​ເຂົ້າ​ຮ່ວມ​ລາຍການ​ມີ​ບັນດາ​ເຈົ້າ​ໜ້າ​ທີ່​ລັດຖະບານ ຫວຽດນາມ ​ແລະ ​ເຢຍລະ​ມັນ, ສະຖານທູດ ຫວຽດນາມ ປະຈຳ ​ເຢຍລະ​ມັນ, ການ​ນຳ​ບັນດາ​ທ້ອງ​ຖິ່ນ​ທີ່​ເຂົ້າ​ຮ່ວມ​ໂຄສະນາ​ການທ່ອງທ່ຽວ ຫວຽດນາມ, ບໍລິສັດ​ການບິນ ຫວຽດນາມ, ກຸ່ມ​ບໍລິສັດ​ທ່ອງ​ທ່ຽວ Saigontourist, ບັນດາ​ວິ​ສາ​ຫະກິດ​ທ່ອງ​ທ່ຽວ ​ແລະ ການບິນ​ຢູ່ ​ເຢຍລະ​ມັນ ​ແລະ ​ເອີ​ລົບ, ບັນດາ​ອົງການ​ສື່​ມວນ​ຊົນ​ຂອງ 2 ປະ​ເທດ.

01 SGTourist.jpg
ກຸ່ມບໍລິສັດທ່ອງທ່ຽວ Saigontourist, Vietnam Airlines, Studiosus Reisen Muenchen GmbH (ເຢຍລະມັນ) ໄດ້ລົງນາມໃນສັນຍາຮ່ວມມື. ພາບ: Vietnam Airlines

ສຸມໃສ່ເຮັດວຽກງານ, ເຊື່ອມຕໍ່ການພັດທະນາການບໍລິການພ້ອມກັບການລົງນາມໃນການຮ່ວມມືສອງຝ່າຍ, “ໂຄງການສົ່ງເສີມການທ່ອງທ່ຽວ ຫວຽດນາມ - ເອີຣົບ” ແມ່ນເຫດການສຳຄັນ, ເປັນຂີດໝາຍບາດກ້າວໃໝ່ໃນຄວາມມານະພະຍາຍາມຊຸກຍູ້ຮູບພາບການທ່ອງທ່ຽວຫວຽດນາມ ໄປສູ່ຕະຫຼາດເອີຣົບ, ພ້ອມທັງເປີດກາລະໂອກາດຮ່ວມມືຢ່າງກ້ວາງຂວາງລະຫວ່າງວິສາຫະກິດທ່ອງທ່ຽວ ແລະ ອຸດສາຫະກຳການບິນຂອງສອງຝ່າຍ. ນີ້​ກໍ່​ແມ່ນ​ໂອກາດ​ເພື່ອ​ໃຫ້​ຂະ​ແໜງ​ທ່ອງ​ທ່ຽວ ຫວຽດນາມ ​ໂຄສະນາ ​ແລະ ແນະນຳ​ບັນດາ​ຈຸດໝາຍ​ທ່ອງ​ທ່ຽວ​ທີ່​ເປັນ​ມິດ, ດຶງ​ດູດ ​ແລະ ປອດ​ໄພ​ໃຫ້​ບັນດາ​ຕະຫຼາດ​ສຳຄັນ​ຂອງ​ເອີ​ລົບ ​ໂດຍ​ທົ່ວ​ໄປ ​ແລະ ຕະຫຼາດ​ເຢຍລະ​ມັນ​ເວົ້າ​ສະ​ເພາະ.

