈັດຕັ້ງປະຕິບັດໂຄງການ 1371 ຂອງທະຫານແຂວງ ຕວຽນກວາງ ໃນປີ 2024, ໂດຍກອງບັນຊາການທະຫານແຂວງ ຈັດຕັ້ງຮອດທ້າຍເດືອນເມສາ 2024.

ຂ່າວ ແລະ ພາບ: ດັ້ງນິງ