ຂໍ້ມູນບໍ່ຖືກຕ້ອງກ່ຽວກັບເຂົ້າ ST24 ແລະ ST25 ທີ່ສົ່ງອອກໄປເອີຣົບ

ຫວ່າງມໍ່ໆມານີ້, ບາງອົງການຂ່າວໄດ້ລາຍງານວ່າ, ເຂົ້າຫອມສອງຊະນິດຄື ST24 ແລະ ST25 ໄດ້ຮັບການຊຸກຍູ້ດ້ານພາສີສົ່ງອອກໄປຕະຫຼາດ EU. ກົມຮ່ວມມືສາກົນ (ກະຊວງກະສິກຳ ແລະ ພັດທະນາຊົນນະບົດ) ຢືນຢັນວ່າ ຂໍ້ມູນນີ້ແມ່ນບໍ່ຖືກຕ້ອງ.

ຕາມກະຊວງກະສິກຳ ແລະ ພັດທະນາຊົນນະບົດແລ້ວ, ເຂົ້າສານ ST24 ແລະ ST25 ຍັງບໍ່ທັນໄດ້ຖືກຈັດເຂົ້າໃນບັນຊີລາຍຊື່ເຂົ້າຫອມທີ່ໄດ້ຮັບການບຸລິມະສິດພາສີສົ່ງອອກໄປ EU (ຮູບພາບຕາມໜັງສືພິມ NNVN).

ຕາມສຳນັກງານການຄ້າຫວຽດນາມປະຈຳແບນຊິກແລ້ວ, ຍ້ອນຂໍ້ມູນບໍ່ຖືກຕ້ອງ, ຫວ່າງມໍ່ໆມານີ້, ບາງວິສາຫະກິດສົ່ງອອກເຂົ້າໄປ EU ໄດ້ຍົກອອກມາວ່າ, ເຂົ້າສານ ST24 ແລະ ST25 ນຳເຂົ້າ EU ໂດຍວິສາຫະກິດຍັງບໍ່ທັນໄດ້ຮັບການຈູງໃຈດ້ານພາສີຕາມການລາຍງານຂອງນັກຂ່າວ.

ກະຊວງກະສິກຳ ແລະ ພັດທະນາຊົນນະບົດໃຫ້ຮູ້ວ່າ: ປະຈຸບັນ, ມີແຕ່ 9 ແນວພັນເຂົ້າຫອມທີ່ໄດ້ຮັບການໜູນຊ່ວຍດ້ານພາສີພາຍໃນໂຄຕາເມື່ອສົ່ງອອກໄປຍັງ EU, ລວມມີ: Jasmine85, ST5, ST20, Nang Hoa 9, VD20, RVT, OM4900, OM5451 ແລະ ໄຕຫງວຽນດ່າວ. ເຂົ້າປະເພດນີ້ແມ່ນໄດ້ຮັບການຍູ້ແຮງດ້ານພາສີຕາມຂໍ້ຕົກລົງໃນຂອບເຂດການປະຕິບັດສັນຍາການຄ້າເສລີຫວຽດນາມ - EU.

ພາຍຫຼັງ 4 ປີແຫ່ງການປະຕິບັດສັນຍາສະບັບນີ້, ຫວຽດນາມ ສະເໜີປັບບັນຊີລາຍການເຂົ້າຫອມລະເຫີຍທີ່ສົ່ງອອກໄປອີຢູ ຂຶ້ນເປັນອັດຕາພາສີ 0%, ແຕ່ມາຮອດປະຈຸບັນ, 2 ຝ່າຍຍັງບໍ່ທັນບັນລຸໄດ້ຂໍ້ຕົກລົງສຸດທ້າຍ, ສະນັ້ນ, ແນວພັນເຂົ້າຫອມລະເຫີຍໄດ້ບໍ່ຖືກເພີ່ມເຂົ້າໃນບັນຊີລາຍຊື່ແນວພັນເຂົ້າຫອມລະເຫີຍທີ່ໄດ້ຮັບການຊຸກຍູ້ດ້ານພາສີໃນໂກຕ້າສົ່ງອອກໄປຍັງຕະຫຼາດ ອີຢູ.

Van PHUC

ທີ່ມາ

: EVFTA ເຂົ້າ ST25 ກົມຮ່ວມມືສາກົນ ສັນຍາການຄ້າ

(0)

No data