ທ່ານພົນໂທ ເລືອງເກື່ອງຈ້ຽນ ໂອ້ລົມກັບ ພັນເອກ Kim Myong Chol.

ທ່ານພົນໂທ ເລືອງເກື່ອງ ຢືນຢັນວ່າ, ພັກ, ລັດຖະບານ ແລະກະຊວງປ້ອງກັນປະເທດຫວຽດນາມ ຍາມໃດກໍ່ຖືເປັນສໍາຄັນການພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ ແລະ ສ.ເກົາຫຼີ; ພ້ອມ​ກັນ​ນັ້ນ, ທ່ານ​ເຊື່ອ​ໝັ້ນ​ວ່າ ການ​ພົວພັນ​ຮ່ວມ​ມື​ຮອບດ້ານ​ລະຫວ່າງ​ສອງ​ພັກ ​ແລະ ສອງ​ປະ​ເທດ​ແມ່ນ​ຈຸດໝາຍ ​ແລະ ພື້ນຖານ​ເພື່ອ​ຊຸກຍູ້​ການ​ພົວພັນ​ຮ່ວມ​ມື​ດ້ານ​ປ້ອງ​ກັນຊາ​ດຂອງ​ສອງ​ປະ​ເທດ​ໃຫ້​ນັບ​ມື້​ນັບ​ພັດທະນາ, ​ເລິກ​ເຊິ່ງ ​ແລະ ​ແທດ​ຈິງ.

ທ່ານພົນໂທ ເລືອງເກື່ອງ ເນັ້ນໜັກວ່າ, ເຖິງວ່າໄດ້ຮັບຜົນກະທົບຈາກພະຍາດໂຄວິດ-19ກໍ່ຕາມ, ແຕ່ການຮ່ວມມືດ້ານປ້ອງກັນຊາດລະຫວ່າງສອງປະເທດຍັງຄົງມີບາດກ້າວພັດທະນາຢ່າງຕັ້ງໜ້າ ແລະ ຍາມໃດກໍ່ເສີມຂະຫຍາຍບົດບາດສໍາຄັນໃນການພົວພັນຫວຽດນາມ - ສປປ.

ທ່ານພົນໂທ ເລືອງເກື່ອງຈ້ຽນ ມອບເຄື່ອງທີ່ລະນຶກໃຫ້ແກ່ທ່ານພົນເອກ Kim Myong Chol.

ທີ່ການຕ້ອນຮັບ, ທ່ານພົນໂທ ເລືອງເກື່ອງ ຕີລາຄາສູງຄວາມມານະພະຍາຍາມຂອງພັນເອກ Kim Myong Chol ໃນການຊຸກຍູ້ການພົວພັນຮ່ວມມືລະຫວ່າງກອງທັບສອງປະເທດໃນໄລຍະມໍ່ໆມານີ້; ເຊື່ອໝັ້ນວ່າ, ທ່ານ ພັນເອກ Kim Myong Chol ຈະສືບຕໍ່ປະກອບສ່ວນຢ່າງຕັ້ງໜ້າຫຼາຍຢ່າງເຂົ້າໃນການຊຸກຍູ້ການພົວພັນລະຫວ່າງ 2 ປະເທດ ແລະ ກອງທັບ 2 ປະເທດໃຫ້ພັດທະນາຕື່ມອີກ, ເຂົ້າສູ່ລວງເລິກ, ບັນລຸໄດ້ໝາກຜົນແທດຈິງ, ສຸມໃສ່ເຂົ້າໃນບັນດາຂົງເຂດຄື: ເພີ່ມທະວີການພົບປະແລກປ່ຽນຄະນະຜູ້ແທນທຸກຂັ້ນ; ສືບຕໍ່ປະຕິບັດບັນດາເນື້ອໃນທີ່ໄດ້ລົງນາມຢ່າງມີປະສິດທິຜົນ; ​ແລກປ່ຽນ​ບົດຮຽນ​ໃນ​ດ້ານ​ວຽກ​ງານ​ພັກ ​ແລະ ວຽກ​ງານ​ການ​ເມືອງ; ​ເປີດ​ກວ້າງ​ການ​ຮ່ວມ​ມື​ດ້ານ​ການ​ຝຶກ​ອົບຮົມ, ວັດທະນະທຳ, ສິລະ​ປະ​ແລະ​ກິລາ​ການ​ທະຫານ, ​ແລກປ່ຽນ​ນາຍ​ທະຫານ​ໜຸ່ມ ​ແລະ ​ແພດສາດ; ຕັ້ງໜ້າ​ແລກປ່ຽນ ​ແລະ ຊອກ​ຫາ​ເນື້ອ​ໃນ​ການ​ຮ່ວມ​ມື​ໃໝ່​ທີ່​ເໝາະ​ສົມ​ກັບ​ຄວາມ​ຕ້ອງການ​ຂອງ​ແຕ່ລະ​ຝ່າຍ.

ສາກຕ້ອນຮັບ.

ທ່ານພົນເອກ Kim Myong Chol ຂອບອົກຂອບໃຈກະຊວງປ້ອງກັນປະເທດຫວຽດນາມ ຍາມໃດກໍ່ເອົາໃຈໃສ່, ຊຸກຍູ້ການພັດທະນາການຮ່ວມມືດ້ານປ້ອງກັນຊາດລະຫວ່າງສອງປະເທດ; ພ້ອມ​ກັນ​ນັ້ນ, ຢືນຢັນ​ໃນ​ຖານະ​ທີ່​ຕັ້ງ ​ແລະ ຄວາມ​ຮັບຜິດຊອບ​ຂອງ​ຕົນ, ຈະ​ມານະ​ພະຍາຍາມ​ຊຸກຍູ້ ​ແລະ ປະຕິບັດ​ບັນດາ​ເນື້ອ​ໃນ​ການ​ຮ່ວມ​ມື​ທີ່​ສອງ​ຝ່າຍ​ໄດ້​ຕົກລົງ, ປະກອບສ່ວນ​ສືບ​ຕໍ່​ເພີ່ມ​ທະວີ​ການ​ຮ່ວມ​ມື​ດ້ານ​ປ້ອງ​ກັນ​ປະ​ເທດ ຫວຽດນາມ - ສ.

ຂ່າວ ແລະ ພາບ: ANH VU

* ເຊີນທ່ານຜູ້ອ່ານເຂົ້າໄປເບິ່ງພາກສ່ວນ ການຕ່າງປະເທດຂອງກະຊວງປ້ອງກັນປະເທດ ເພື່ອເບິ່ງຂ່າວ ແລະ ບົດຄວາມທີ່ກ່ຽວຂ້ອງ.