ກຳປັ່ນບັນທຸກ LNG 70,000 ໂຕນ ເພື່ອຜະລິດກະແສໄຟຟ້າ 500 ລ້ານກິໂລວັດໂມງ ຢູ່ທ່າເຮືອ PV GAS

ກປ.ອອນໄລ - ວັນທີ 11 ເມສາ, ກໍາປັ່ນ Al Jassasiya ຈາກ Ras Laffan, ປະເທດ ກາຕາ ໄດ້ເຂົ້າຈອດຢູ່ສາງທ່າເຮືອ PV GAS ຢູ່ແຂວງ Phu My (ແຂວງ Ba Ria – Vung Tau), ລໍາລຽງ LNG (ອາຍແກັສທໍາມະຊາດແຫຼວ) ເກືອບ 70.000 ໂຕນ ເພື່ອສະໜອງໃຫ້ກຸ່ມບໍລິສັດໄຟຟ້າຫວຽດນາມ (EVN).

ກ່ອນໜ້ານີ້, ບໍລິສັດ PV GAS ແລະ EVN ມີສັນຍາສະໜອງ LNG ເກືອບ 70.000 ໂຕນ ໂດຍປະຕິບັດຕາມຄຳສັ່ງຂອງນາຍົກລັດຖະມົນຕີ ກ່ຽວກັບການຮັບປະກັນການສະໜອງໄຟຟ້າ, ຖ່ານຫີນ ແລະ ອາຍແກັສ ເພື່ອຜະລິດກະແສໄຟຟ້າໃນໄລຍະຈະມາເຖິງ, ໂດຍສະເພາະໃນລະດູແລ້ງປີ 2024 ສູງສຸດ.

ປະລິມານ LNG ຂ້າງເທິງນີ້ ແມ່ນຈະສະໜອງໃຫ້ໂຮງງານໄຟຟ້າພະລັງຄວາມຮ້ອນ Phu My 3 ໃນໄລຍະເດືອນເມສາ ຫາ ພຶດສະພາ 2024 ເພື່ອຜະລິດລະບົບໄຟຟ້າຕື່ມອີກ 500 ລ້ານກິໂລວັດໂມງ.

ຕາມ PV GAS ແລ້ວ, ການບຸກເບີກນຳໃຊ້ LNG ເພື່ອຜະລິດກະແສໄຟຟ້າຢູ່ ຫວຽດນາມ ໃນສະພາບການແຫຼ່ງນ້ຳມັນເຊື້ອໄຟອື່ນໆ ປະສົບກັບຄວາມຫຍຸ້ງຍາກ, ຢືນຢັນຄຳໝັ້ນສັນຍາຂອງ PV GAS ຮັບປະກັນຄວາມໝັ້ນຄົງດ້ານພະລັງງານ ແລະ ແຫຼ່ງນ້ຳມັນເຊື້ອໄຟໃຫ້ແກ່ການຜະລິດກະແສໄຟຟ້າຂອງປະເທດ. ເຊັ່ນດຽວກັນກັບການສະແດງອອກຢ່າງແຂງແຮງຂອງຈິດໃຈຂອງ "ພະລັງງານແຮງບັນດານໃຈປະດິດສ້າງ" ໃນການເດີນທາງພະລັງງານສີຂຽວຂອງ PV GAS.

ມາຮອດປະຈຸບັນ, PV GAS ແມ່ນວິສາຫະກິດທຳອິດ ແລະ ແຫ່ງດຽວທີ່ມີຄຸນນະພາບການນຳເຂົ້າ ແລະ ສົ່ງອອກ LNG; ພ້ອມກັນນັ້ນ, ກໍເປັນເຈົ້າຂອງລະບົບພື້ນຖານໂຄງລ່າງທ່າກຳປັ່ນ LNG ທີ່ສົມບູນຢູ່ຫວຽດນາມ, ເລີ່ມເຄື່ອນໄຫວຢ່າງເປັນທາງການແຕ່ເດືອນ 7/2023.

ທີ່ມາ