ສືບຕໍ່ຊຸກຍູ້ການຮ່ວມມືລະຫວ່າງຫວຽດນາມ ແລະ ການາດາ

ຕອນບ່າຍວັນທີ 8/1, ທ່ານນາຍົກລັດຖະມົນຕີ ຟ້າມບິ່ງມິງ ໄດ້ໃຫ້ການຕ້ອນຮັບທ່ານ Ahmed Hussen ລັດຖະມົນຕີກະຊວງພັດທະນາສາກົນການາດາ ທີ່ພວມຢ້ຽມຢາມ ແລະ ເຮັດວຽກຢູ່ ຫວຽດນາມ.

ທ່ານນາຍົກລັດຖະມົນຕີ Pham Minh Chinh ແລະ ທ່ານ Ahmed Hussen ລັດຖະມົນຕີກະຊວງພັດທະນາສາກົນການາດາ - ພາບ: VGP/Nhat Bac

ທ່ານນາຍົກລັດຖະມົນຕີ ຊົມເຊີຍທ່ານລັດຖະມົນຕີ Ahmed Hussen ທີ່ເລືອກ ຫວຽດນາມ ເປັນປະເທດທຳອິດ ຢ້ຽມຢາມ ພາກພື້ນ ອາຊີ - ປາຊີຟິກ ໃນຕຳແໜ່ງໃໝ່, ສະແດງໃຫ້ເຫັນການພົວພັນດ້ານການເມືອງທີ່ເລິກເຊິ່ງກວ່າ ແລະ ປະກອບສ່ວນຢ່າງຕັ້ງໜ້າເຂົ້າໃນການເພີ່ມທະວີການພົວພັນຄູ່ຮ່ວມມືຮອບດ້ານ ຫວຽດນາມ - ການາດາ.

ທ່ານນາຍົກລັດຖະມົນຕີ ຖືວ່າ, ຫວຽດນາມ ຖືເປັນສຳຄັນການພົວພັນຮ່ວມມືກັບ ການາດາ ແລະ ປາດຖະໜາຢາກຮ່ວມມືກັບ ການາດາ ຊຸກຍູ້ການພົວພັນຄູ່ຮ່ວມມືຮອບດ້ານໃຫ້ຂຶ້ນສູ່ລະດັບສູງໃໝ່ບົນພື້ນຖານຜົນປະໂຫຍດເຊິ່ງກັນ ແລະ ກັນ, ປະກອບສ່ວນຮັກສາສັນຕິພາບ, ສະຖຽນລະພາບ ແລະ ການພັດທະນາທີ່ວັດທະນາຖາວອນຢູ່ພາກພື້ນ ແລະ ໃນໂລກ; ຍິນດີເພີ່ມທະວີການພົວພັນແລະການຮ່ວມມືຂອງການາດາກັບພາກພື້ນທີ່ມີການປົດປ່ອຍຍຸດທະສາດອິນໂດປາຊີຟິກຂອງການາດາ. ເນື່ອງໃນໂອກາດນີ້, ທ່ານນາຍົກລັດຖະມົນຕີ ກ່າວວ່າ ທ່ານຫວັງວ່າຈະໄດ້ຕ້ອນຮັບທ່ານນາຍົກລັດຖະມົນຕີ ການາດາ J. Trudeau ມາຢ້ຽມຢາມຫວຽດນາມ ໂດຍໄວ.

ທ່ານນາຍົກລັດຖະມົນຕີ ແລະ ລັດຖະມົນຕີ ໃຫ້ຮູ້ວ່າ: ໃນໄລຍະມໍ່ໆມານີ້, ເຖິງວ່າປະສົບກັບຄວາມຫຍຸ້ງຍາກຍ້ອນພະຍາດໂຄວິດ-19 ແລະ ໃນສະພາບການໂລກພວມປະເຊີນໜ້າກັບສິ່ງທ້າທາຍຫຼາຍຢ່າງກໍ່ຕາມ, ແຕ່ການພົວພັນລະຫວ່າງ 2 ປະເທດໃນຂົງເຂດການເມືອງ - ການທູດ, ການຄ້າ - ການລົງທຶນ, ການຮ່ວມມືພັດທະນາ, ປ້ອງກັນຊາດ - ປ້ອງກັນຄວາມສະຫງົບ, ວັດທະນະທຳ - ການສຶກສາ, ວິທະຍາສາດ - ເຕັກໂນໂລຊີ ແລະ ການພົວພັນແລກປ່ຽນປະຊາຊົນໄດ້ສືບຕໍ່ພັດທະນາ.

