ພັດທະນາການພົວພັນຄູ່ຮ່ວມມືຍຸດທະສາດ ຫວຽດນາມ - ອັງກິດ ໃຫ້ມີປະສິດທິຜົນ ແລະ ກວ້າງຂວາງ

ໃນການໂອ້ລົມທາງໂທລະສັບເມື່ອບໍ່ດົນມານີ້, ສອງລັດຖະມົນຕີການຕ່າງປະເທດຫວຽດນາມ ແລະ ອັງກິດ ໄດ້ສະແດງຄວາມເພິ່ງພໍໃຈຕໍ່ການພັດທະນາຢ່າງມີປະສິດທິຜົນ ແລະ ກວ້າງຂວາງຂອງການພົວພັນຄູ່ຮ່ວມມືຍຸດທະສາດ ຫວຽດນາມ - ອັງກິດ ໃນໄລຍະມໍ່ໆມານີ້.

ທ່ານລັດຖະມົນຕີ ບຸ່ຍແທງເຊີນ ແລະທ່ານ David Cameron ລັດຖະມົນຕີກະຊວງການຕ່າງປະເທດ ອັງກິດ ຖືວ່າ 2 ຝ່າຍຕ້ອງສືບຕໍ່ເພີ່ມທະວີການແລກປ່ຽນຄະນະຜູ້ແທນ, ພິເສດແມ່ນບັນດາຄະນະຜູ້ແທນຂັ້ນສູງ, ປະຕິບັດບັນດາກົນໄກຮ່ວມມືທີ່ມີຢູ່ແລ້ວຢ່າງມີປະສິດທິຜົນຄື: ການເຈລະຈາຍຸດທະສາດ, ການເຈລະຈານະໂຍບາຍປ້ອງກັນຊາດ, ຄະນະກຳມະການຮ່ວມມືການຄ້າ (JETCO) ແລະ ອື່ນໆ; ຜັນຂະຫຍາຍ ແລະ ຜັນຂະຫຍາຍແຜນການເຄື່ອນໄຫວຫວຽດນາມ - ອັງກິດ ໄລຍະ 2024-2026 ຢ່າງມີປະສິດທິຜົນ; ເພີ່ມທະວີການປະສານງານ ແລະ ສະໜັບສະໜູນເຊິ່ງກັນ ແລະ ກັນຢູ່ບັນດາອົງການ ແລະ ເວທີປາໄສພາກພື້ນ ແລະ ຫຼາຍຝ່າຍ.

Bộ trưởng Ngoại giao Bùi Thanh Sơn. — ທ່ານລັດຖະມົນຕີການຕ່າງປະເທດ ບຸ່ຍແທງເຊີນ.

ກ່ຽວກັບການຮ່ວມມືດ້ານເສດຖະກິດ, ທ່ານລັດຖະມົນຕີ Bui Thanh Son ຢືນຢັນວ່າ: ຫວຽດນາມ ສະໜັບສະໜູນ ອັງກິດ ເຂົ້າຮ່ວມສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP), ເຊື່ອໝັ້ນວ່າ ນີ້ແມ່ນກຳລັງໜູນໃໝ່ເພື່ອໃຫ້ 2 ປະເທດຊຸກຍູ້ການຮ່ວມມືດ້ານການຄ້າ ແລະ ການລົງທຶນ, ຊຸກຍູ້ການເຊື່ອມໂຍງເສດຖະກິດຢູ່ພາກພື້ນ.

ລັດຖະມົນຕີ 2 ທ່ານໄດ້ເຫັນດີສືບຕໍ່ປະຕິບັດສັນຍາການຄ້າເສລີ ຫວຽດນາມ - ອັງກິດ (UKVFTA) ຢ່າງຄົບຖ້ວນ ແລະ ມີປະສິດທິຜົນ ເພື່ອປະກອບສ່ວນເຂົ້າໃນບັນດາຈຸດໝາຍພັດທະນາເສດຖະກິດຂອງແຕ່ລະປະເທດ.

ຕີລາຄາສູງໝາກຜົນການຮ່ວມມືໃນໄລຍະມໍ່ໆມານີ້, ທ່ານລັດຖະມົນຕີ David Cameron ຢືນຢັນວ່າ ອັງກິດ ຖືເປັນສຳຄັນການເພີ່ມທະວີການພົວພັນຄູ່ຮ່ວມມືຍຸດທະສາດກັບ ຫວຽດນາມ; ເນັ້ນໜັກວ່າ ອັງກິດ ຈະສືບຕໍ່ພ້ອມກັບ ແລະ ໜູນຊ່ວຍ ຫວຽດນາມ ໃນການພັດທະນາເສດຖະກິດແບບຍືນຍົງ; ສະເໜີໃຫ້ສອງປະເທດສືບຕໍ່ຊຸກຍູ້ການຮ່ວມມືກ່ຽວກັບບັນຫາການອົບພະຍົບ, ການຄຸ້ມຄອງຄົນເຂົ້າເມືອງ, ການປ້ອງກັນ, ຕ້ານການເຄື່ອນຍ້າຍຜິດກົດໝາຍ.

ທ່ານລັດຖະມົນຕີ Bui Thanh Son ຢືນຢັນວ່າ ຫວຽດນາມ ຈະຕັ້ງໜ້າຊຸກຍູ້ບັນດາໂຄງການຮ່ວມມືອັນສຳຄັນລະຫວ່າງ ອາຊຽນ - ອັງກິດ ດ້ວຍບົດບາດເປັນຜູ້ປະສານງານການພົວພັນ ອາຊຽນ - ອັງກິດ ໄລຍະ 2024 – 2027.

ກ່ຽວກັບບັນຫາທະເລຕາເວັນອອກ, 2 ຝ່າຍຢືນຢັນສະໜັບສະໜູນການຮັກສາສັນຕິພາບ, ສະຖຽນລະພາບ, ຄວາມເສລີໃນການເດີນເຮືອ ແລະ ຄວາມປອດໄພດ້ານການບິນ, ແກ້ໄຂການພິພາດຢູ່ທະເລຕາເວັນອອກດ້ວຍສັນຕິວິທີ, ບົນພື້ນຖານກົດໝາຍສາກົນ ແລະ ສົນທິສັນຍາສະຫະປະຊາຊາດກ່ຽວກັບກົດໝາຍທະເລ (UNCLOS 1982).

ທີ່ມາ