ທ່ານນາຍົກລັດຖະມົນຕີ ຟ້າມບິ່ງມິງ ຕ້ອນຮັບລັດຖະມົນຕີການຕ່າງປະເທດລາວ

ຕອນບ່າຍວັນທີ 13 ກຸມພານີ້, ຢູ່ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຟ້າມບິ່ງມິງ ໄດ້ໃຫ້ການຕ້ອນຮັບທ່ານລັດຖະມົນຕີການຕ່າງປະເທດລາວ ທອງສະຫວັນ ພົມວິຫານ ທີ່ພວມຢ້ຽມຢາມຫວຽດນາມ ຢ່າງເປັນທາງການ.

ທ່ານນາຍົກລັດຖະມົນຕີ ຟ້າມບິ່ງມິງ ຕ້ອນຮັບທ່ານ ທອງສະຫວັນ ພົມວິຫານ ລັດຖະມົນຕີການຕ່າງປະເທດລາວ. ພາບ: ເຢືອງ/VNA

ທີ່ການພົບປະ, ທ່ານນາຍົກລັດຖະມົນຕີ ຟ້າມບິ່ງມິງ ໄດ້ຊົມເຊີຍສະຫາຍ ທອງສະຫວັນ ພົມວິຫານ ທີ່ໄດ້ຮັບການອະນຸມັດຈາກສະພາແຫ່ງຊາດລາວ ໃຫ້ດຳລົງຕຳແໜ່ງລັດຖະມົນຕີການຕ່າງປະເທດ; ເຊື່ອໝັ້ນວ່າ ດ້ວຍປະສົບການດ້ານການຕ່າງປະເທດອັນກ້ວາງຂວາງ, ສະຫາຍ ທອງສະຫວັນ ພົມວິຫານ ຈະສຳເລັດໜ້າທີ່ທີ່ໄດ້ຮັບມອບໝາຍ, ສືບຕໍ່ປະກອບສ່ວນເຂົ້າໃນພາລະກິດສ້າງສາ, ພັດທະນາ ແລະ ເຊື່ອມໂຍງເຂົ້າກັບສາກົນຂອງລາວຢ່າງເລິກເຊິ່ງກວ້າງຂວາງ, ປະກອບສ່ວນເພີ່ມທະວີການພົວພັນຮ່ວມມືລະຫວ່າງສອງກະຊວງການຕ່າງປະເທດ ຫວຽດນາມ ແລະ ລາວ.

ທ່ານນາຍົກລັດຖະມົນຕີ ຟ້າມບິ່ງມິງ ໄດ້ສະແດງຄວາມຂອບອົກຂອບໃຈຕໍ່ທ່ານນາຍົກລັດຖະມົນຕີ ລາວ ສອນໄຊ ສີພັນດອນ ທີ່ໄດ້ສົ່ງກະຕ່າດອກໄມ້ອວຍພອນປີໃໝ່ປີ 2025 ເນື່ອງໃນໂອກາດສະເຫຼີມສະຫຼອງ 95 ປີແຫ່ງວັນສ້າງຕັ້ງພັກກອມມູນິດຫວຽດນາມ; ຊົມເຊີຍບັນດາຜົນງານເຊິ່ງພັກ ແລະ ລັດລາວ ບັນລຸໄດ້ໃນໄລຍະມໍ່ໆມານີ້; ເຊື່ອໝັ້ນວ່າ, ພາຍໃຕ້ການນຳພາອັນສະຫຼາດສ່ອງໃສຂອງພັກປະຊາຊົນ ປະຕິວັດລາວ ແລະ ແນວທາງອັນເດັດດ່ຽວຂອງລັດຖະບານ, ປະຊາຊົນລາວຈະປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ 11 ຂອງພັກ, ກະກຽມ ແລະ ຈັດຕັ້ງກອງປະຊຸມໃຫຍ່ທຸກຂັ້ນໃຫ້ປະສົບຜົນສຳເລັດ, ມຸ່ງໄປເຖິງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ 12 ທີ່ຈະມາເຖິງ; ຢືນຢັນວ່າ ຫວຽດນາມ ພ້ອມແລ້ວທີ່ຈະໜູນຊ່ວຍລາວ ໃນເງື່ອນໄຂທີ່ໄດ້ຮັບການອະນຸຍາດດ້ວຍຈິດໃຈຍຸດຕິທຳ, ໂປ່ງໃສ, ເປັນອ້າຍນ້ອງໃນຄອບຄົວດຽວກັນເພື່ອພັດທະນາຮ່ວມກັນ.