“ພວກ​ຂ້າພະ​ເຈົ້າ​ດີ​ໃຈ​ທີ່​ໄດ້​ສືບ​ຕໍ່​ຮ່ວມ​ກັບ​ບໍລິສັດ​ການບິນ ຫວຽດນາມ ​ເພື່ອ​ຈັດ​ຕັ້ງ​ເຫດການ​ນີ້​ຢູ່ Munich, ​ແມ່ນ​ໜຶ່ງ​ໃນ​ບັນດາ​ສູນ​ເສດຖະກິດ ​ແລະ ວັດທະນະທຳ​ທີ່​ສຳຄັນ​ຂອງ​ເອີ​ລົບ. ​ເຊື່ອ​ໝັ້ນ​ວ່າ ຜ່ານ​ເຫດການ​ນີ້, ນັກ​ທ່ອງ​ທ່ຽວ​ເອີ​ລົບ ນັບ​ມື້​ນັບ​ຈະ​ມາ​ທ່ຽວ​ຊົມ​ຄວາມ​ງາມ​ຂອງ​ຫວຽດນາມ ​ແລະ ​ເລືອກ​ເອົາ ຫວຽດນາມ ​ເປັນ​ສະຖານ​ທີ່​ທ່ອງ​ທ່ຽວ​ອັນ​ດັບ​ໜຶ່ງ,” ທ່ານ ຟ້າ​ມຮ່ວາຍ​ບິ່ງ, ປະທານ​ກຸ່ມ​ທ່ອງ​ທ່ຽວ Saigon ຢືນຢັນ.

02 SGTourist.jpg
ກຸ່ມບໍລິສັດທ່ອງທ່ຽວ Saigontourist, Vietnam Airlines, Kuoni Global Travel Services (ສະວິດເຊີແລນ) ລົງນາມການຮ່ວມມື. ພາບ: Vietnam Airlines

ທ່ານ ເລ​ດຶກ​ແຄງ, ຮອງ​ຜູ້​ອຳ​ນວຍ​ການ​ໃຫຍ່​ບໍ​ລິ​ສັດ​ການ​ບິນ​ຫວຽດ​ນາມ ກ່າວ​ວ່າ: “ນັບ​ແຕ່​ຖ້ຽວ​ບິນ​ທຳ​ອິດ​ໃນ​ປີ 2004, Vietnam Airlines ໄດ້​ເພີ່ມ​ຄວາມ​ຖີ່ ແລະ​ນຳ​ໃຊ້​ເຮືອ​ບິນ​ທີ່​ທັນ​ສະ​ໄໝ​ທີ່​ສຸດ ເພື່ອ​ຕອບ​ສະ​ໜອງ​ຄວາມ​ຕ້ອງ​ການ​ຂອງ​ຜູ້​ໂດຍ​ສານ​ທີ່​ເພີ່ມ​ຂຶ້ນ​ໃນ​ສອງ​ທົດ​ສະ​ວັດ​ຜ່ານ​ມາ. ມາ​ຮອດ​ປະຈຸ​ບັນ, ພວກ​ເຮົາ​ພວມ​ດຳ​ເນີນ​ຖ້ຽວ​ບິນ​ໂດຍ​ກົງ 4 ຖ້ຽວ​ທີ່​ເຊື່ອມ​ຕໍ່​ຮ່າ​ໂນ້ຍ ​ແລະ ນະຄອນ​ໂຮ່ຈິ​ມິນ ກັບ 2 ນະຄອນ​ໃຫຍ່​ຂອງ​ເຢຍລະ​ມັນ, Frankfurt ​ແລະ Munich, ດ້ວຍ​ຄວາມ​ຖີ່​ຂອງ​ການ​ບິນ​ທັງ​ໝົດ 14 ຖ້ຽວ​ຕໍ່​ອາທິດ. ຖ້ຽວບິນທັງໝົດແມ່ນດຳເນີນງານໂດຍເຮືອບິນລຳກວ້າງ ທີ່ມີການບໍລິການຄຸນນະພາບສູງຕາມມາດຕະຖານສາກົນ.

