ເສີມຂະຫຍາຍການເຊື່ອມຕໍ່ເຕັກໂນໂລຢີ

ກອງປະຊຸມປຶກສາຫາລືການຄ້າແລະການລົງທຶນວິທະຍາສາດເຕັກໂນໂລຊີຈີນ-ອາຊຽນຄັ້ງທຳອິດໄດ້ຈັດຂຶ້ນຢູ່ປັກກິ່ງໃນຫວ່າງມໍ່ໆນີ້, ພາຍໃນຂອບເຂດງານວາງສະແດງອຸດສາຫະກຳວິທະຍາສາດເຕັກໂນໂລຊີສາກົນປັກກິ່ງຄັ້ງທີ 26 (13-16 ກໍລະກົດນີ້ຢູ່ປັກກິ່ງ).

ກອງປະຊຸມໄດ້ນຳເອົາການນຳລັດຖະບານ ແລະ ບັນດາກະຊວງຈາກ 5 ປະເທດອາຊຽນ (ສິງກະໂປ, ອິນໂດເນເຊຍ, ມາເລເຊຍ, ໄທ ແລະຫວຽດນາມ) ເຂົ້າຮ່ວມແລະແລກປ່ຽນ, ສະແຫວງຫາກາລະໂອກາດການພັດທະນາຢູ່ບັນດາປະເທດອາຊີຕາເວັນອອກສ່ຽງໃຕ້ ແລະ ເສີມຂະຫຍາຍການເຊື່ອມຕໍ່ລະບົບນິເວດເຕັກໂນໂລຊີລະຫວ່າງຈີນກັບບັນດາປະເທດອາຊຽນ.

ອາຊຽນແມ່ນໜຶ່ງໃນຄູ່ຮ່ວມມືການຄ້າໃຫຍ່ຂອງປັກກິ່ງ. ປີ 2023, ມູນຄ່າການນຳເຂົ້າແລະສົ່ງອອກຈີນ-ອາຊຽນຈະບັນລຸປະມານ 34,9 ຕື້ໂດລາສະຫະລັດ, ຖັດຈາກສະຫະພາບເອີຣົບ (ອີຢູ) ແລະ ອາເມລິກາ.

ນະຄອນຫຼວງປັກກິ່ງກ່າວວ່າ, ປັກກິ່ງມີທ່າໄດ້ປຽບຢ່າງກວ້າງຂວາງໃນຂົງເຂດການຜະລິດອັດສະລິຍະ, ພະລັງງານໃໝ່, ການແພດແລະອື່ນໆ; ປາດຖະໜາຢາກເພີ່ມທະວີການເຊື່ອມຕໍ່ອຸດສາຫະກຳກັບບັນດາປະເທດ ອາຊຽນ, ຊຸກຍູ້ການເຊື່ອມໂຍງຢ່າງເລິກເຊິ່ງລະຫວ່າງ 2 ຝ່າຍໃນບັນດາຂົງເຂດອຸດສາຫະກຳ, ຕ່ອງໂສ້ການສະໜອງ, ຕ່ອງໂສ້ຄຸນຄ່າ ແລະ ອື່ນໆ; ພ້ອມກັນນັ້ນ, ສົມທົບກັນສ້າງກຸ່ມອຸດສາຫະກຳທີ່ມີຄວາມສາມາດແກ່ງແຍ້ງສາກົນ.

ທ່າມກາງການແຂ່ງຂັນດ້ານເທັກໂນໂລຍີຂອງສະຫະລັດ-ຈີນຢ່າງຕໍ່ເນື່ອງ, ຈີນໄດ້ຮັບຮູ້ເຖິງຄວາມສຳຄັນຂອງການພົວພັນຄູ່ຮ່ວມມືທົ່ວໂລກ ແລະ ໄດ້ຫັນປ່ຽນຈຸດສຸມໄປສູ່ປະເທດຕ່າງໆ, ໂດຍຜ່ານນະໂຍບາຍ “ການທູດປະເທດເພື່ອນບ້ານ”.

ອາຊຽນໄດ້ກາຍເປັນຄູ່ຮ່ວມມືຍຸດທະສາດທີ່ສຳຄັນຂອງຈີນ. ພູມສາດແລະວັດທະນະທໍາຂອງອາຊຽນໃກ້ຄຽງກັບຈີນ, ປະຊາກອນທີ່ເພີ່ມຂຶ້ນແລະເສດຖະກິດທີ່ສົດໃສແມ່ນຈຸດທີ່ສໍາຄັນທີ່ເຮັດໃຫ້ກຸ່ມທີ່ດຶງດູດການຂອງຈີນ.

ຍິ່ງໄປກວ່ານັ້ນ, ນັບແຕ່ປີ 2013 ເປັນຕົ້ນມາ, ດ້ວຍຂໍ້ລິເລີ່ມໜຶ່ງແລວທາງໜຶ່ງເສັ້ນທາງ (BRI) ເຊິ່ງເປັນພື້ນຖານໃຫ້ແກ່ການເປີດກວ້າງການຮ່ວມມືທົ່ວໂລກຂອງຈີນ, ປະເທດນີ້ໄດ້ໃຫ້ບຸລິມະສິດແກ່ອາຊີຕາເວັນອອກສ່ຽງໃຕ້ ແລະ ຊຸກຍູ້ການພົວພັນທີ່ໃກ້ຊິດກວ່າ.

ເສັ້ນທາງສາຍໄໝດິຈິຕອລ, ໃນຖານະເປັນການຂະຫຍາຍ BRI, ໄດ້ສະແດງໃຫ້ເຫັນວິໄສທັດຂອງຈີນໃນການຂະຫຍາຍຄວາມກ້າວໜ້າດ້ານເຕັກໂນໂລຊີ ແລະ ດິຈິຕອລໃຫ້ເກີນຂອບເຂດຂອງຕົນ, ໂດຍສະເພາະແມ່ນເຂດອາຊີຕາເວັນອອກສຽງໃຕ້.

ຄານມິນ

ທີ່ມາ: https://www.sggp.org.vn/tang-cuong-ket-noi-cong-nghe-post749479.html