ຕຽນຢາງ: ກອງປະຊຸມຖະແຫຼງຂ່າວປະກາດສະຖິຕິເສດຖະກິດ-ສັງຄົມຂອງແຂວງປີ 2024

ຕອນເຊົ້າວັນທີ 3 ມັງກອນນີ້, ທ່ານນາງ ເຈີ່ນທິມີຮັນ, ຫົວໜ້າຫ້ອງການສະຖິຕິແຂວງ ຕຽນຢາງ ໄດ້ເປັນປະທານກອງປະຊຸມຖະແຫຼງຂ່າວປະກາດສະຖິຕິເສດຖະກິດ - ສັງຄົມຂອງແຂວງປີ 2024. ເຂົ້າຮ່ວມກອງປະຊຸມມີຜູ້ຕາງໜ້າບັນດາພະແນກ, ສາຂາຂອງແຂວງ.

ພາບບັນຍາກາດກອງປະຊຸມຂ່າວ.

ປີ 2024, ຍອດມູນຄ່າຜະລິດຕະພັນຂອງແຂວງ (GRDP) ຄາດຄະເນເຖິງ 70.946 ຕື້ດົ່ງ (ເມື່ອທຽບໃສ່ປີ 2010), ເພີ່ມຂຶ້ນ 7,02% ເມື່ອທຽບໃສ່ປີ 2023; ອັດຕາການເຕີບໂຕຂອງແຕ່ລະໄຕມາດແມ່ນສູງກວ່າໄຕມາດກ່ອນ, ເຊິ່ງໄຕມາດທີ 1 ເພີ່ມຂຶ້ນ 4,75%, ໄຕມາດທີ 2 ເພີ່ມຂຶ້ນ 6,50%, ໄຕມາດທີ 3 ເພີ່ມຂຶ້ນ 7,41% ແລະ ໄຕມາດທີ 4 ເພີ່ມຂຶ້ນ 9,12%, ອັນດັບທີ 9 ໃນຈໍານວນ 13 ແຂວງໃນເຂດທົ່ງພຽງແມ່ນ້ຳຂອງ ແລະ ອັນດັບທີ 43 ໃນທົ່ວປະເທດ. ໂດຍຂະແໜງເສດຖະກິດ, ກະສິກຳ, ປ່າໄມ້ ແລະ ການປະມົງ ເພີ່ມຂຶ້ນ 4%; ຂະແໜງອຸດສາຫະກຳ ແລະ ກໍ່ສ້າງ ເພີ່ມຂຶ້ນ 10,37% ແລະ ຂະແໜງບໍລິການ ເພີ່ມຂຶ້ນ 7,28%...

ຄິດໄລ່ຕາມລາຄາປະຈຸບັນ, GRDP ບັນລຸ 137,272 ຕື້ດົ່ງ, ເພີ່ມຂຶ້ນ 11,7% ເມື່ອທຽບໃສ່ໄລຍະດຽວກັນ, ເທົ່າກັບ 14,326 ຕື້ດົ່ງ, ກວມເອົາ 9,7% ແລະ ຢືນອັນດັບທີ 3 ໃນຈໍານວນ 13 ແຂວງໃນເຂດທົ່ງພຽງແມ່ນ້ຳຂອງ. GRDP ສະເລ່ຍຕໍ່ຫົວຄົນບັນລຸ 76,4 ລ້ານດົ່ງ/ຄົນ/ປີ, ເພີ່ມຂຶ້ນ 7,8 ລ້ານດົ່ງ/ຄົນ/ປີ ເມື່ອທຽບໃສ່ປີ 2023, ຢືນອັນດັບທີ 8 ໃນຈໍານວນ 13 ແຂວງໃນເຂດທົ່ງພຽງແມ່ນ້ຳຂອງ.

ລາຍຮັບງົບປະມານແຫ່ງລັດຢູ່ເຂດປະມານ 11.785 ຕື້ດົ່ງ, ບັນລຸ 133,9% ຄາດຄະເນ ແລະ ເພີ່ມຂຶ້ນ 15,2% ເມື່ອທຽບໃສ່ໄລຍະດຽວກັນ; ໃນນັ້ນ, ລາຍຮັບພາຍໃນປະເທດ 11.400 ຕື້ດົ່ງ, ບັນລຸ 133,6% ຄາດຄະເນ, ເພີ່ມຂຶ້ນ 14,7% ເມື່ອທຽບໃສ່ໄລຍະດຽວກັນ. ລາຍຈ່າຍງົບປະມານແຫ່ງລັດປະມານ 21.990 ຕື້ດົ່ງ, ບັນລຸ 152,1% ຄາດຄະເນ, ເພີ່ມຂຶ້ນ 28,1% ເມື່ອທຽບໃສ່ໄລຍະດຽວກັນ.