03 SGTourist.jpg
ໂຄງ​ການ​ດັ່ງ​ກ່າວ​ແມ່ນ​ຫນຶ່ງ​ໃນ​ກິດ​ຈະ​ກໍາ​ສົ່ງ​ເສີມ​ການ​ທ່ອງ​ທ່ຽວ​ທີ່​ໃຫຍ່​ທີ່​ສຸດ​ໃນ​ເອີ​ຣົບ​. ພາບ: Vietnam Airlines

ເນື່ອງ​ໃນ​ໂອ​ກາດ​ເປີດ​ເສັ້ນ​ທາງ​ໃໝ່ ຮ່າ​ໂນ້ຍ - ມິ​ວ​ນິກ ໃນ​ວັນ​ທີ 5/10/2024 ແລະ ນະ​ຄອນ ໂຮ່​ຈີ​ມິນ - Munich, ສາຍ​ການ​ບິນ​ຫວຽດ​ນາມ ໄດ້​ນຳ​ໃຊ້​ບັນ​ດາ​ໂຄງ​ການ​ສົ່ງ​ເສີມ​ທີ່​ໜ້າ​ສົນ​ໃຈ.

ຈຸດພິເສດຂອງ “ໂຄງການສົ່ງເສີມການທ່ອງທ່ຽວ ຫວຽດນາມ - ເອີຣົບ” ແມ່ນກຸ່ມບໍລິສັດທ່ອງທ່ຽວ Saigontourist ແລະ Vietnam Airlines ໄດ້ລົງນາມໃນສັນຍາຮ່ວມມືສຳຄັນກັບ 2 ກຸ່ມທ່ອງທ່ຽວຊັ້ນນຳຂອງເອີຣົບ ຄື Studiosus Reisen Muenchen GmbH (ເຢຍລະມັນ) ແລະ ບໍລິສັດ Kuoni Global Travel Services (ສະວິດເຊີແລນ). ຕາມນັ້ນແລ້ວ, ກຸ່ມບໍລິສັດທ່ອງທ່ຽວ Saigontourist, Vietnam Airlines ແລະ Studiosus Reisen Muenchen GmbH (ເຢຍລະມັນ) ແລະ ບໍລິສັດ Kuoni Global Travel Services (ສະວິດ) ຈະສົມທົບກັນພັດທະນາ ແລະ ໂຄສະນາບັນດາຜະລິດຕະພັນການທ່ອງທ່ຽວທີ່ເໝາະສົມກັບແຂກທ່ອງທ່ຽວ ຫວຽດນາມ ແລະ ເອີລົບ, ຊຸກຍູ້ການພັດທະນາການທ່ອງທ່ຽວ 2 ຝ່າຍ, ນຳນັກທ່ອງທ່ຽວ ເອີລົບ ມາ ຫວຽດນາມ ແລະ ນຳນັກທ່ອງທ່ຽວ ຫວຽດນາມ ມາຢ້ຽມຢາມ ແລະ ທ່ອງທ່ຽວ ເອີລົບ. ການ​ຮ່ວມ​ມື​ນີ້​ເປັນ​ຂີດ​ໝາຍ​ການ​ເຊື່ອມ​ໂຍງ​ຢ່າງ​ແໜ້ນ​ແຟ້ນລະຫວ່າງ​ບັນດາ​ຝ່າຍ, ​ເພື່ອ​ແນ​ໃສ່​ພັດທະນາ​ບັນດາ​ຜະລິດ​ຕະພັນ​ການທ່ອງທ່ຽວ​ຄຸນ​ນະພາ​ບສູງ, ຮັບ​ໃຊ້​ຄວາມ​ຕ້ອງການ​ຂອງ​ນັກ​ທ່ອງ​ທ່ຽວ​ຈາກ​ຕະຫຼາດ ​ເຢຍລະ​ມັນ ​ເວົ້າ​ສະ​ເພາະ ​ແລະ ​ເອີ​ລົບ ​ໂດຍ​ທົ່ວ​ໄປ​ມາ​ຍັງ ຫວຽດນາມ ​ແລະ ກົງກັນຂ້າມ.