ຍິນດີມາຢ້ຽມຢາມຫວຽດນາມຢ່າງເປັນທາງການ ແລະ ຂອບໃຈທ່ານນາຍົກລັດຖະມົນຕີ ຟ້າມບິ່ງມິງ ທີ່ໄດ້ສະຫງວນເວລາໃຫ້ການຕ້ອນຮັບຄະນະຜູ້ແທນ, ທ່ານນາຍົກລັດຖະມົນຕີການຕ່າງປະເທດ ທອງສະຫວັນ ພົມວິຫານ ເນັ້ນໜັກວ່າ ນີ້ສະແດງໃຫ້ເຫັນຄວາມຮູ້ສຶກພິເສດຂອງທ່ານນາຍົກລັດຖະມົນຕີ ທັງເປັນລັດຖະບານ ແລະ ປະຊາຊົນຫວຽດນາມ ທີ່ມີຕໍ່ລັດຖະບານ ແລະ ປະຊາຊົນລາວ ແລະ ທ່ານລັດຖະມົນຕີເປັນສ່ວນຕົວ; ສົ່ງຄຳອວຍພອນຂອງທ່ານ ສອນໄຊ ສີພັນດອນ ນາຍົກລັດຖະມົນຕີ ແລະ ການນຳຂັ້ນສູງຂອງລາວ ເຖິງທ່ານນາຍົກລັດຖະມົນຕີ ຟ້າມບິ່ງມິງ.

ທ່ານນາຍົກລັດຖະມົນຕີ ຟ້າມບິ່ງມິງ ເນັ້ນໜັກວ່າ: ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ແມ່ນສາຍພົວພັນ “ເອກະລັກ” ໃນໂລກ; ສະແດງຄວາມປິຕິຊົມຊື່ນທີ່ການຮ່ວມມືດ້ານເສດຖະກິດ, ການຄ້າ ແລະ ການລົງທຶນລະຫວ່າງສອງປະເທດສືບຕໍ່ພັດທະນາ ດ້ວຍວົງເງິນການຄ້າສອງຝ່າຍໃນປີ 2024 ບັນລຸ 2,25 ຕື້ USD, ເພີ່ມຂຶ້ນ 38,2% ເມື່ອທຽບໃສ່ປີ 2023 ແລະ ມຸ່ງໄປເຖິງວົງເງິນການຄ້າ 5 ຕື້ USD ໃນໄລຍະຈະມາເຖິງ. ຫວຽດນາມ ສືບຕໍ່ແມ່ນນັກລົງທຶນໃຫຍ່ອັນດັບ 3 ຢູ່ລາວ ດ້ວຍ 267 ໂຄງການດ້ວຍຍອດຈຳນວນທຶນຈົດທະບຽນ 5,7 ຕື້ USD, ໃນນັ້ນມີຫຼາຍໂຄງການເຄື່ອນໄຫວຢ່າງມີປະສິດທິຜົນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ - ສັງຄົມຂອງລາວ, ສ້າງວຽກເຮັດງານທຳ ແລະ ເພີ່ມລາຍຮັບໃຫ້ຄົນງານນັບພັນຄົນ, ເສີມຂະຫຍາຍລາຍຮັບງົບປະມານຂອງລາວ.

ຮັບຮູ້ໝາກຜົນແຫ່ງການພົວພັນຮ່ວມມືຢ່າງແໜ້ນແຟ້ນ ແລະ ມີປະສິດທິຜົນລະຫວ່າງກະຊວງການຕ່າງປະເທດ 2 ປະເທດໃນໄລຍະມໍ່ໆມານີ້, ພິເສດແມ່ນບັນດາການສົມທົບກັນເປັນຢ່າງດີໃນການຈັດຕັ້ງບັນດາການພົບປະຂັ້ນສູງ, ການພົວພັນ, ຮັກສາບັນດາກົນໄກຮ່ວມມືຢ່າງມີປະສິດທິຜົນ; ໃນການຊີ້ນຳປະຕິບັດວຽກງານການຕ່າງປະເທດຢ່າງມີປະສິດທິຜົນ, ປະສານສົມທົບ ແລະ ໜູນຊ່ວຍເຊິ່ງກັນ ແລະ ກັນຢູ່ບັນດາເວທີປາໄສ ແລະ ກົນໄກຫຼາຍຝ່າຍ, ທ່ານນາຍົກລັດຖະມົນຕີ ຟ້າມບິ່ງມິງ ເນັ້ນໜັກເຖິງບົດບາດສຳຄັນຂອງສອງກະຊວງການຕ່າງປະເທດ ໃນການຊຸກຍູ້ບັນດາອົງການທີ່ກ່ຽວຂ້ອງຂອງສອງປະເທດປະຕິບັດບັນດາຂໍ້ຕົກລົງຂັ້ນສູງ, ສົມທົບກັນແກ້ໄຂຄວາມຫຍຸ້ງຍາກ ແລະ ສິ່ງກີດຂວາງໃນການປະຕິບັດທຸກໂຄງການຮ່ວມມືສຳຄັນຂອງສອງປະເທດ.