ດັດຊະນີລາຄາຜູ້ບໍລິໂພກ (CPI) ສະເລ່ຍ 12 ເດືອນຂອງປີ 2024 ທຽບໃສ່ໄລຍະດຽວກັນຂອງປີກາຍເພີ່ມຂຶ້ນ 4,03% (ເຂດຕົວເມືອງເພີ່ມຂຶ້ນ 3,75% ແລະ ເຂດຊົນນະບົດເພີ່ມຂຶ້ນ 4,10%).

ນອກນີ້, ຍອດຈຳນວນທຶນລົງທຶນສັງຄົມຄາດຄະເນປະມານ 51.100 ຕື້ດົ່ງ, ບັນລຸ 101,4% ຂອງແຜນການ, ເພີ່ມຂຶ້ນ 10,9% ເມື່ອທຽບໃສ່ໄລຍະດຽວກັນ. ຄາດວ່າຮອດທ້າຍປີ 2024, ຈຳນວນວິສາຫະກິດທີ່ດຳເນີນທຸລະກິດຢູ່ເຂດດັ່ງກ່າວຈະມີປະມານ 6.400 ແຫ່ງ. ນອກນັ້ນ, ຍັງໄດ້ໃຫ້ຄຳປຶກສາດ້ານວິຊາຊີບ, ການຈ້າງງານ, ກົດໝາຍວ່າດ້ວຍແຮງງານ ແລະ ວຽກງານໃຫ້ຄຳປຶກສາດ້ານອື່ນໆ ໃຫ້ແກ່ຜູ້ອອກແຮງງານທັງໝົດ 20.661 ຄົນ ຫຼຸດລົງ 28,2% ທຽບໃສ່ໄລຍະດຽວກັນ ປະຕິບັດໄດ້ 103,3% ຂອງແຜນການ.

ທ່ານນາງ ເຈີ່ນທິມີ້ຮັນ, ຫົວໜ້າຫ້ອງການສະຖິຕິແຂວງ ຕຽນຢາງ ກ່າວຄຳເຫັນທີ່ກອງປະຊຸມຂ່າວ.

ຫ້ອງການສະຖິຕິແຂວງ ຕຽນຢາງ ສະເໜີແກ້ໄຂການຈັດຕັ້ງປະຕິບັດໃນປີ 2025, ເພີ່ມທະວີລະບຽບວິໄນ, ປັບປຸງກົງຈັກການຈັດຕັ້ງ, ປະຕິບັດໜ້າທີ່ຢ່າງມີປະສິດທິຜົນ, ຍົກສູງລາຍຮັບໃຫ້ແກ່ພະນັກງານ, ລັດຖະກອນ, ພະນັກງານລັດຖະກອນ ແລະ ຜູ້ອອກແຮງງານໃນຍຸກແຫ່ງການສູ້ຊົນຕາມທິດຂອງກົມການເມືອງ. ປະຕິບັດລະບຽບການເຮັດວຽກຢ່າງເຂັ້ມງວດ, ມີລະບຽບວິໄນໃນການປາກເວົ້າ, ເປີດເຜີຍ ແລະ ໂປ່ງໃສ ເພື່ອສ້າງສະພາບແວດລ້ອມແຫ່ງການຜະລິດ ແລະ ດຳເນີນທຸລະກິດທີ່ສະເໝີພາບ. ສືບຕໍ່ເອົາໃຈໃສ່ລົບລ້າງຄວາມຫຍຸ້ງຍາກ ແລະ ສິ່ງກີດຂວາງ, ປະຕິຮູບລະບຽບການບໍລິຫານ, ຫັນເປັນດິຈິຕອນ.

ພ້ອມກັນນັ້ນ, ວາງອອກບັນດາມາດຕະການແກ້ໄຂຄວາມຫຍຸ້ງຍາກໃຫ້ແກ່ບັນດາວິສາຫະກິດກ່ຽວກັບການດຳເນີນທຸລະກິດ, ຕະຫຼາດບໍລິໂພກ, ວັດຖຸຜະລິດ, ແຮງງານ ແລະ ອື່ນໆ ສຸມໃສ່ກວດກາສະພາບການຜະລິດຢູ່ແຕ່ລະອຸດສາຫະກຳ, ພິເສດແມ່ນບັນດາຂະແໜງການຄື: ແຜ່ນແພ, ເກີບໜັງ, ປຸງແຕ່ງອາຫານທະເລ, ຜະລິດໂລຫະ, ກົນຈັກ; ວິສາຫະກິດດຳເນີນທຸລະກິດປຸງແຕ່ງ, ຜະລິດ, ອຸດສາຫະກຳໜູນຊ່ວຍ...

ເລມິນ

ທີ່ມາ: https://tiengiang.gov.vn/chi-tiet-tin/?/tien-giang-hop-bao-cong-bo-so-lieu-thong-ke-kinh-te-xa-hoi-cua-tinh-nam-2024/57591753