ພິເສດ, ການຮ່ວມມືພັດທະນາແມ່ນຈຸດສະຫວ່າງໃນການພົວພັນລະຫວ່າງ 2 ປະເທດ ໂຄງການ ODA ຂອງການາດາໃຫ້ຫວຽດນາມ ໄດ້ຮັບການຜັນຂະຫຍາຍເປັນຢ່າງດີ, ຕອບສະໜອງຄວາມຮຽກຮ້ອງຕ້ອງການພັດທະນາຂອງຫວຽດນາມ (ໃນຊຸມປີມໍ່ໆມານີ້, ວົງເງິນ ODA ສອງຝ່າຍໃຫ້ຫວຽດນາມ ແມ່ນ 10 ລ້ານ USD).

ປະຈຸບັນ, ການາດາແມ່ນຄູ່ຮ່ວມມືການຄ້າໃຫຍ່ອັນດັບ 3 ຂອງຫວຽດນາມ ແລະ ຫວຽດນາມ ແມ່ນຄູ່ຮ່ວມມືການຄ້າໃຫຍ່ກວ່າໝູ່ຂອງການາດາຢູ່ ອາຊຽນ ໃນປີ 2022, ວົງເງິນການຄ້າສອງຝ່າຍບັນລຸກວ່າ 7 ຕື້ USD, ເພີ່ມຂຶ້ນເກືອບ 17% ເມື່ອທຽບໃສ່ປີ 2021. ໃນປີ 2023, ໃນສະພາບຫຍຸ້ງຍາກດ້ານການຄ້າໂລກ, ວົງເງິນການຄ້າລະຫວ່າງຫວຽດນາມ - ການາດາ ບັນລຸ 6,17 ຕື້ USD. ການາດາແມ່ນນັກລົງທຶນໃຫຍ່ອັນດັບ 14 ຂອງຫວຽດນາມ ດ້ວຍ 247 ໂຄງການ ດ້ວຍຍອດຈຳນວນທຶນຈົດທະບຽນກວ່າ 4,82 ຕື້ USD.

ສອງຝ່າຍຖືວ່າ, ຄວາມສາມາດບົ່ມຊ້ອນຂອງການຮ່ວມມືພັດທະນາລະຫວ່າງ 2 ປະເທດແມ່ນໃຫຍ່ຫຼວງ ແລະ ແທດຈິງ, ສອງຝ່າຍຕ້ອງຂຸດຄົ້ນ ແລະ ໝູນໃຊ້ທ່າແຮງດັ່ງກ່າວໃຫ້ຫຼາຍທີ່ສຸດໂດຍຜ່ານຊ່ອງທາງການຮ່ວມມືສອງຝ່າຍ ແລະ ຫຼາຍຝ່າຍ.

ທ່ານນາຍົກລັດຖະມົນຕີ ຟ້າມບິ່ງມິງ ສະເໜີໃຫ້ 2 ຝ່າຍສືບຕໍ່ຊຸກຍູ້ການຮ່ວມມືໃນບັນດາຂົງເຂດສຳຄັນຄື: ເສດຖະກິດ, ການຄ້າ, ການລົງທຶນ, ການສຶກສາ ແລະ ບຳລຸງສ້າງ, ວິທະຍາສາດ ແລະ ເຕັກໂນໂລຊີ - ພາບ: VGP/Nhat Bac.

ທ່ານນາຍົກລັດຖະມົນຕີ ຟ້າມບິ່ງມິງ ສະເໜີ 2 ຝ່າຍສືບຕໍ່ຊຸກຍູ້ການຮ່ວມມືໃນບັນດາຂົງເຂດສຳຄັນຄື: ເສດຖະກິດ, ການຄ້າ, ການລົງທຶນ, ການສຶກສາ ແລະ ບຳລຸງສ້າງ, ວິທະຍາສາດ ແລະ ເຕັກໂນໂລຊີ, ຍັງເປັນກຳລັງແຮງຂອງການາດາ ແລະ ເໝາະສົມກັບຄວາມຕ້ອງການຂອງຫວຽດນາມ.

