ທ່ານນາຍົກລັດຖະມົນຕີ Pham Minh Chinh ພົບປະກັບທ່ານນາຍົກລັດຖະມົນຕີ ມາເລເຊຍ Anwar Ibrahim

ຕາມນັກຂ່າວພິເສດ VNA ໃຫ້ຮູ້ວ່າ, ວັນທີ 10 ຕຸລາ, ໃນໂອກາດເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 44 ແລະ 45 ແລະ ບັນດາກອງປະຊຸມສຸດຍອດທີ່ກ່ຽວຂ້ອງຢູ່ນະຄອນຫຼວງວຽງຈັນ, ລາວ, ທ່ານ ຟ້າມມີງຈິ້ງ ນາຍົກລັດຖະມົນຕີ ໄດ້ມີການພົບປະກັບທ່ານນາຍົກລັດຖະມົນຕີ ມາເລເຊຍ Anwar Ibrahim.

ທ່ານນາຍົກລັດຖະມົນຕີ Pham Minh Chinh ພົບປະກັບທ່ານນາຍົກລັດຖະມົນຕີ ມາເລເຊຍ Anwar Ibrahim. ພາບ: ເຢືອງ/VNA

ທີ່ການພົບປະ, ທ່ານນາຍົກລັດຖະມົນຕີ ຟ້າມບິ່ງມິງ ໄດ້ສະແດງຄວາມຂອບໃຈຕໍ່ ມາເລເຊຍ ຜ່ານສູນປະສານງານ ອາຊຽນ ເພື່ອໜູນຊ່ວຍມະນຸດສະທຳ, ໜູນຊ່ວຍຫວຽດນາມ ຜ່ານຜ່າຜົນຮ້າຍຢ້ອນຫຼັງຈາກພະຍຸເລກ 3, ເນັ້ນໜັກວ່າ ນີ້ແມ່ນການເຄື່ອນໄຫວທີ່ມີຄວາມໝາຍທີ່ສຸດ, ສະແດງໃຫ້ເຫັນນ້ຳໃຈສາມັກຄີ ແລະ ເປັນເອກະພາບຂອງບັນດາປະເທດສະມາຊິກ ອາຊຽນ.

ທ່ານນາຍົກລັດຖະມົນຕີ 2 ທ່ານ ຕີລາຄາສູງບັນດາຄວາມມານະພະຍາຍາມຂອງບັນດາກະຊວງ, ຂະແໜງການຂອງສອງປະເທດໃນການປະຕິບັດບັນດາເນື້ອໃນທີ່ໄດ້ຕົກລົງ, ປະກອບສ່ວນເຮັດໃຫ້ການພົວພັນຄູ່ຮ່ວມມືຍຸດທະສາດ ຫວຽດນາມ - ມາເລເຊຍ ເລິກເຊິ່ງກວ່າອີກ.

ປຶກສາຫາລືກ່ຽວກັບທິດທາງການຮ່ວມມືໃນໄລຍະຈະມາເຖິງ, 2 ຝ່າຍໄດ້ເຫັນດີເພີ່ມທະວີການແລກປ່ຽນຄະນະຜູ້ແທນຂັ້ນສູງ; ປະຕິບັດບັນດາກົນໄກຮ່ວມມືຂອງສອງປະເທດຢ່າງມີປະສິດທິຜົນ, ໃນນັ້ນມີຄະນະກຳມະການການຄ້າຮ່ວມຫວຽດນາມ - ມາເລເຊຍ ຮັກສາຈັງຫວະການເຕີບໂຕດ້ານການຄ້າ (8 ເດືອນຕົ້ນປີ 2024 ບັນລຸເກືອບ 10 ຕື້ USD, ເພີ່ມຂຶ້ນ 25% ເມື່ອທຽບໃສ່ໄລຍະດຽວກັນຂອງປີກາຍ); ໄດ້ເຫັນດີສືບຕໍ່ລົງເລິກການຮ່ວມມືໃນຂົງເຂດຄວາມໝັ້ນຄົງ, ການສຶກສາ, ການບິນ, ການທ່ອງທ່ຽວ ແລະ ຂົງເຂດໃໝ່ຄື ເສດຖະກິດສີຂຽວ ແລະ ເສດຖະກິດດີຈີຕອນ ເພື່ອແນໃສ່ນຳການພົວພັນລະຫວ່າງສອງປະເທດຂຶ້ນສູ່ລະດັບສູງໃໝ່.