04 SGTourist.jpg
ນອກຈາກ​ການ​ໂຄສະນາ​ການທ່ອງທ່ຽວ​ແລ້ວ, ງານ​ລ້ຽງ​ອາຫານ​ຄ່ຳ Gala ຍັງ​ມີ​ການສະ​ແດງ​ສິລະ​ປະ​ພື້ນ​ເມືອງ​ຂອງ​ຫວຽດນາມ ​ແລະ ບັນດາ​ລາຍການ​ສະ​ແດງ​ສິລະ​ປະ​ເພື່ອ​ດຶງ​ດູດ​ນັກ​ທ່ອງ​ທ່ຽວ. ພາບ: Vietnam Airlines

​ໃນ​ໂອກາດ​ນີ້, ກຸ່ມ​ບໍລິສັດ​ທ່ອງ​ທ່ຽວ Saigontourist ​ໄດ້​ອະນຸຍາດ​ໃຫ້​ບໍລິສັດ​ບໍລິການ​ທ່ອງ​ທ່ຽວ Saigontourist (ບໍລິສັດ​ຍ່ອຍ​ຂອງ​ກຸ່ມ Saigontourist) ​ແລະ Vietnam Airlines ລົງ​ນາມ​ໃນ​ສັນຍາ​ຮ່ວມ​ມື​ທີ່​ສຳຄັນ​ກັບ Kuoni Global Travel Services. ພາກສ່ວນຕ່າງໆຈະຮ່ວມກັນປັບປຸງການບໍລິການ ແລະ ຍົກສູງຄວາມຮັບຮູ້ຂອງຍີ່ຫໍ້ຜ່ານການເຄື່ອນໄຫວການຕະຫຼາດ ແລະ ການສົ່ງເສີມຮ່ວມກັນໃນຊ່ອງທາງການຕະຫຼາດຂອງແຕ່ລະຝ່າຍ. ການ​ຮ່ວມ​ມື​ນີ້​ເປີດ​ກາລະ​ໂອກາດ​ໃຫ້​ແກ່​ການ​ຮ່ວມ​ມື​ຮອບດ້ານ, ສຸມ​ໃສ່​ພັດທະນາ​ບັນດາ​ຜະລິດ​ຕະພັນ​ທ່ອງ​ທ່ຽວ​ທີ່​ຫຼາກ​ຫຼາຍ, ຕອບ​ສະໜອງ​ຄວາມ​ຕ້ອງການ​ຂອງ​ນັກ​ທ່ອງ​ທ່ຽວ​ສະ​ວິດ ​ແລະ ບັນດາ​ຕະຫຼາດ​ເອີ​ລົບ​ອື່ນໆ. ດ້ວຍ​ເຄືອ​ຂ່າຍ​ລູກ​ຄ້າ​ໃຫຍ່​ໃນ​ທົ່ວ​ໂລກ, ບໍ​ລິ​ການ​ທ່ອງ​ທ່ຽວ​ໂລກ Kuoni ຈະ​ໜູນ​ຊ່ວຍ​ໂຄ​ສະ​ນາ​ຮູບ​ພາບ​ການ​ທ່ອງ​ທ່ຽວ​ຫວຽດ​ນາມ​ໃຫ້​ບັນ​ດາ​ຕະ​ຫຼາດ​ເຫຼົ່າ​ນີ້.