ຢູ່ນອກກອງປະຊຸມສຸດຍອດ G7 ຢູ່ຍີ່ປຸ່ນ, ນາຍົກລັດຖະມົນຕີ 2 ປະເທດໄດ້ເຫັນດີເພີ່ມທະວີວົງເງິນການຄ້າ 2 ຝ່າຍຂຶ້ນເຖິງ 10 ຕື້ USD, ຫວຽດນາມ ແລະ ການາດາ ຕ້ອງຮ່ວມມືກັນຢ່າງແໜ້ນແຟ້ນກວ່າເພື່ອບັນລຸເປົ້າໝາຍດັ່ງກ່າວ.

ຂອບໃຈ ການາດາ ທີ່ໄດ້ໃຫ້ການສະໜັບສະໜູນ ODA ໃນໄລຍະຜ່ານມາຢ່າງມີປະສິດທິຜົນ, ໂດຍສະເພາະການຫຼຸດຜ່ອນຄວາມທຸກຍາກ, ທ່ານນາຍົກລັດຖະມົນຕີ ສະເໜີໃນໄລຍະຈະມາເຖິງ, ການຮ່ວມມື ODA ຄວນສຸມໃສ່ຫຼາຍໂຄງການໃຫຍ່ກ່ຽວກັບພື້ນຖານໂຄງລ່າງຄົມມະນາຄົມ, ພື້ນຖານໂຄງລ່າງພະລັງງານ, ຮັບມືກັບການປ່ຽນແປງຂອງດິນຟ້າອາກາດ, ພິເສດແມ່ນເຂດທົ່ງພຽງແມ່ນ້ຳຂອງ.

ເຫັນດີກັບຄຳເຫັນຂອງທ່ານນາຍົກລັດຖະມົນຕີ, ທ່ານລັດຖະມົນຕີ Ahmed Hussen ເນັ້ນໜັກວ່າ: ຫວຽດນາມ ແມ່ນຄູ່ຮ່ວມມືບຸລິມະສິດຂອງການາດາ ແລະ ຖືບົດບາດສຳຄັນໃນຍຸດທະສາດອິນໂດປາຊີຟິກຂອງປະເທດ.

ຕີລາຄາສູງທີ່ຕັ້ງ ແລະ ບົດບາດຂອງຫວຽດນາມ ກໍ່ຄືບົດບາດຂອງປະຊາຄົມຊາວຫວຽດນາມ ຢູ່ການາດານັບມື້ນັບເພີ່ມຂຶ້ນ ແລະ ຫວຽດນາມ ແມ່ນໜຶ່ງໃນບັນດາປະເທດທີ່ມີນັກສຶກສາຫຼາຍກວ່າໝູ່ຢູ່ປະເທດນີ້. ປະຊາຊົນສອງປະເທດແມ່ນສະເໝີຕົ້ນສະເໝີປາຍ ແລະ ຮ່ວມມື.

ທ່ານລັດຖະມົນຕີຊີ້ແຈ້ງວ່າ, ບົນພື້ນຖານການພົວພັນທີ່ເຂັ້ມແຂງ, ການາດາ ປາດຖະໜາຢາກສືບຕໍ່ຮັດແໜ້ນ ແລະ ເພີ່ມທະວີຄວາມໄວ້ເນື້ອເຊື່ອໃຈລະຫວ່າງສອງປະເທດ, ຮ່ວມມືຢ່າງແໜ້ນແຟ້ນກັບຫວຽດນາມ ທັງສອງຝ່າຍ ແລະ ຫຼາຍຝ່າຍ, ສະໜັບສະໜູນ ຫວຽດນາມ ບັນລຸໄດ້ບັນດາຈຸດໝາຍພັດທະນາ, ເພື່ອໃຫ້ ຫວຽດນາມ ເຂັ້ມແຂງ, ເອກະລາດ, ເປັນເຈົ້າຕົນເອງ ແລະ ວັດທະນາຖາວອນ.

ສະເໜີຊຸກຍູ້ການຮ່ວມມື ODA ໂດຍສຸມໃສ່ຫຼາຍຂົງເຂດບຸລິມະສິດ, ພິເສດແມ່ນການສຶກສາ, ການຕອບໂຕ້ການປ່ຽນແປງຂອງດິນຟ້າອາກາດ, ການຫຼຸດຜ່ອນການປ່ອຍອາຍພິດ, ການຫັນປ່ຽນພະລັງງານເປັນຕົ້ນ.

ທີ່ມາ