ພ້ອມກັນນັ້ນ, ໄດ້ແນະນຳໃຫ້ກະຊວງການຕ່າງປະເທດຂອງສອງປະເທດສືບຕໍ່ປະຕິບັດບັນດາກົນໄກຮ່ວມມືທີ່ມີຢູ່ຢ່າງມີປະສິດທິຜົນລະຫວ່າງສອງພັກ, ສອງລັດຖະບານ ແລະ ລະຫວ່າງສອງກະຊວງການຕ່າງປະເທດ; ສະເໜີໃຫ້ກະຊວງການຕ່າງປະເທດລາວ ສືບຕໍ່ເປັນຂົວຕໍ່ຊຸກຍູ້ໃຫ້ບັນດາກະຊວງ, ຂະແໜງການທີ່ກ່ຽວຂ້ອງຂອງລາວ ສົມທົບກັນກວດກາຄືນ ແລະ ອອກກົນໄກໃໝ່ ເພື່ອແກ້ໄຂຄວາມຫຍຸ້ງຍາກຕິດພັນກັບການປະຕິຮູບສະຖາບັນ, ຊັບພະຍາກອນມະນຸດ, ການລົງທຶນ, ຍົກລະດັບການເຊື່ອມຕໍ່ພື້ນຖານໂຄງລ່າງ ແລະ ອື່ນໆ; ສືບຕໍ່ສ້າງເງື່ອນໄຂສະດວກ, ປັບປຸງສະພາບແວດລ້ອມແຫ່ງການລົງທຶນ ແລະ ດຳເນີນທຸລະກິດ, ແກ້ໄຂຄວາມຫຍຸ້ງຍາກຂອງວິສາຫະກິດຫວຽດນາມ ຢູ່ລາວ ໂດຍໄວ, ພິເສດແມ່ນໃນການປະຕິບັດພະລັງງານ, ບໍ່ແຮ່, ອຸດສາຫະກຳ, ການທ່ອງທ່ຽວ, ໂຄງການສຶກສາ ແລະ ອື່ນໆ; ຍູ້ແຮງການຜັນຂະຫຍາຍບັນດາໂຄງການຍຸດທະສາດ, ໂຄງການຄົມມະນາຄົມຂົນສົ່ງ, ເຊື່ອມຕໍ່ເສດຖະກິດສອງປະເທດ; ເພີ່ມທະວີການຮ່ວມມືລະຫວ່າງບັນດາທ້ອງຖິ່ນ; ສະໜັບສະໜູນ ແລະ ສົມທົບກັນຢ່າງແໜ້ນແຟ້ນຢູ່ບັນດາເວທີປາໄສພາກພື້ນ ແລະ ສາກົນ.

ເຫັນດີເປັນເອກະພາບຕໍ່ແນວທາງຂອງທ່ານນາຍົກລັດຖະມົນຕີ ຟ້າມບິ່ງມິງ, ລັດຖະມົນຕີການຕ່າງປະເທດ ທອງສະຫວັນ ພົມວິຫານ ຢືນຢັນວ່າ: ກະຊວງການຕ່າງປະເທດລາວ ຈະສືບຕໍ່ຮຽກຮ້ອງໃຫ້ບັນດາກະຊວງ, ຂະແໜງການ, ອົງການທີ່ກ່ຽວຂ້ອງຂອງລາວ ປະຕິບັດບັນດາຂໍ້ຕົກລົງຂັ້ນສູງຢ່າງມີປະສິດທິຜົນ, ໃນນັ້ນມີໝາກຜົນການພົບປະລະຫວ່າງ 2 ກົມໃຫຍ່ການເມືອງ ແລະ ກອງປະຊຸມຄັ້ງທີ 47 ສະໄໝທີ 47 ລະຫວ່າງລັດຖະບານ ຫວຽດນາມ - ລາວ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ-ລາວ ໃຫ້ມີຄວາມຂຽວສົດງົດງາມຕະຫຼອດໄປ.

ທີ່ມາ