03 SGTourist.jpg

ບູດຂອງກຸ່ມບໍລິສັດທ່ອງທ່ຽວ Saigontourist ໄດ້ຕ້ອນຮັບນັກທຸລະກິດຊາວເອີຣົບຫຼາຍຄົນ. ພາບ: Vietnam Airlines

ທ່ານ Pham Huy Binh ຕີລາຄາວ່າ, ການລົງນາມໃນສັນຍາຮ່ວມມືຂ້າງເທິງບໍ່ພຽງແຕ່ແມ່ນຂີດໝາຍສຳຄັນໃນການພົວພັນຮ່ວມມືລະຫວ່າງ ຫວຽດນາມ ແລະ ຄູ່ຮ່ວມມືເອີຣົບເທົ່ານັ້ນ, ແຕ່ຍັງສະແດງໃຫ້ເຫັນຄວາມຕັ້ງໃຈຂອງກຸ່ມບໍລິສັດທ່ອງທ່ຽວ Saigontourist ແລະ Vietnam Airlines ໃນການນຳການທ່ອງທ່ຽວ ຫວຽດນາມ ໄປທົ່ວໂລກ.

​ເປັນ​ເວລາ​ຫຼາຍ​ທົດ​ສະ​ວັດ​ແລ້ວ, ​ເຢຍລະ​ມັນ ​ແລະ ຕະຫຼາດ​ທີ່​ເວົ້າ​ພາສາ​ເຢຍລະ​ມັນ ​ແມ່ນ​ຕະຫຼາດ​ທ່ອງ​ທ່ຽວ​ສາກົນ​ທີ່​ສຳຄັນ​ຂອງ​ການທ່ອງທ່ຽວ ຫວຽດນາມ ກໍ່​ຄື​ກຸ່ມ​ນັກ​ທ່ອງ​ທ່ຽວ Saigontourist. ຕາມ​ສະຖິຕິ, ຈຳນວນ​ລູກ​ຄ້າ​ທີ່​ເວົ້າ​ພາສາ​ເຢຍລະ​ມັນ​ຂອງ​ລະບົບ​ກຸ່ມ​ທ່ອງ​ທ່ຽວ Saigontourist ​ໄດ້​ຕ້ອນຮັບ ​ແລະ ຮັບ​ໃຊ້​ນັບ​ແສນ​ເທື່ອ​ຄົນ​ມາ​ຮອດ, ​ເຮັດ​ໃຫ້​ລາຍ​ຮັບ​ນັບ​ພັນ​ຕື້​ດົ່ງ. ພິເສດແມ່ນບັນດາໂຮງແຮມ, ຣີສອດ, ສະໜາມກ໊ອຟ, ສູນປະຊຸມ, ສຳມະນາ ແລະ ອື່ນໆ ທີ່ຂຶ້ນກັບກຸ່ມບໍລິສັດທ່ອງທ່ຽວ Saigontourist ຢູ່ນະຄອນ ໂຮ່ຈີມິນ ແລະ ບັນດາທ້ອງຖິ່ນໃນທົ່ວປະເທດໃນແຕ່ລະປີ ຕ້ອນຮັບແຂກ ເຢຍລະມັນ ນັບຫຼາຍແສນຄົນ ເວົ້າສະເພາະ ແລະ ຕະຫຼາດແຂກເວົ້າພາສາເຢຍລະມັນ ໂດຍທົ່ວໄປ, ສ່ວນຫຼາຍແມ່ນແຂກທ່ອງທ່ຽວລະດັບສູງ ແລະ ນັກທຸລະກິດນຳມາເຊິ່ງລາຍຮັບນັບພັນຕື້ດົ່ງ.

ການທ່ອງທ່ຽວ Saigontourist ໃນປີ 2023 ແລະ 9 ເດືອນຕົ້ນປີ 2024 ໄດ້ຕ້ອນຮັບແຂກ ເຢຍລະມັນ 50.000 ກວ່າຄົນ, ກົງກັນຂ້າມ, ໄດ້ນຳແຂກຫວຽດນາມ ນັບໝື່ນໆຄົນເຂົ້າຮ່ວມບັນດາລາຍການທ່ອງທ່ຽວ ເຢຍລະມັນ, ການທ່ອງທ່ຽວເຊື່ອມຕໍ່ ເຢຍລະມັນ ແລະ ບັນດາປະເທດເອີຣົບ.

ວິງພູ