ທ່ານນາຍົກລັດຖະມົນຕີ ຟ້າມບິ່ງມິງ ຕີລາຄາສູງກະຊວງປ້ອງກັນປະເທດສອງປະເທດ ຕັ້ງໜ້າປະຕິບັດບົດບັນທຶກຄວາມເຂົ້າໃຈກ່ຽວກັບການຮ່ວມມືດ້ານປ້ອງກັນຊາດສອງຝ່າຍທີ່ໄດ້ລົງນາມໃນເດືອນທັນວາ 2023; ສະເໜີໃຫ້ລົງນາມໃນບັນດາຂໍ້ຕົກລົງຮ່ວມມືໃນບັນດາຂົງເຂດທີ່ຕ່າງຝ່າຍຕ່າງມີຜົນປະໂຫຍດເຊັ່ນ: ຄວາມໝັ້ນຄົງ, ການສຶກສາ, ການບິນ.

ທ່ານນາຍົກລັດຖະມົນຕີ ຟ້າມບິ່ງມິງ ກໍ່ສະເໜີໃຫ້ 2 ຝ່າຍສ້າງຕັ້ງກົນໄກປຶກສາຫາລື, ຄຸ້ມຄອງທະເລ, ປະຕິບັດຕໍ່ກຳປັ່ນຫາປາ ແລະ ຊາວປະມົງຢ່າງມີມະນຸດຕາມກົດໝາຍສາກົນ ແລະ ການພົວພັນທີ່ດີລະຫວ່າງ 2 ປະເທດ.

ທ່ານນາຍົກລັດຖະມົນຕີ Anwar Ibrahim ໄດ້ເຫັນດີກັບຂໍ້ສະເໜີຂອງທ່ານນາຍົກລັດຖະມົນຕີ Pham Minh Chinh ເພື່ອນຳການພົວພັນລະຫວ່າງ 2 ປະເທດຂຶ້ນສູ່ລະດັບສູງໃໝ່ໂດຍໄວ; ຢືນຢັນຄວາມພ້ອມທີ່ຈະສົມທົບກັບຫວຽດນາມ ຊຸກຍູ້ການຮ່ວມມືຮອບດ້ານໃນທຸກຂົງເຂດ, ໃນນັ້ນມີຄວາມໝັ້ນຄົງ - ປ້ອງກັນຊາດ, ການຄ້າ - ການລົງທຶນ, ເສດຖະກິດທາງທະເລ ແລະ ໜູນຊ່ວຍ ຫວຽດນາມ ເພື່ອຍົກເລີກບັດເຫຼືອງຂອງຄະນະກຳມະການເອີລົບ ກ່ຽວກັບການຫາປາຜິດກົດໝາຍ, ບໍ່ມີລາຍງານ ແລະ ບໍ່ມີລະບຽບການ (IUU).

ກ່ຽວກັບບັນຫາພາກພື້ນ, ທ່ານນາຍົກລັດຖະມົນຕີ ຟ້າມບິ່ງມິງ ຕີລາຄາສູງການສົມທົບຂອງມາເລເຊຍ ໃນການສ້າງປະຊາຄົມອາຊຽນແບບຍືນຍົງ ດ້ວຍບົດບາດໃຈກາງໃນຂະບວນການພາກພື້ນ; ຢືນຢັນວ່າ ຫວຽດນາມ ໃຫ້ຄຳໝັ້ນສັນຍາສະໜັບສະໜູນມາເລເຊຍ ໃນບົດບາດເປັນປະທານອາຊຽນ 2025 ແລະ ປະຕິບັດວິໄສທັດປະຊາຄົມອາຊຽນ 2045.

ທີ່ມາ